Utandiko 12:7 - Amazwi Yakwe Leza 2013

⁷ Lyene Yawe aloleka kuli Abulamu amunena ati, “Ii ili mpanga ino ndapeela ku amu mupanda wako.” Caleka Abulamu akuulako na kavuwa papa kwene kakwe Yawe, uwalolike kunoli.

Utandiko 12:7 ပူးပေါင်းရင်းမြစ်များ

Utandiko 12:8

Nga Abulamu afumapo alungama ku kaeya ka Betele ku mpanga ya myamba, aya aimika itaalu pakasi, Betele ku uwondaka na Ai nawe ku ufumondaka. Kuku akuno akuulila Yawe kavuwa nga amupepa.

Utandiko 13:15

Mpanga yonsi ino walola ndapeela kunuli nu ku amu mupanda wako, nga ilaya iyakwako amanda pe.

Utandiko 13:17

Lyene katuka ukendezye impanga ilya yonsi, pano ndakupeela yonsi kwene.”

Utandiko 13:18

Caleka Abulamu asama, aya aikala pipi ni miti yamuzilo ya Mamule ku Hebuloni, kuno wakuulile Yawe kavuwa.

Utandiko 13:4

Aswilila kuno inkolelo wakuuzile itaalu na kavuwa. Na kukwa akuno Abulamu aama Yawe mwi zina.

Utandiko 15:18

Pa wanda ulya Yawe acita upangano na Abulamu, avwanga ati, “Nakulaya ukuti namapeela impanga ii yonsi ku amu mupanda wako, ukufuma ku Luzi lwa Eguputo kufika nu ku luzi lukulu lwa Yufulate,

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Utandiko 17:3

Lyene Abulamu afukama pansi afupime, nga Leza amunena ati,

Utandiko 17:8

Mpanga ya Kenani, muno watuwiza wa mwinamasi, ndaipela kunuli nu ku amu mupanda wako ukuya iyakwao pe na pe, nga Nani ndaya Leza wao.”

Utandiko 18:1

Yawe aloleka kuli Abulaamu ku miti yamuzilo yakwe Mamule. Abulaamu watenzi pa mulyango wi taalu lyakwe mu nsita ino ilanzi lyatiliwalisya nu kukaya cuze.

Utandiko 22:9

Lino yafika pa cifulo cino Mwene Leza wamunenyile, Abulaamu akuula kavuwa alonga ni nkwi papela. Anyepa Isaki umwana wakwe umonsi nga amulambalalika pa kavuwa, alino amwika papela pa nkwi.

Utandiko 24:7

Yawe, Leza uwa mwiyulu, uwandesile kuno ukufuma kuli tata nu kufuma ku mpanga ya antu aluko lwane, wandaya nu mulapo ukuti alapeela impanga ino ku ana yane. Alatuma mungeli kunuli kuti akwazwe kulondela umwana wane umuci ukufuma kweneko.

Utandiko 26:25

Isaki akuula kavuwa kuku nga apepa Yawe. Nga aimika itaalu lyakwe, na aomvi yakwe yimba ni cifula.

Utandiko 26:3

Tala ikala kuno kwene, nga namakupolelela nupya namaya nawe. Ndapeela impanga ii yonsi kunuli nu ku amu mupanda wako. Ndafikilizya ulayo uno nacisile kuli so Abulaamu.

Utandiko 28:13

Mwene aimilila pipi nawe avwanga ati, “Nene Yawe, Leza wakwe Abulaamu na Isaki. Ndapeela impanga muno uizi kunuli nu ku amu mupanda wako.

Utandiko 28:4

Nupya akapolelele na ana yako kwene vino wapolelile sokulu Abulaamu. Ace alenge kuti ukapyane impanga ii ino nkaikalamo wa mwinamasi, impanga ino Leza wapile kuli Abulaamu.”

Utandiko 32:30

Yakobo avwanga ati, “Nalola Leza na manso ntontonto kwaula ukufwa.” Acino atemela cifulo cici izina ati Peniwele.

Utandiko 33:20

Akuula kavuwa, nga akatemela izina Eli Eloe Izlaeli, kuli kuti Leza wane, Leza wakwe Izlaeli.

Utandiko 35:12

Ndakupeela impanga ino napiile Abulaamu na Isaki. Ndaipela nu ku amu mupanda wako icisila cako.”

Utandiko 35:7

Akuula kavuwa kuku, nga atemela cifulo cici izina ati Eli Betele, pamulandu wakuti apali pano Leza walolike kunoli lino wali pa ulendo, kuutuka silenzi.

