Utandiko 15:18 - Amazwi Yakwe Leza 2013

¹⁸ Pa wanda ulya Yawe acita upangano na Abulamu, avwanga ati, “Nakulaya ukuti namapeela impanga ii yonsi ku amu mupanda wako, ukufuma ku Luzi lwa Eguputo kufika nu ku luzi lukulu lwa Yufulate,

Utandiko 15:18 ပူးပေါင်းရင်းမြစ်များ

Utandiko 12:7

Lyene Yawe aloleka kuli Abulamu amunena ati, “Ii ili mpanga ino ndapeela ku amu mupanda wako.” Caleka Abulamu akuulako na kavuwa papa kwene kakwe Yawe, uwalolike kunoli.

Utandiko 13:15

Mpanga yonsi ino walola ndapeela kunuli nu ku amu mupanda wako, nga ilaya iyakwako amanda pe.

Utandiko 2:14

Izina lya luzi lwakwe citatu a Tigilisi. Lwene luli luzi ulukakonkolokela ku ufumondaka wa musumba wa Asyuli, nga lwakwe cini a Yufulate.

Utandiko 24:7

Yawe, Leza uwa mwiyulu, uwandesile kuno ukufuma kuli tata nu kufuma ku mpanga ya antu aluko lwane, wandaya nu mulapo ukuti alapeela impanga ino ku ana yane. Alatuma mungeli kunuli kuti akwazwe kulondela umwana wane umuci ukufuma kweneko.

Utandiko 26:4

Ndalenga ana yako kuvula wa ntanda zya mwiyulu, nupya ndayapeela impanga ii yonsi. Mitundu yonsi ili nu kunguzya kuti njipolelele wakwe vino natimpolelela ana yako.

Utandiko 28:4

Nupya akapolelele na ana yako kwene vino wapolelile sokulu Abulaamu. Ace alenge kuti ukapyane impanga ii ino nkaikalamo wa mwinamasi, impanga ino Leza wapile kuli Abulaamu.”

Utandiko 35:12

Ndakupeela impanga ino napiile Abulaamu na Isaki. Ndaipela nu ku amu mupanda wako icisila cako.”

Utandiko 50:24

Yosefu anena aina yakwe ati, “Indi pipi nu kufwa, lelo Leza alamusunga nu kumutungulula ukufuma mu mpanga ii ukuya ku mpanga ino walavile kuli Abulaamu na Isaki, nga nakuli Yakobo.”

2 Samueli 23:5

Avino Leza wane alapolelela amu mupanda wane, pamulandu wakuti wene watacita upangano uwa manda pe nani uno utalavunwa ulayo uno utalasenulwa. Icili cintu cino nkulonda. Cico cilaya ucimvyo wane, icumi kwene Leza alafikilizya cico.

2 Samueli 8:3

Davidi acimvya nu mwene kwene uwa mpanga iya Asilya ino ikaamwa ukuti Zoba. Nga acimvya na Hadadezeli umwana umonsi wakwe Leobu lino wali pa ulendo kuti aswilile pa wene wa mpanga yonsi iyalondelela Luzi lwa Yufulate.

1 Yamwene 4:21

Uwene wakwe Solomoni watandikile ku Luzi lwa Yufulate mpaka nu ku mpanga ya ina Filisti, ukufika nu ku mupaka wa Eguputo. Antu amu mpanga zii yasonkanga imisonko kuli Solomoni nu kumutumikila amanda yonsi ya umi wakwe.

1 Yamwene 5:1

Hilamu umwene waku Tuli wali acuza wakwe Davidi lyonsi kwene. Nga lino uvwa ukuti Solomoni iyamupaka amafuta nu kumulasika uwene kuti apyane isi Davidi, atuma inkombe zyakwe kuli Solomoni.

1 Milandu 16:16

Akaiusya upangano ulya uno wene wacisile na Abulaamu, umulapo uno wene wacisile kuli Isaki.

