Utandiko 12:2 - Amazwi Yakwe Leza 2013

² Ndakupeela ana avule, nga amu mupanda wako yalavula yaye umutundu ukalamba cuze. Indi nu kukupolelela muli vyonsi nu kulenga kuti ulumbuke, na kuti nce mpolelele antu yauze mu musango uli onga.

Utandiko 12:2 ပူးပေါင်းရင်းမြစ်များ

Utandiko 13:16

Ndasandulula amu mupanda wako, cakuti umuntu nga angapenda lusenga lwa pansi, ale lyene angayapenda.

Utandiko 15:5

Alino Yawe amufumya panzi, nga amunena ati, “Lingamila umwiyulu nga upende intanda, ndi ungazipenda. Vii avino ana yako yalavula wa ntanda.”

Utandiko 17:20

Wati unena pali Isumeli, acino ndamupolelela alaya na ana avule cuze. Alaya a isi wa ntunguluzi ikumi na ziili. Ndalenga amu mupanda wakwe ukuya uluko lukulu.

Utandiko 18:18

Amu mupanda wakwe yalaya uluko lukulu nupya ulwa maka, ni mitundu yonsi yamu nsi ilanguzya kuti njipolelele ndi vino namupolelela.

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

Utandiko 19:29

Lelo lino Leza wononyile imisumba ilya yamu cifoloma, wiwisye kupapata kwakwe Abulaamu kuti Loti apusuke.

Utandiko 24:1

Lyene Abulaamu aya umukote cuze nga Yawe wamupolelile muli vyonsi vino wacitanga.

Utandiko 24:35

Yawe wapolelela umusambazi wane cuze, nga wene wataya umukama. Wamupeela imfwele ni ng'ombe, siluva na zaabu, aomvi aonsi na anaci, nga na yapunda ni ngamila kwene.

Utandiko 25:11

Lino Abulaamu wafwa, “Leza apolelela Isaki uwatenzi pipi ni cifula cino camwangwa ukuti Beeli Laai Loi.”

Utandiko 26:3

Tala ikala kuno kwene, nga namakupolelela nupya namaya nawe. Ndapeela impanga ii yonsi kunuli nu ku amu mupanda wako. Ndafikilizya ulayo uno nacisile kuli so Abulaamu.

Utandiko 26:4

Ndalenga ana yako kuvula wa ntanda zya mwiyulu, nupya ndayapeela impanga ii yonsi. Mitundu yonsi ili nu kunguzya kuti njipolelele wakwe vino natimpolelela ana yako.

Utandiko 27:29

Si mitundu ni nko zyonsi zyakutumikila, na antu yakufukamila. Si uye umwene pa anyonko, na ana yakwe nyoko aonsi yakakufukamila. Yano onsi alakutipa yakatipwe, na yano alakupolelela yakapolelelwe.”

Utandiko 28:14

Ndalenga kuti ana yako yavule wa musensenga uwamu nkumba yakwe Yemba. Ana amu mupanda wako yalasalangana ukuya mu ntunga zyonsi izya nsi. Kupitila munuli nu mu amu mupanda wako indapolelela antu amu nko zyonsi.

Utandiko 35:11

Nupya Leza ati, “Nene Leza Wamaka yonsi. Mulinzile kuvyalana muvule. Inko izingi zilafuma munuli, nga ulaya cikolwe ca ene.

Utandiko 46:3

Leza avwanga ati, “Anene Leza, Leza wakwe so. Utuvwa intete zya kutentemukila ku Eguputo, pano kuku akuno ndalenga amu mupanda wako ukuya uluko lukulu cuze.

2 Samueli 7:9

Nayanga nawe konsi sile kuno wapitanga. Nacimvyanga na anisi yako yonsi. Ndakucindamika ukulingana na antu acindamisye apano nsi.

