Utandiko 15:9 - Amazwi Yakwe Leza 2013

⁹ Nawe amwaasuka ati, “Ndetele zyakaci ing'ombe ni mbuzi na suuku, cila nyama iye iya myaka itatu nga na kaondo ka nkunda ni cipele.”

Utandiko 15:9 ပူးပေါင်းရင်းမြစ်များ

Utandiko 15:10

Alino Abulamu atwalila Yawe inyama zii, aziputula pakasi nga atantika vimpilinsya mu milongo iili, cila cimpilinsya ulunga ni cuze. Ivyunyi vyene ataviputwile.

Utandiko 15:8

Lelo Abulamu auzya Yawe ati, “Yawe Simwandalali, uzye ningamanya uli ukuti impanga ii ilaya iyakwane?”

Utandiko 22:13

Abulaamu alwenga nga alola suuku watalemya impembe mu cimpuza. Lyene aya amutola awino afyula, nga apeela wa wila wakoca mucifulo ca mwana wakwe.

Masamu 50:5

“Kolonganini kunondi, mwe uvi lyane, mwemuno mwapangine nani apa mpolelwa.”

Lwimbo lwakwe Solomoni 2:12

Amaluwa yatiyawalula umu mpanga, insita yatifika iyakwimba inyimbo zya nsansa, nu kulila kwa vipeele ku kuvwika mu mpanga itu ii.

Ezaya 15:5

Awe icumi umwenzo wane ukulilila aina Moabu! Antu yatiyasaamila ku musumba wa Zoali, ukufika nu ku Egilati Syelisyiya. Yamwi yatiyatumbela umuseo wa Luiti, ala yafumile yakulila muno yaile. Yamwi yatiyutukila uku Holonaimu, ala yakupongomoka wakwe cimwi!

Aina Levi 1:10

Muntu ndi cakuti akupeela uwila wakoca uwa mfwele nanti imbuzi, uwila uwo ulinzile ukuya a suuku nanti sawe uwaula ulema.

Aina Levi 1:14

“‘Muntu ndi cakuti akupeela kuli Yawe uwila wakoca uwa tunyi, uwila uwo ulinzile ukuya icipeele nanti inkunda.

Aina Levi 1:3

“‘Muntu ndi cakuti akupeela uwila wakoca, apeele cipambasi wa ng'ombe uwaula ulema. Apeelele pa mulyango wi Taalu lya Ukongano pakuti Yawe apokelele uwila uwo.

Aina Levi 12:6

Lino insita yakuswefiwa kwa mpapo yakwe yasila, pa mpapo ya mwana umonsi nanti pa mpapo ya mwana umwanaci, nyina mututu alinzile ukuleta kuli simapepo, pa mulyango wi Taalu lya Ukongano umwana wa mfwele wa mwaka onga, kuti aye uwila wakoca. Nupya alinzile ukuleta icipeele conga nanti inkunda yonga ya wila wa kwelela amaifyo.

Aina Levi 12:8

Mwanaci ndi cakuti atakweti imfwele, alinzile ukuleta ivipeele viili nanti ana ya nkunda yaili, conga ciye uwila wakoca ni cuze ciye uwila wa kwelela amaifyo. Mu musango kwene uu simapepo alinzile ukumucitila ulutambi lwa kufuta amaifyo, nga nawe alaswefiwa.

Aina Levi 14:22

Nupya alinzile ukuleta ivipeele viili nanti ana ya nkunda yaili, conga ciye uwila wa kwelela amaifyo ni cuze ciye uwila wakoca.

Aina Levi 14:30

Lyene alinzile ukupeela ivipeele nanti ana ya nkunda yaili, ukulingana na vino umuntu wino akuswefiwa angapeela.

Aina Levi 3:1

“‘Muntu ndi akupeela uwila wa utandano kuli Yawe, uwila uwo ndi acipambasi wa ng'ombe nanti indama, ulinzile ukuya uwaula ulema.

Aina Levi 3:6

“‘Muntu ndi akupeela uwila wa utandano kuli Yawe, ndi uwila uu a suuku nanti imfwele yakaci, yene ilinzile ukuya iyaula ulema.

Aina Levi 9:2

Alino anena Aaloni ati, “Tola kacipambasi ka wila wako uwa kwelela amaifyo nga na suuku uwa wila wako wakoca, vyonsi viye vyaula ulema. Upeele uwila kuli Yawe. Kacipambasi kaye uwila wa kwelela amaifyo, alino suuku aye uwila wakoca.

Aina Levi 9:4

Nupya mutole masaye na suuku kuti viye uwila wa utandano, wakuti mupeele pa manso yakwe Yawe pamwi nu wila wa cakulya, utikinkanye na mafuta. Pamulandu wakuti ilelo Yawe amaloleka kunomuli.’ ”

Luka 2:24

Nupya yaile nu kupeela impolelwa ya nkunda ziili nanti ivipeele viili, wakwe vino calembwa mu Masunde ya Mwene.