1 Milandu 5:9

Lwa ku ufumondaka nako yatenzi mu mpanga ilya mpaka ukufika umwapelela ulwanga lwamu nkumba ya Luzi lwa Yufulate, pamulandu wakuti iviteekwa vyao alanga vyasanduluka mu Gileadi.

2 Milandu 7:8

Alino lyene Solomoni pamwi na ina Izlaeli yonsi yazevya uwanda ukulu uwa nsakwe apa manda cinimbali pamwi na antu nyanya ukufuma uku wingililo wa Lebo Hamati ukufika uku luzi lwaku mupaka waku Eguputo.

2 Milandu 8:7

Antu yonsi yano yasile apa ina Hiti na ina Amoli na Pelizi na ina Hivi na ina Yebusi, aatali aina Izlaeli inkonko,

2 Milandu 9:26

Uwene wakwe walundulwike ukutandikila sile uku Luzi lwa Yufulate mpaka ukufika uku mpanga ya ina Filisti nu ku mupaka waku Eguputo.

Ezila 4:20

Kwatalanga kuya na yamwene amaka ateekanga mu Yelusalemu yayo atesile impanga yonsi mpaka nu ku mbalama ya luzi lwa Yufulate. Yasonkesyanga ni misonko ya pa mwili wa muntu, iya miseo ni milaza.

Neemiya 9:8

Wazanyile ukuti umwenzo wakwe uwakutontelela. Fwandi ali pakupangana nawe upangano wa kumupeela impanga yaku Kenani, impanga ya ina Hiti ni ya ina Amoli, ya aina Pelizi, ya ina Yebusi nga ni ya ina Giligasi, apakuti ingaya impanga yakwe ni ya luko lwakwe. Wemo ukawaka upangano wako, pano wewe wacumi.

Masamu 105:11

“Nakupeela impanga ya Kenani ukuya icuma cako.”

Kufuma 13:11

“Yawe alalenga kuti mwingile mu mpanga ya Kenani ino walavile nu mulapo kunomuli nga nu ku vikolwe vinu. Lino alapeela mpanga ilya kunomuli,

Kufuma 2:24

Leza auvwa kuteta kwao, nga atilile upangano wakwe uno wacisile na Abulaamu, na Isaki, na Yakobo.

Kufuma 23:23

“Mungeli wane alakolela ku nkolelo inu, nupya alamutungulula ku mpanga ya ina Amoli, aina Hiti, aina Pelizi, aina Kenani, aina Hivi nga na Yebusi, nupya ndayonona yonsi.

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Kufuma 32:13

Iusya aomvi yako Abulaamu, Isaki na Yakobo nupya iusya na vino wayalavile nu kulapa pi zina lyako lino wayanenyile ukuti ulayapeela aizikulu avule cuze, avule wa ntanda zya mwiyulu, nu kuti ulapeela aizikulu yao impanga yonsi ino walavile. Mpanga kwene ii ilaya impanga yao amanda pe.”

Kufuma 34:11

Mwayela amasunde yano nakupeela ilelo. Ndamuzingila aina Amoli, aina Kenani, aina Hiti, aina Pelizi, Hivi, nga na ina Yebusi lino mukuya kunoyali.

Kufuma 34:24

Pacisila cakuzinga imitundu mu mpanga nga nu ku kuuzya impanga ilya, kusi umuntu nanti wenga aleezya kumulwisya nu kupokolola impanga inu pa nsita ya kuzevya vimulo vitatu pa mwaka.

Kufuma 6:4

Nupya nacisile upangano wane nayo, injalaya kuyapeela impanga ya Kenani, impanga ino yatazile yikala mwenemo wa inamasi.

Kufuma 6:8

Ndalenga kuti muye ku mpanga ino nalavile nu mulapo ukupeela kuli Abulaamu, kuli Isaki, na kuli Yakobo. Impanga ii, ilaya iyakwinu.’ ”

Ezaya 27:12

Mu wanda ulya Yawe alakolonganika antu yakwe ukutandikila sile ku luzi Yufulate, ukuyapelela kuli nande waku Eguputo. Wene alayapaatulula wenga wenga ndi vino yakaelulula ingano ukufuma mu vinkapala.

