Utandiko 15:1 - Amazwi Yakwe Leza 2013

¹ Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

Utandiko 15:1 ပူးပေါင်းရင်းမြစ်များ

Utandiko 15:2

Lelo Abulamu ati, “Endi we Yawe Simwandalali, uzye icani cino ndatumbula mu wila uwo, pano ntakwata umwana? Mpyanyi ino nkweti sile a Elieza waku Damasiko.

Utandiko 15:4

Nga Yawe nupya amunena ati, “Elieza, muzya wako atalapyana vyuma vyako, lelo umwana wako umonsi, uwa munuli alaya mpyanyi yako.”

Utandiko 21:17

Leza auvwa umwana kuno akulila, nga mungeli wakwe Leza avwanga kuli Haga ukufuma kwiyulu ati, “Icani icakucuzya, we Haga? Utuvwa intete! Leza watauvwa kulila kwa mwana.

Utandiko 22:1

Insita imwi Leza wezizye Abulaamu avwanga kunoli, ati, “Abulaamu!” Nawe aasuka ati, “Mukwai, nkutezya!”

Utandiko 22:20

Uwanda umwi Abulaamu auvwa ukuti Milika, mulamu wakwe, wavyalila Nawoli mwina wakwe Abulaamu ana.

Utandiko 26:24

Uwanda uwa kwene usiku Yawe aloleka kunoli amunena ati, “Nene Leza wakwe so Abulaamu. Utuvwa intete indi nawe. Namakupolelela nu kukupeela ana avule, pamulandu wa ulayo uno nalavile muomvi wane Abulaamu.”

Utandiko 31:7

Lelo wene wansomba nu kucefya malipilo yane maila ikumi. Lelo Leza atamuzumilizye kuti ancise.

2 Samueli 22:3

Leza wane ali ucingililo wane, nga kusi icinganzanza lino indi nawe. Wene akancingilila wa cisyangu. Wene akampokolola nu kunsunga ningo. Wene akatuula wane, akancingilila nu kuntuula ku antu yalwete.

2 Yamwene 1:15

Lyene umungeli wakwe Yawe anena Eliya ati, “Tentemuka upite nawe. Utamoopa foo.” Acino Eliya akatuka nga atentemuka apita nawe ku mwene.

1 Milandu 28:20

Davidi anena Solomoni umwana wakwe ati, “Uposye nupya uzyansye kuti uombe umulimo uu. Utuvwa intete nanti kutovoka, pano Yawe, Leza wane, ali nawe. Wene atalakutazyela nanti kukusya, mpaka uce umale umulimo onsi wa Ng'anda ikulu yakwe Yawe.

Masamu 115:10

Mwe amu luko lwakwe Aloni, mwataila sile Yawe! Pano aliwe sile akamwazwa nu kumuvwangila.

Masamu 119:114

Wewe uli ncende yane yakuzinamo ni cisyangu cane, nupya nemo nkapaalila umu ulayo wako.

Masamu 142:5

Nkukwama wewe, we Yawe, inkuti, “Wewe uli cele lyane, wewe Cuma cane muno nsi ya umi.

Masamu 18:2

Yawe cili ciliwe cane, nupya lili linga lyane na katuula wane. Wene ali Leza wane, nupya ciliwe cane cino nkaya uku kuzina mwenemo.

Masamu 27:1

Yawe ali luswepo lwane na katuula wane, kusi cino ningoopa. Yawe akantuula kuli vyonsi ivya uzanzo, fwandi kusi wino ningoopa.

Masamu 3:3

Lelo we Yawe, wewe cisyangu cane. Wewe uli ucindami wane, wewe ukampamya.

Masamu 3:4

Nalaizya kuli Yawe ni izwi ilisanzuke, nawe wanjasuka pa mwamba wakwe uwamuzilo.

Masamu 5:12

Umu cumi, we Yawe, ukapolelela yayo akacita ivyaololoke nu kutemwa kwako kukayacingilila wa cisyangu.

Masamu 58:11

Yakaifya yene yalati, “Ee kwene icacumi asuma yalambulwa, mu cumi, kwaya Leza wenga akapingwila insi.”

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Masamu 84:9

Lolekesya apa mwene witu, akatuvwangila kweneko, polelela umwene wa mpanga itu, wino wasolola we mweneco ukuti atuteeka.

Masamu 91:4

Amakuvimbanga na mapa yakwe, nu kuwa amuno umauwanga, ni cisinka cakwe, ni cumi cakwe, acino umasolelanga nu kuicingilila kweneko.

Kufuma 14:13

Mose aasuka ati, “Awe mutoopa! Posyini, mumalola vino Yawe amacita ilelo pakuti atutuule, mutalatala mulole aina Eguputo yaa nupya.

Mapinda 11:18

Umuntu mwipe akalipilwa utumalipilo twamu usomvi, lelo kacita wa vyaololoke wene akapokelela ukulingana ni cilambu ca milimo yakwe.

Mapinda 30:5

Amazwi yonsi yakwe Leza acumi. Wene ali cisyangu, cakucingilila yao akuzina munoli.

Ezaya 35:4

Nenini atovoke umu mwenzo muti, “Posyini mutaoopa! Lolini Leza winu akwiza. Akwiza ku kumulandwila. Wene akwiza ku kumukulula.”

Ezaya 40:10

Umwene mucindami akwiza ku kuteeka na maka. Lino akwiza ali na antu yakwe yano wakulula.

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Ezaya 41:14

Nupya Yawe wavwanga wati, “Mwe ina Izlaeli, nanti angala mwacepesya nu kuulilwa amaka, mutaoopa foo, pano nene namamwazwanga. Anene Leza Wamuzilo wakwe Izlaeli. Anene namamupususyanga.