1 Yamwene 1:47

Ukuluta pali cico, intunguluzi zyamwi tengo zyali zingila ku kupeela umucinzi ku musambazi umwene Davidi nga izivwanga iziti, ‘Si angala Leza wako aleke Solomoni alumbuke ukuluta wewe, nupya amupeele ulongo mu kuteeka kwakwe ukuluta vino wapile wewe.’ Lyene umwene Davidi afukama pa musanzi wakwe nu mucinzi

Yobo 35:8

Antu yauze, ali yano ukwifya kwako kukacuzya ni visuma vino ukacita, vikaazwa sile aina kufwa.

Masamu 107:38

Ayapolelela iyavyala na ana avule, nu kuteeka amaufyo ya viteekwa aula ukucepelako.

Kufuma 1:7

Lelo vizikulula vyao, aina Izlaeli, yavyala ana avule cuze. Impendwa yao ikula cuze yaya na maka, cakuti yalimba impanga yonsi ya Eguputo.

Kufuma 32:10

Caleka ndakai utandesya kuti njonone, pamulandu wakuti nene musoke cuze, lyene wemo na amu mupanda wako ndalenga kuti muye luko lukulu.

Ezaya 51:2

Mwelenganye apa cikolwe cinu Abulaamu, na Sala kuno mwatuntuka. Lino naamile Abulamu, wene atakweti umwana, lelo namupuusile ulutembo nu kumupeela ikwata. Lyene nasandulula ni vizikulula vyakwe.

Ezekelo 34:26

Ndaleka ikale ukuzinguluka umwamba wane. Ndatonyezyamo imvula pa nsita ilinge, nupya ilaya imvula ya upolelelo.

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Zakaliya 8:13

Mwe antu amu Yuda mwe, na mwe ina Izlaeli mwe! Mpiti ainamasi yatolanga izina linu, alino iyalumbula pakutipwila antu yauze, ala yakuti, ‘Mwe anisi mwe, cakumulya caula, wakwe cici calile Ayuda na ina Izlaeli!’ Lelo nemo ndamutuula, na inamasi lyene yamamoopanga. Si mungala mwalukupolelewa ndi vikwene ivyapolelelwa Ayuda na ina Izlaeli! Caleka mwemo posyini sile, mutaoopa foo.”

Mpendwa 14:12

Ala ndayaponyezya impungo nu kuyonona, lelo wemo ndakucita cikolwe ca mutundu umwi ukalamba, uwa maka ukuyaluta.”

Mpendwa 22:12

Lelo Leza anena Balamu ati, “Utezya ukuya nayo kweneko, nupya utezya ukuyatipwila pano yene antu yamwi apolelelwe.”

Mpendwa 23:20

Yanenyile ukupolelela Nga lino Leza wapolelela, nemo ntange nkaule upolelelo.

Loma 4:11

Wene wasilamwilwe pacisila. Ukusilamulwa kwakwe cali cili cilangililo cakuti cisininkiziwe vino Abulaamu wataile Leza lino atali kuti asilamulwe. Na Leza pali pa kumuzumila vino wene mololoke lino atali kuti asilamulwe. Acino Abulaamu ali cikolwe ca antu yonsi ataila Leza, yao yano Leza wazumila vino aololoke, nanti angala yatasilamulwa.

Galatiya 3:14

Klistu wacita cii kuti upolelelo uno Leza walavile kuli Abulaamu upelwe ku Akulukuwa muli Klistu Yesu. Cii cacitike kuti mu utailo tungapelwa Mupasi Wamuzilo wino Leza walavile Abulaamu.

Galatiya 3:7

Lyene mulinzile kumanya vino vizikulula vya cumi vyakwe Abulaamu antu yano yaya nu utailo.

Malango 26:5

Lyene nawe ulalanda amazwi inkolelo yakwe Yawe Leza winu uti, ‘Cikolwe cane cali icina Alamu, cico icalulumbanga, nupya caile ku Eguputo pamwi nu lupwa lwaciko. Lino yaile kweneko yali akaliumba akanono sile, lelo mukuya amanda iyasuka yansanduluka iyaya umutundu wa maka.