Utandiko 12:5 - Amazwi Yakwe Leza 2013

⁵ Abulamu asenda Salai umuci wakwe, na Loti umwana wa mwina, nga yasenda ni vyuma, na azya, na vyonsi vino alanga walonka mu Halani. Alino iyatenuka iyaya ku mpanga ya Kenani. Lino yafika ku Kenani,

Utandiko 12:5 ပူးပေါင်းရင်းမြစ်များ

Utandiko 10:19

cakuti umupaka wa ina Kenani wafisile ukufuma ku Sidoni ukuya ku Gelali nu ku Gaza kufika ku ufumondaka, ulunga na Sodoma na Gomola, Adima nu ku Zeboimu mpaka kufika na Lasya.

Utandiko 11:27

Yaa ali amu mupanda wakwe Tela. Tela wali a isi wakwe Abulamu, Nawoli na Halani. Halani wali a isi wakwe Loti.

Utandiko 11:31

Lyene Tela asenda Abulamu umwana wakwe umonsi na Loti umwizikulu wakwe nupya umwana wakwe Halani, na Salai umuci wakwe Abulamu, uwali a nyinavyala nga iyatenuka mu musumba wa Uli mu mpanga ya Kalideya, yapita ukuya ku mpanga ya Kenani. Lelo lino yafika ku Halani, akuno yikala.

Utandiko 13:5

Loti, wino wapitanga monsi pamwi na Abulamu, nawe kwene wakweti imfwele, imbuzi ni ng'ombe pamwi na antu yano yali nawe.

Utandiko 13:6

Lelo impanga iyakucemela mwenemo iviteekwa yacefile, pamulandu wakuti iviteekwa vyao vyasandulwike cakuti iyaposiwa ukwikala pamwi.

Utandiko 14:14

Lino Abulamu uvwa ukuti yatiyasenda Loti umwana wa mwina ku uzya, akonganika akazi ni vita vyakwe, vyonsi pamwi 318 yalondela yamwene yalya mpaka kufika ku Dani.

Utandiko 14:21

Mwene waku Sodoma anena Abulamu ati, “Vyonsi vino wapokolwile sunga, lelo mbwezezye antu yane yonsi.”

Utandiko 28:10

Yakobo afuma ku Belisyeba, nga atenuka aya ku Halani.

Utandiko 36:6

Lyene Esau atoola aci yakwe pamwi na ana aonsi na anaci na antu yonsi amu ng'anda yakwe, pamwi ni viteekwa vyakwe, ni vyuma vyonsi vino walonsile mu Kenani, nga apita afumapo aya ku cifulo cuze ataluka Yakobo mwina wakwe.

Aina Levi 22:11

Lelo azya yakwe simapepo yano wakala ni mpiya zyakwe nanti yano yavyalilwa mu ng'anda yakwe, yene yangalya cakulya cino simapepo akapokelela.

Milimo 7:4

Caleka asya impanga ya Kalideya aya ikala ku Halani. Lino Isi wafwile, Leza aleka aiiza ku mpanga ii, ino mukwikalamo ndakai.