Utandiko 50:24

Yosefu anena aina yakwe ati, “Indi pipi nu kufwa, lelo Leza alamusunga nu kumutungulula ukufuma mu mpanga ii ukuya ku mpanga ino walavile kuli Abulaamu na Isaki, nga nakuli Yakobo.”

Utandiko 8:20

Lyene Nowa akuulila Yawe kavuwa nga atoola conga ca musango onsi wa nyama ni vyunyi visangululwe avipela impolelwa ya mawila yakoca pa kavuwa.

2 Samueli 24:25

Davidi akuulila Yawe kavuwa kuku nga apeela amawila yakoca na mawila ya utandano. Alino Yawe aasuka ipepo lyakwe lino wapepelile impanga, nga ni mpungo iyaponile impanga ya Izlaeli ita.

1 Yamwene 18:32

Amawe kwene yayo ayano akuulila kavuwa ka kupepela penepo Yawe. Alino aimba na kamufolo ka manzi ukuzinguluka kavuwa kako, akangazula itepe lyonga.

1 Milandu 16:16

Akaiusya upangano ulya uno wene wacisile na Abulaamu, umulapo uno wene wacisile kuli Isaki.

1 Milandu 16:18

Wavwanzile ati, “Kunuli ndapeela impanga ya Kenani, kuti iye icaupyanyi cako.”

2 Milandu 20:11

Lyene cino akutuswilizya apamulandu wakuti yatuzinga umu nsi ino wene watupile ngi mpanga ya upyanyi.

2 Milandu 20:7

Uzye usi wewe wazinzile aikazi ya mpanga ii apa manso ya antu yako aina Izlaeli nu kupeela impanga ii ku amu mupanda wakwe Abulaamu cuza wako mpaka umuyayaya?

Ezila 3:2

Nga lino Yesyua umwana wakwe Yozadaki pamwi na yasimapepo yauze na Zelubabeli umwana wakwe Syeatieli nga na aomvi yauze iyatandika uku kuula kavuwa kakwe Leza wa ina Izlaeli apa kocela impolelwa ndi vino calembwa umu mpapulo zyakwe Mose umuntu wakwe Leza wilya.

Kufuma 17:15

Lyene Mose akuula kavuwa nu kukatemela izina ati, “Yawe ali luunga lwane.”

Kufuma 24:4

Mose alemba malamulo yakwe Yawe yonsi. Katondo ka wanda walondelela, Mose akuula kavuwa mwisika ya mwamba, nga aimika na mawe ikumi na yaili, cila iwe lila likwimilila umutundu onga wa ina Izlaeli.

Kufuma 32:13

Iusya aomvi yako Abulaamu, Isaki na Yakobo nupya iusya na vino wayalavile nu kulapa pi zina lyako lino wayanenyile ukuti ulayapeela aizikulu avule cuze, avule wa ntanda zya mwiyulu, nu kuti ulapeela aizikulu yao impanga yonsi ino walavile. Mpanga kwene ii ilaya impanga yao amanda pe.”

Kufuma 33:1

Pacisila ca vintu vii Yawe anena Mose ati, “Ufume kuno pamwi na antu yano wizile nayo ukufuma ku Eguputo uye ku mpanga ino nalavile ukuti indapeela Abulaamu, Isaki na Yakobo. Pa nsita, kwene ilya nayanenyile antu yalya inti, Mpanga kwene ii indaipela ku amu mupanda wao.

Kufuma 6:3

Nalolike kuli Abulaamu, kuli Isaki, na kuli Yakobo wakwe Leza Wamaka yonsi. Lelo ntalenzile kuti imanyike kunoyali mwi zina lyane lyamuzilo, Yawe.

Kufuma 6:4

Nupya nacisile upangano wane nayo, injalaya kuyapeela impanga ya Kenani, impanga ino yatazile yikala mwenemo wa inamasi.

Yelemiya 3:18

Umu manda kwene yaya, ang'anda yakwe Yuda yalalemana nu kuuvwana na ang'anda yakwe Izlaeli. Yalaapitila pamwi ukufuma ku kayeya, ukwiza ikala apali pamwi umu mpanga ino napiile ivikolwe vyao ukuya impanga yao ya upyanyi.”

Mpendwa 26:53

“Yakwene yaa, ali yano uce wankanye impanga kulingana ni mpendwa yati lembwa pakuti ice iye icuma cao.

Mpendwa 32:11

‘Nalapa ukuti pamulandu wakuti yatatwalilile ukuya acumi kunondi, kusi nanti wenga uwamu antu yonsi ali ni myaka amakumi yaili nanti ukuluta, yano yafumile mu mpanga ya Eguputo, alalola impanga ino nalavile Abulaamu, Isaki, na Yakobo.’