Ezaya 43:1

Lelo ndakai, Yawe uwakuumvile we Yakobo, wiyo uwakupanzile we Izlaeli, akuti, “Utuvwa intete, pano natinkukulula, nakwama ukwi zina, wewe wakwane.

Ezaya 43:5

Utuvwa intete foo, pano indi nawe. Nemo ndafumya antu inu yonsi, ukutandikila sile ku ufumondaka, nu kuyawezezya kumwao.

Ezaya 44:2

Nene indi Yawe wiyo uwamupanzile nu kumuumba mu ndilwa zyakwe yanyoko, nupya anene nkamwazwilizya. Utuvwa intete we Yakobo, we muomvi wane. Mwemwe antu yane akundwe yano nasolola.

Ezaya 44:8

Mutazakaza, mutuvwa intete. Uzye ntamunenyile cico nu kumusokolwela ukufuma uku mpiti? Mwemwe muli yakambone yane. Uzye kwaya Leza namuze? Kutaya Ciliwe nacuze, nemo ntacimanya.”

Ezaya 51:12

Yawe nupya wavwanga wati, “Kapela wa maka kuno muli anene. Nga fwandi nupya ungaoopa uli umuntu umwina kufwa, wino waviilwe uku muntu? Wiyo alafoota sile nu kuuma wi sote?

Yelemiya 39:17

Lelo wemo ndakupususya mu wanda ulya, nupya utalapeelwa mu makasa ya antu yano ukaoopa.

Nyimbo zya ndosya 3:24

Yawe ali cuma sile cino nakwata. Acino nemo namapaalilanga munoli.

Ezekelo 1:1

Mu mwaka walenga amakumi yatatu, pa wanda walenga yasano wa mwezi wakwe cini, lino nali na azya pa nkumba ya Luzi lwa Kebali, iyulu liyulika nga ndola Leza mu cilolwa.

Ezekelo 11:24

Pacisila Mupasi wakwe Yawe iunyemula nga untwala ku azya ku mpanga ya Babiloni. Vyonsi vii vyacitike umu cilolwa, ndi muno Mupasi wakwe Yawe wandanzile. Lyene cilolwa cino nakweti icipita,

Ezekelo 3:4

Alino Leza anena ati, “We mwana wa muntu, pitanga lyene ukanene aina Izlaeli, ukayanene vyonsi vino nemo nkukunena.

Mpendwa 12:6

Alino Yawe avwanga ati, “Uvwini amazwi yane. Lino kasema wakwe Yawe ali namwe, nkaisokolola kuli aliwe mu vilolwa, nu kulanda kunoli mu viloto.

Mpendwa 18:20

Alino Yawe anena Aaloni ati, “Utalakwata icaupyanyi mu mpanga yao. Nupya utalakwata isala mu mpanga yao. Nene ne Yawe indaya isala alino ni caupyanyi cako pakasi ka ina Izlaeli.”

Mpendwa 24:4

Usemo kuli wiyo akauvwa amazwi yakwe Leza. Akalola cino Leza Wamaka yonsi wamulanga. Wino akakunkula, nga na manso yakwe yayulika.

Mateo 28:5

Alino mungeli anena anaci yaya ati, “Mutoopa, pano manyile vino mukulonda Yesu, wino watanyilwe pa lupanda.

Mateo 8:26

Yesu ayanena ati, “Mwe ya utailo unono! Uzye pacani muvwa intete?” Lyene Yesu akatuka, alesya cipupu na maimbi, nga kuya cele.

Luka 1:13

Lelo mungeli amunena ati, “Utoopa Zakaliya, pano ipepo lyako lyati lyuvwika. Muci wako Elizabeti alakuvyalila umwana umonsi, alino naawe ulamutemela izina uti a Yoane.

Luka 1:30

Lelo mungeli amunena ati, “Utoopa, Maliya, pano Leza watakukumbusuka.

Luka 12:32

“Mutoopa, mwe ufyo unono wa mfwele, pano So camuzanzya kuti amupeele Uwene wakwe.

Milimo 10:22

Yaasuka yati, “Konelio musika wa vita watatutuma. Wene umuntu musuma wino akaoopa Leza, nga na Ayuda yamucindika cuze. Mungeli wa Mwene wamunenyile kuti akwame ku ng'anda yakwe, pakuti akuvwe cino waya vwanga.”

1 Kolinto 3:22

Paulo, Apolo, nga na Petulo, insi ii ya pansi, umi nanti imfwa, ivilipo ndakai nga ni viliza, vii vyonsi ivya kwinu,

Malango 18:2

Yene yatalinzile yakwate impanga, ndi vino imitundu yuze yakwata. Yawe ali cipande cao, wakwe vino wene wayalavile.

Malango 31:6

Posyini nupya muzyansye. Mutezya ukuyoopa nanti ukuzakaza, pano Yawe Leza winu amaya namwe. Wene atalatala amusye nanti ukumutazyela.”

Ayebulai 1:1

Ku mpiti Leza wavwanzile ku vikolwe vitu umu nzila zipusanepusane na maila avule kupitila muli yakasema.

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.

Luti 2:12

Si Yawe angala akulambule sile pali vino wacita. Si Yawe, Leza wa ina Izlaeli angala akulambule, wino watuwiza ku kuzina munoli.”

1 Samueli 15:10

Lyene Yawe anena Samueli ati,

1 Samueli 9:9

(Umu Izlaeli, umu manda yalya acisila, lino umuntu umwi akulonda ukulondelezya cimwi ku cazwilizyo cakwe Yawe, alinzile wavwanga wati, “Katwapita tukalole kuli kalola,” pamulandu wakuti ndakai tukaama kalola ituti kasema.)