Utandiko 11:4 - Amazwi Yakwe Leza 2013

⁴ Lyene yati, “Twikuulile umusumba nga nu lupungu lwakufika kwiyulu. Ndi twacita vii, tulalumbuka nupya tutalasalangana monsi mu nsi.”

Utandiko 11:4 ပူးပေါင်းရင်းမြစ်များ

Utandiko 6:4

Lyene mu manda yalya nu mu manda alondelela kwali vipombolo vya antu pano nsi, vivyo ivyavilwe ku anaci atwitwe ku ana yakwe Leza aonsi. Yene yali ali antu yamaka, alumbuke.

2 Samueli 8:13

Davidi alumbuka wakwe cimwi lino wawelulwike ku kukoma aina Edomu amazimbi ikumi na cinani umu Cifoloma ca Musilya.

Masamu 107:26

Ivimawato vyatumpulwanga umupela nu kuitamola api ziya, icakuti imyenzo ifuma, icipezya na antu amano.

Masamu 92:9

Pano anisi yako, we Yawe, yalalowelela, na yakaifya yonsi nayo yalapaswa.

Mapinda 10:7

Umuntu musuma auze yalamwiusya wa upolelelo, lelo umuntu mwipe alililika zuwa.

Yelemiya 51:53

Babiloni nanti angakwela ukwiyulu, nu kukuula icele lyakwe litali uli, nemo ndamwisya pululu. Ndamutumila aononyi akumulwisya.” Ivyalanda ne Yawe.

Danieli 4:11

Cimuti cici icikula, calukukula mpaka cifika nu mwiyulu nga nu muntu wensi umu nsi acilola.

Danieli 4:22

“Musambazi, wewe uli cimuti cici, citali nupya camaka. Wemo watuya umukulu wakwe cimwi cakuti ukulu wako wafika nu mwiyulu, na maka yako autesi yafika nu ku mpanga zyakutali umu nsi yonsi.

Danieli 4:27

Acino lyene, we musambazi, londela umpandamano wane. Ta ukwifya, wacita visuma, nupya ya nu luse ku antu akucuziwa. Ndi wacita vivyo, lyene ulatwalilila kuya nu longo.”

Danieli 4:30

avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”

Luka 1:51

Mwene wataomvya ikasa lyakwe lya maka pa kusalanganya antu a myenzo ya cilumba.

Yoane 5:44

Uzye mungantaila uli, mwe muno mukacindikana mweisikulu, lelo mucinzi uno wafuma kuli Leza wenga, musyakuulonda?

Malango 1:28

Uzye pacani cino tungaila kukwa? Tukuuvwa intete. Antu yano twatumile kweneko yakutunena ukuti antu aya kukwa yaya namaka cuze nupya amalamba ukutuluta, nu kuti yakaikala mu misumba ya malinga atali kufika nu mwiyulu. Yene yaweni aina Anaki kukwa!’

Malango 4:27

Yawe alamusalanganyizizya mu nko zyuze, kuko kuno yanono sile amunomuli yalapusuka.

Malango 9:1

“Uvwini kuno, mwe ina Izlaeli! Ilelo muli pipi nu kulamba Luzi lwa Yodani nu kupoka impanga umwikala antu amu nko nupya izya maka ukuluta mwemwe. Imisumba yao iikulu, nupya yakwata amalinga atali kufika nu mupela umwiyulu.