Utandiko 13:7 - Amazwi Yakwe Leza 2013

⁷ Caleka yakacema yakwe Loti na yakwe Abulamu yalemanila. Pa nsita ilya aina Kenani na ina Pelizi yalanga ala yacili ikala mu mpanga ilya.

Utandiko 13:7 ပူးပေါင်းရင်းမြစ်များ

Utandiko 10:19

cakuti umupaka wa ina Kenani wafisile ukufuma ku Sidoni ukuya ku Gelali nu ku Gaza kufika ku ufumondaka, ulunga na Sodoma na Gomola, Adima nu ku Zeboimu mpaka kufika na Lasya.

Utandiko 12:6

Abulamu aendezya mpanga asuka afika nu ku Syekemu ku cifulo ca muti wamuzilo waku Mole. Pa nsita ilya ala aina Kenani yacili ikala mu mpanga ilya.

Utandiko 21:25

Lelo Abulaamu wailizyanyizye kuli Abimeleki pamulandu wa cifula cino aomvi yakwe Abimeleki yalanga yapoka.

Utandiko 26:20

Cifula cici cileta kupazyanya pali yakacema ya ina Gelali na yakacema yakwe Isaki yala yakuti, “Amanzi akwitu!” Lyene Isaki atemela cifula cici izina ati Eseki, pamulandu wakuti yacitine ivikanza na aliwe.

Utandiko 34:30

Yakobo anena Simeoni na Levi ati, “Yanamwe, vino mwandetelela ku ina Kenani, aina Pelizi nga nu muntu wensi mu mpanga ii amampata. Swemo aonsi tuli ncepelwa. Ndi antu yaa yalemana pamwi kuti yanzanze, lyene ang'anda itu yonsi yamalowa.”

Utandiko 46:34

mukamunene cumi ukuti ukufuma ku kuvyalwa kwinu mwemwe atesi ya viteekwa wakwe vino ivikolwe vinu vyali. Ndi mwaca mwamunena vii, lyene alamuzumilizya kuti mwikale mu muputule wa Gosyeni.” Yosefu wavwanzile vii pamulandu wakuti wamanyile ukuti aina Eguputo yakalola yakacema wa cintu cawinyi.

Neemiya 5:9

Ali cino nani nkumunena inti, “Cino mukucita citazifile foo. Uzye musikulonda mwapita na antu akwatila Mwene Leza witu coopo apakuti mutaleka intusi zyafuma pakasi ka anisi itu atupata?

Kufuma 2:17

Lelo aonsi yamwi yakacema yiiza yazinganya akazyana yalya. Lyene Mose ayatasya nga amwesya iviteekwa vyao amanzi.

Mapinda 20:3

Ukuleuka ivikanza kukacindamika umuntu. Lelo umuntu wiyo wino atakwata amano, asyaisunga.

Mako 3:25

Antu amu ng'anda imwi ndi yakatukilana aisikulu nu kuilwisya, yene yalapaatukana.

1 Kolinto 3:3

pano micitile inu icili wa micitile ya antu amu nsi. Pakasi kinu mukuzuwilana nu kulemanila wenga nu muze. Uzye cii cisyakusininkizya vino mwemwe amu nsi, mukucita vintu kulingana ni miyele ya muno nsi?

Galatiya 5:20

mu kupepa tuluwi nu mu ulozi. Antu yakaya anisi nga nu kulwa. Yene yakazuwilana nu kusokana, nu kupaatukana.

Kolose 4:5

Muye na mano mu mikalile inu lino muli pakasi ka antu atataila, nu kuomvya insita inu ningo.

1 Tesalonika 4:12

Lyene mulacindikwa na antu yano atataila, nupya mutalalonda uwazwilizyo kufuma ku muntu ali wensi.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

Yakobo 3:16

Konsi kuno antu yakazuwilana nu kuitemwa, kwene kwaya cimvulunganya ni misango yonsi iipe.

Yakobo 4:1

Uzye pacani mukalwisyanya nu kupazyanya? Uzye asi pamulandu wakuti mukweti vilondwa vyakuitemwa vino vikalwisya kutungulula mili inu?

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.