Ezaya 55:3

Teini amatwi mwize kunondi, munguvwe pakuti imyenzo inu isyukile uumi. Namapangana namwe upangano wa pee, uwaluse uno nalavile Davidi.

Yelemiya 32:22

Nupya wayapile impanga ii ino walavile ku vikolwe vyao apakulapa umulapo, impanga muno mukavovomoka iziya nu uci.

Yelemiya 32:40

Ndapangana nayo upangano wa pee uwakuti ntalatala inte ukuyacitila ivizipe, ndiika ni coopo ca koopa umu myenzo yao, apakuti yatakantaluke nupya.

Aina Levi 26:42

ndafikilizya cipangano cane cino nacisile kuli Yakobo, Isaki, na Abulaamu. Nupya ntalilila vino nalavile ukupeela impanga kunomuli.

Aina Levi 26:45

Ndafikilizya cipangano cane cino nacisile ku vikolwe vyao, lino nalanzile imitundu yonsi maka yane pa kufumya antu yane mu mpanga ya Eguputo, pakuti Ne Yawe ningaya Leza wao.”

Mpendwa 34:5

Ukufuma ku Azimoni, umupaka ulafutukila ku cifoloma ca kaluzi akalungama ku Eguputo nu kwizafika kuli Yemba wa Adiliya.

Milimo 7:5

Leza atapile Abulaamu nanti ciputulwa ca mpanga kuti iye impanga yakwe, nanti impanga kulingana nu lutampulo longa awe. Lelo Leza wamulavile ukumupeela impanga ilya, nu kuti ilaya impanga yakwe nga na amu mupanda wakwe kwene aliza cisila cakwe. Pa kasita kano Leza wacisile ulayo uu, Abulaamu atakweti ana.

Malango 11:24

Ponsi pano mulalyata palaya pa ncende inu. Impanga inu ilatandikila ku lwanga ku kaeya ukufika nu ku Myamba ya Lebanoni ku katutu, nu kufuma ku Luzi lwa Yufulate ukufika kuli yemba waku uwondaka.

Malango 12:20

“Lino Yawe alakuzya impanga inu, wakwe muno walavile, muce mwafyula inyama nu kulya pano mukulondela.

Malango 19:8

“Lino Yawe Leza winu alavungulula impanga inu ndi muno walavile ivikolwe vinu, nu kumupeela impanga yonsi wakwe muno walaya,

Malango 34:4

Alino Yawe anena Mose ati, “Ikwene ili mpanga ino nalavile Abulaamu, Isaki, na Yakobo ukuti ndaipela ku amu mupanda wao. Natindeka kuti uilolekesye, lelo ntalakuzumilizya ukwingila mwenemo.”

Malango 7:1

“Yawe Leza winu alamutwala mu mpanga ino mulapoka nu kwikala mwenemo, nga wene alazinga mwenemo inko zivule. Lino mukuya pa nkolelo, wene alazinga mwenemo inko cinimbali izikulu nupya izya maka ukuluta mwemwe. Inko zii izya ina Hiti, na ina Giligasi, na ina Amoli, na ina Kenani, na ina Pelizi na ina Hivi, nga na ina Yebusi.

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

Yoswa 13:3

ukufuma ku Luzi lwa Syioli lwaku ufumondaka wa Eguputo ukufika nu ku mpanga ya Ekiloni ku katutu, yonsi kwene ino ikapendwa wa mpanga ya ina Kenani (ili mpanga yakwe yamwene yasano ya ina Filisti ateekanga mu Gaza, mu Asyidodi, mu Asyikeloni, mu Gati nu mu Ekiloni, impanga ya ina Avimu.)

Yoswa 15:4

Lyene apali pa kupita ku Azimoni iutuntukila ku Luzi lwa Eguputo, nga iusinta na muli Yemba. Ukwene uli mupaka uwaku kaeya wakwe Yuda.

Umbwilo 9:14

Izwi livwanga ku mungeli uwali ni ntandala uwalenga mutanda liti, “Sapula angeli yani anyepwa pa luzi lukalamba Yufulate.”