Utandiko 13:10 - Amazwi Yakwe Leza 2013

¹⁰ Caleka Loti acelecensya monsi azana ukuti cifoloma consi ca Luzi lwa Yodani, na konsi ukufuma ku Zoali kwali amanzi aingi wamu calo ca Edeni cino Yawe wapanzile, nanti wamu mpanga ya Eguputo (cii cali lino Yawe atali aonone imisumba ya Sodoma na Gomola).

Utandiko 13:10 ပူးပေါင်းရင်းမြစ်များ

Utandiko 11:27

Yaa ali amu mupanda wakwe Tela. Tela wali a isi wakwe Abulamu, Nawoli na Halani. Halani wali a isi wakwe Loti.

Utandiko 13:11

Caleka Loti asolola kutoola cifoloma consi ca Luzi lwa Yodani, nga atenuka aya ku ufumondaka. Vii Avino antu ya oili yapalukine.

Utandiko 13:9

Lola! Mpanga ikulu, leka tupalukane. Nakupapata solola cifulo consi cino ukulonda. Ndi waya kwilunji namaya kwimani, ndi waya kwimani namaya kwilunji.”

Utandiko 14:2

yaile ku kulwisya yamwene yasano. Yamwene yaa yali a Bela uwamu Sodoma, Bilasya uwamu Gomola, Sinabu uwamu Adima, Syemebali uwamu Zeboimu nu mwene uwamu Belali (nanti Zoali).

Utandiko 14:8

Lyene yamwene amu Sodoma, Gomola, Adima, Zeboimu, na Bela nayo yuminkanya vita vyao mu cifoloma ca Sidimi ku kulwisya yamwene yao.

Utandiko 3:6

Caleka umwanaci alola usuma wa muti ni viseekwa vyakweo vino vyalolekanga nu mulyo. Alino aelenganya usuma wa kuya na mano. Lyene atoola iviseekwa vimwi alya, nga atoola iviseekwa vimwi apeela iya nga nawe kwene alya.

Utandiko 47:6

Yosefu impanga ii ya Eguputo iyakwao. Leka yakikale mu muputule wa Gosyeni, kuno kwazipa cuze. Nupya ndi pangaya yamwi munoyali angamanya ningo utesi wa viteekwa, uike ukuya yakangalila ya viteekwa vyane.”

Utandiko 6:2

Lyene ana yakwe Leza aonsi yalola ukuti akazyana yaa yayazipila cuze. Pali pakutwala yano yatemwa.

1 Yamwene 7:46

Vyonsi vivyo umwene Solomoni wavyengulwile mu musili wa mbulo, uwayela pa ncende imwi ya nyika ya Yodani. Incende iyo yayela pakasi kakwe Sukoti na Zaletani.

Yobo 40:23

Nanti watuwila pansi pansi apa luzi, awe wene asisakamikwa, nanti sile amanzi amu Yodani yapongolokela panoli, awe wene asioopa.

Masamu 107:34

Impanga ya vilyo isangula iya cicelecele, apamulandu nu uyi wa antu atenzi mwenemo.

Ezaya 15:5

Awe icumi umwenzo wane ukulilila aina Moabu! Antu yatiyasaamila ku musumba wa Zoali, ukufika nu ku Egilati Syelisyiya. Yamwi yatiyatumbela umuseo wa Luiti, ala yafumile yakulila muno yaile. Yamwi yatiyutukila uku Holonaimu, ala yakupongomoka wakwe cimwi!

Ezaya 51:3

“Icumi cumi nemo nkatezela umusumba wa Zioni. Indatezela nu muntu ali wensi wino wikala umu vitalang'anda vya uko. Nanti angala impanga yao yononeka, nemo ndaisangula wa mpanga ino nacisile umu Edeni. Mulaya sile ukuzanga wakwe cimwi nga nu kwimba inyimbo zya kundumbanya nu kuntaizya.

Yelemiya 48:34

“Aina Hesyiboni na ina Eleale yakulayeela impooma. Ukulayeela kwao kukuvwika mpaka nu ku Yaazi, ukutandikila sile ku Zoali mpaka nu ku Holonaimu nu ku Egilati Syelisyiya. Pano na manzi kwene aku Nimulimu yatiyakama.

Ezekelo 16:46

“Nyokolenzi wali a Samaliya, wino watenzi intunga yaku katutu kako pamwi na ana yakwe ya kaci. Umutowako umwanaci a Sodoma, pamwi na ato yakwe yakaci, yao yano ikalile lwaku ntunga ya kayeya kako.

Ezekelo 16:49

Sodoma na ana yakwe yayuvwanga pamulandu wakuti yene yakwatisye ivyakulya, nu kwikala ningo, nanti angala yatasakamalanga ukusunga alanda na apuzi.

Ezekelo 28:13

Wikalanga mu Edeni, mu calo cakwe Leza, wazwalanga tumawe tukankala twa misango yonsi. Utuli wakwe lubi, topazi, emalodi, belulo, onikisi, yaspele, safilo, na daimondi. Tuto tonsi awewe twapangilwe uwanda uno waumvilwe.

Ezekelo 31:8

Kutali umukelide mu calo cakwe Leza uno wakoline nu uliyo, nanti imilemo imipaini kwene itange ilingane ni misambo yakweyo, nanti umuti uze uwamu calo cakwe Leza utange ulingane nu uliyo umu kuyemba.

Ezekelo 31:9

Nene nauyemvizye apakuuvuzizya imisambo, nga acino ni miti yuze yamu Edeni, calo cakwe Leza ikuuvwila ulozo.

Ezekelo 47:18

Ku ufumondaka mupaka ulapita pakasi ka Damasiko na Haulani, pakasi ka Gileadi ni mpanga ya ina Izlaeli, Yodani ali mupaka ukufika kuli yemba waku ufumondaka mpaka nu ku Tamala. Uo ulaya ali mupaka waku ufumondaka.

Yowelo 2:3

Ku nkolelo nako kuli umoto ukaonona, kunsizi nako kuli amakala ya moto akoca ivintu. Lino yene yatacili yafike, impanga yali wa muyanda wa Edeni. Lelo lino yafumilemo, yasangwike iya wa lwanga, umutasile akantu nanti kamwi.

Malango 34:3

Ukwikapo ni mpanga ino yaya ku kaeya ka mpanga ya Yuda, nga ni nyika iyatandikila ku Zoali ukufika nu ku Yeliko, umusumba wa vikambalala.