Utandiko 13:9 - Amazwi Yakwe Leza 2013

⁹ Lola! Mpanga ikulu, leka tupalukane. Nakupapata solola cifulo consi cino ukulonda. Ndi waya kwilunji namaya kwimani, ndi waya kwimani namaya kwilunji.”

Utandiko 13:9 ပူးပေါင်းရင်းမြစ်များ

Utandiko 13:10

Caleka Loti acelecensya monsi azana ukuti cifoloma consi ca Luzi lwa Yodani, na konsi ukufuma ku Zoali kwali amanzi aingi wamu calo ca Edeni cino Yawe wapanzile, nanti wamu mpanga ya Eguputo (cii cali lino Yawe atali aonone imisumba ya Sodoma na Gomola).

Utandiko 13:8

Lyene Abulamu anena Loti ati, “Sweswe ali yamwi, antu yako na antu yane yatalinzile kulemanila.

Utandiko 20:15

Amunena ati, “Mpanga yonsi iyakwane. Ungikala konsi kuno ukasi.”

Utandiko 34:10

Lyene mungikala naswe, nga ni mpanga ingaya iyakwinu, mungaculuzya muno mutemilwe nu kulonka vyuma muno mpanga.”

Masamu 120:7

Nemo natemwa ukwikala umu mutende, lelo lino nkuvwanga, yene ala yakulonda inkondo.

Yelemiya 40:4

Lelo wemo Yelemiya, ilelo namakusapula iminyololo uku makasa yako. Ndi cakuti ukulonda ukulondela uku Babiloni, tuye twapita nani ndakusunga sile ningo. Lelo ndi cakuti usikulonda ukulondela, usyale. Tala lola sile, impanga yonsi ili sile apa mulola wako, ungaya konsi kuno watemwa.

Loma 12:18

Citini vyonsi vingacitwa pakuti mwikale mu mutende na antu onsi.

1 Kolinto 6:7

Kusitakana ku cilye ca milandu pakasi kinu, kukalanga paswe ukuti mwemo mwati mucimviwa. Cange cizipe ndi cakuti yauze yatala milandu kunomuli! Nupya cange cizipe ndi cakuti yauze iiya cimwi kunomuli!

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.