Utandiko 12:10 - Amazwi Yakwe Leza 2013

¹⁰ Mwali cipowe mu mpanga ya Kenani. Lino icipowe cakoma Abulamu atentemukila ku Eguputo ku kwikalako ukuutuka inzala.

Utandiko 12:10 ပူးပေါင်းရင်းမြစ်များ

Utandiko 41:56

Acino lino cipowe cakumana impanga yonsi, Yosefu ayulila aina Eguputo inkoma zyonsi zya vyakulya, pano inzala iipisye yakumine impanga zyonsi.

Utandiko 41:57

Antu ukufuma mu mpanga zyonsi iizanga ku Eguputo kuli Yosefu ku kukala ivyakulya, pamulandu wakuti inzala yakomile cuze mu nsi yonsi.

Utandiko 42:5

Avino ana yakwe Izlaeli aonsi yapita pamwi na antu yauze ku kukala ingano, pamulandu wakuti mu mpanga ya Kenani mwali cipowe.

Utandiko 43:1

Cipowe mu Kenani cipisya ukuluta.

Utandiko 47:13

Cipowe cali iciipe cuze cakuti kutali ivyakulya nanti vimwi mu mpanga yonsi. Caleka antu amu mpanga ya Eguputo na amu Kenani inzala iyatonsya.

2 Samueli 21:1

Lino Davidi wateekanga, kwali icipowe icikulu icasenzile imyaka itatu iyalondekine. Acino Davidi auzya Yawe kuti amupanzye amano pali cii, nga nawe amwaasuka ati, “Saulo na aluko lwakwe yali nu mulandu wa utazi wa katwe. Wene wakoma aina Gibyoni.”

2 Yamwene 4:38

Elisya aswilila ku Giligali, nga pa nsita ilya kwali cipowe mu mpanga ilya. Wanda umwi lino Elisya wasambilizyanga iumba limwi lyakwe yakasema, anena umuomvi wakwe ati, “Teka intendo ikulu sana pa moto, kuti welekele yakasema vyakulya.”

2 Yamwene 6:25

Pa nsita ilya lino aina Asilya yazinguluka umusumba wa Samaliya, kwaponyile icipowe icikulu wakwe cimwi mu musumba ulya. Cico calenzile kuti umutwe wakwe punda wakaziwa pa mutengo wa lupiya lwakwe siluva ukulingana 80. Alino nacitumbi akamela mu vizule nawe nga waloleka, wakalwanga pa mutengo wa mpiya zisano sile zyakwe siluva.

Masamu 105:13

Yalulumbanga ukufuma ku mutundu uu na uu, ukufuma ku wene uu ukuya uku uze,

Masamu 107:34

Impanga ya vilyo isangula iya cicelecele, apamulandu nu uyi wa antu atenzi mwenemo.

Masamu 34:19

Ivikacula umuntu musuma ala ivingi wakwe cimwi. Lelo Yawe akamupususya kuli vyonsi sile.

Yelemiya 14:1

Yawe anena ne Yelemiya pamulandu ni cilala ati,

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Milimo 7:11

Lyene kwali cipowe mu mpanga ya Eguputo yonsi nu mu mpanga ya Kenani, icileta ucuzi ukulu cuze. Kutali kwakuti vikolwe vitu vingazana vyakulya,

Luti 1:1

Pa nsita imwi lino aina Izlaeli yatekwangwa na yakapingula, mu mpanga ilya mwaponyile cipowe. Acino umuntu umwi uwaku Betelemu umu mpanga yakwe Yuda, pali pamwi nu muci na ana yakwe yaili aonsi, aya mu kwikala umu mpanga ya Moabu pa nsita imwi pamwi nu muci wakwe na ana yakwe yaili aonsi.