Utandiko 16:11 - Amazwi Yakwe Leza 2013

¹¹ Nupya mungeli wilya amunena ati, “Watusenda indilwa nga ulavyala umwana umonsi, ulamutemela izina Isumeli, pamulandu wakuti Yawe watauvwa ukulilizika kwako.

Utandiko 16:11 ပူးပေါင်းရင်းမြစ်များ

Utandiko 17:19

Leza amunena ati, “Awe cisi vivyo. Lelo umuci wako Sala alakuvyalila umwana umonsi nga nawe ulamutemela izina Isaki. Ndafikilizya upangano wane na aliwe nga na amu mupanda wakwe amanda pe. Upangano uu ulaya uwa manda pe ku ana yakwe alalondelapo.

Utandiko 21:17

Leza auvwa umwana kuno akulila, nga mungeli wakwe Leza avwanga kuli Haga ukufuma kwiyulu ati, “Icani icakucuzya, we Haga? Utuvwa intete! Leza watauvwa kulila kwa mwana.

Utandiko 37:25

Lino yatenzi yakulya, iukila mulongo wa alendo aina Isumeli yakupita ukufuma ku Gileadi, yakuya ku Eguputo. Ngamila zyao zyasenzile iviya vivule nupya ivyamutengo, ivinyamuti vinunkile na mafuta yakupangila milembo, na mafuta yakulesya ukuola, ala yakuvitwala ku Eguputo.

Yobo 38:41

Uzye aweni akateyanyizizya mwankole icakulya, lino utwana twakwe tukulila nu kutonkomalika utusingo twatuko, pamulandu ni nzala?”

Masamu 22:24

Pano wene asitazyela apina nanti kuyasuula. Wene asifuntuka kunoyali foo, lelo akaasuka lino yene yapunda ntulwe.”

Kufuma 3:7

Lyene Yawe avwanga ati, “Natindola kukalala kuno aina Eguputo yakucita pa antu yane. Natinuvwa inkuta ya antu yane kuti njatuule ukufuma mu makasa yakwe yakangalila yao akalale. Manyile kunyunguluka kwao konsi.

Kufuma 3:9

Cumi natinuvwa inkuta ya antu yane, nupya natindola kukalala kuno aina Eguputo yakucita pa antu yane.

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Luka 1:13

Lelo mungeli amunena ati, “Utoopa Zakaliya, pano ipepo lyako lyati lyuvwika. Muci wako Elizabeti alakuvyalila umwana umonsi, alino naawe ulamutemela izina uti a Yoane.

Luka 1:31

Lola, umasenda indilwa, ulavyala umwana umonsi, ulamutemela izina uti a Yesu.

Luka 1:63

Lyene Zakaliya ayalenga cakuti alembepo, nga alino alemba ati, “Izina lyakwe a Yoane.” Awe na antu yonsi yazunguka.

1 Samueli 1:20

Acino mukupita kwa nsita Hana asuka asenda indilwa nga aca avyala umwana umonsi. Alino atemela umwana wilya izina ati a Samueli, ala akuti, “Pamulandu wakuti namulenzile sile kuli Yawe.”