Milimo 7:5

Leza atapile Abulaamu nanti ciputulwa ca mpanga kuti iye impanga yakwe, nanti impanga kulingana nu lutampulo longa awe. Lelo Leza wamulavile ukumupeela impanga ilya, nu kuti ilaya impanga yakwe nga na amu mupanda wakwe kwene aliza cisila cakwe. Pa kasita kano Leza wacisile ulayo uu, Abulaamu atakweti ana.

Loma 9:8

Kuli kuti, asi ana onsi avyalwa ku akwasi ali a Izlaeli mucumi. Lelo ana avyalwa pamulandu wa ulayo wakwe Leza ali ana yakwe mucumi.

Galatiya 3:16

Vii avino cili ku malayo yano Leza wacisile kuli Abulaamu ni cizikulula cakwe, vino malembelo yakati malayo yatapilwe ku “Vizikulula ivingi,” lelo “Ku cizikulula,” kuli kuti wenga, na wiyo a Klistu.

Galatiya 4:28

Inane, ndakai mwemwe ana yakwe Leza avyalwa pamulandu wa ulayo wakwe, ndi vino Isaki wavilwe.

Malango 1:8

Impanga ii yonsi aino ne Yawe nalavile ukupeela kuli Abulaamu, Isaki, Yakobo, nga nu ku vikolwe vinu. Yangini mukapokolole impanga ilya mukikalemo.’ ”

Malango 30:20

Muce mwatemwa Yawe Leza winu, mwamuyela nu kuya akutailwa kunoli, nga nawe alaleka mwemwe na amu mupanda winu mwikale amanda avule mu mpanga ino walavile ukupeela ivikolwe vinu, Abulaamu, Isaki, na Yakobo.”

Malango 34:4

Alino Yawe anena Mose ati, “Ikwene ili mpanga ino nalavile Abulaamu, Isaki, na Yakobo ukuti ndaipela ku amu mupanda wao. Natindeka kuti uilolekesye, lelo ntalakuzumilizya ukwingila mwenemo.”

Malango 6:10

“Wakwe vino Yawe Leza winu walavile ivikolwe vinu, Abulaamu, Isaki, na Yakobo, avino wene alamupeela impanga umwaya imisumba ikulu wakwe cimwi iyapolelelwa ino mwemo mutakuuzile.

Malango 9:5

Asi pamulandu wakuti mwemo mukacita ivyawololoke nanti kuya ni miyele isuma icingalenga kuti mwemo muyapoke impanga. Lelo pamulandu wa ukakasi wa antu amu nko zii, Yawe Leza winu alayazinga mu mpanga ilya pa manso inu, kuti afikilizye cino walavile ku vikolwe vinu, Abulaamu, na Isaki na Yakobo.

Ayebulai 11:13

Mu utailo amuno yaa yonsi yafwilile. Yene yatapokelile vintu vino Leza wayalavile. Lelo yavilolile kutali nu kuvizengela. Nupya yazumile paswe vino yali wa enyi nupya ainamasi muno nsi.

Ayebulai 11:8

Utailo uwalenzile kuti Abulaamu ayele Leza lino wamwamile kuti afume kumwao, aye ku mpanga ino Leza wamulavile kumupeela. Wene wasile mpanga ya kumwao kwaula kumanya kuno wayanga.

Yoswa 1:6

Uposye nupya uzyansye. Pasi pano awewe ulalenga antu yaa ukwikala mu mpanga ino nalavile kupeela ku vikolwe vyao.

Yoswa 22:10

Lino yiiza ku Geliloti pipi nu ku Luzi lwa Yodani mu mpanga ya Kenani, amu mutundu wakwe Lubeni, na wakwe Gadi, nga nu mutundu pakasi wakwe Manase iyakuula kavuwa akakulu kuku mumbali ya luzi apasi pafisame.

Yoswa 8:30

Lyene Yoswa akuulila Yawe, Leza wa ina Izlaeli, kavuwa pa Mwamba wa Ebali,

Yakapingula 6:24

Acino Gidyoni akuulila Yawe kavuwa kuku nga akatemela izina ati, “Yawe uli mutende kwene.” Na kavuwa kaka apano kacili ku Ofula, umusumba wa luko lwakwe Abiezeli.

1 Samueli 7:17

Alino lyene aswilila ukwakwe ku Lama, kuno nako kwene watumikilanga wakwe kapingula. Ku Lama kwene akuli kuno Samueli wakuulile Yawe kavuwa.