Utandiko 12:18 - Amazwi Yakwe Leza 2013

¹⁸ Lyene Falao atuma akuya ama Abulamu, nga amuuzya ati, “Uzye pacani cino wacita ci kunondi? Uzye pacani cino utanenyile ukuti wene umuci wako?

Utandiko 12:18 ပူးပေါင်းရင်းမြစ်များ

Utandiko 12:19

Uzye pacani cino watile akaci wako, uleka imutola kuti aye umuci wane? Umuci wako aewi, musende mwapita!”

Utandiko 20:3

Uwanda ulya usiku, Leza aloleka kuli Abimeleki mu ciloto nga amunena ati, “Umafwa pano Sala umuci wa mwine.”

Utandiko 29:25

Katondo lino waca nga Yakobo alola vino a Leya awino watatwala. Anena Labani ati, “Uzye pacani cino wacitila ca musango uu kunondi? Uzye ntakuombile kuti umpeele Lakeli? Uzye fwandi pacani cino wacitila ucenjezi kunondi?”

Utandiko 3:13

Lyene Yawe Leza auzya umwanaci ati, “Uzye pacani cino wali wacita cii?” Umwanaci aasuka ati, “Inzoka yali yansomba, nga nani nalya viseekwa.”

Utandiko 31:26

Labani anenola Yakobo ati, “Uzye pacani cino wantumpikile, nu kusenda ana yane kwati anaci alemwa mu nkondo?

Utandiko 4:10

Alino Yawe amuuzya ati, “Uzye pacani cino wacita icintu cii ciipisye? Uwazi wa munyonko ukulila kunondi ukufuma mu musili, wi zwi ilikulilila cilanduzi.

Utandiko 44:15

Yosefu ayuzya ati, “Uzye cani cino mwatimucita? Uzye mutamanyile kuti umuntu wino ali mwene akateeka ndi vino nene angamanya kupitila mu kusapola, ivintu vino antu yakucita mu umfisolo?”

2 Samueli 3:24

Acino Yoabu pali pakuya ku mwene nga amunena ati, “Musambazi, uzye icani cino wacitila icamusango uu? Abineli wizile kunuli, nga fwandi pacani cino walesile kuti apite?

Kufuma 32:21

Lyene auzya Aaloni ati, “Uzye antu kwene yaa yacisile cani kunuli pakuti uyalenge kuti yacite iifyo iliipisye vii?”

Mapinda 21:1

Yawe aliwe akatungulula imyenzo yakwe yakateeka, wakwe vino akatungulula uluzi nu kulutwala kuno atemilwe.

Yoswa 7:19

Lyene Anena Akani ati, “Uwi mwanane, sungala ulande icisinka pa manso yakwe Yawe Leza wa ina Izlaeli nga wemwisikulu uilongwele kunoli. Unene sile vino watucita, utezya umfise nanti kamwi.”

Yakapingula 2:2

Acino namwe kwene mutakezye kupangana na antu amu mpanga ii, lelo muce monone utuvuwa twao.’ Nga nalyo kwene mwemo mwakana ukunjela. Uzye pacani cino mwacita cino namulesizye?

1 Samueli 14:43

Alino Saulo avwanzya Yonatani ati, “Nena cino watucita.” Acino Yonatani nawe amunena ati, “Inalya sile utuuci ku mpela ya ntuwa ino nali nakomfola penepo. Ndakai apanondi, nupya njiteinye ukufwa.”