Utandiko 11:31 - Amazwi Yakwe Leza 2013

³¹ Lyene Tela asenda Abulamu umwana wakwe umonsi na Loti umwizikulu wakwe nupya umwana wakwe Halani, na Salai umuci wakwe Abulamu, uwali a nyinavyala nga iyatenuka mu musumba wa Uli mu mpanga ya Kalideya, yapita ukuya ku mpanga ya Kenani. Lelo lino yafika ku Halani, akuno yikala.

Utandiko 11:31 ပူးပေါင်းရင်းမြစ်များ

Utandiko 10:19

cakuti umupaka wa ina Kenani wafisile ukufuma ku Sidoni ukuya ku Gelali nu ku Gaza kufika ku ufumondaka, ulunga na Sodoma na Gomola, Adima nu ku Zeboimu mpaka kufika na Lasya.

Utandiko 11:32

Tela wafwilile ku Halani lino waya ni myaka imyanda iili na isano.

Utandiko 12:4

Lino Abulamu waya, ni myaka amakumi cinimbali na isano, atenuka ukufuma mu Halani ndi vino Yawe wamupeezile ilamulo. Na Loti amulondela.

Utandiko 12:5

Abulamu asenda Salai umuci wakwe, na Loti umwana wa mwina, nga yasenda ni vyuma, na azya, na vyonsi vino alanga walonka mu Halani. Alino iyatenuka iyaya ku mpanga ya Kenani. Lino yafika ku Kenani,

Utandiko 14:12

Yasenda Loti umwana wa mwina wakwe Abulamu uwikalanga mu Sodoma pamwi na vyonsi vino wakweti.

Utandiko 15:7

Lyene Yawe anena Abulamu ati, “Nene indi Yawe wino wakufumizye ku Uli mu mpanga ya ina Kalideya, kuti nkupele impanga ii iye iyakwako.”

Utandiko 24:10

Lyene muomvi atoola ingamila ikumi ni vyuma vingi vyakwe Abulaamu, vya mpango, atenuka aya ku musumba kuno Nawoli akaikala, ku katutu ka mpanga ya Mesopotamya.

Utandiko 24:15

Lino atacili amale kupepa Labeka afika ni nsembo ya manzi pa ciye. Wali umwana umwanaci wakwe Betuele, wino nyina wali a Milika. Milika wali umuci wakwe Nawoli, mwina wakwe Abulaamu.

Utandiko 27:43

Mwanane, lyene ndakai cita cino namakunena. Mwanane ukwaula ukusumba insita katuka pita kwakwe nyokolume Labani ku Halani.

Utandiko 28:10

Yakobo afuma ku Belisyeba, nga atenuka aya ku Halani.

2 Yamwene 19:12

Ivikolwe vyane, ali vino vyononyile uwaku Gozani, uwaku Halani nu ku Lezefu. Vyononyile na antu aku Betiedeni, aikalanga umu musumba wa Telasala. Uzye ukunena ukuti utuluwi, tuleza twao twatazile ituyatuula?

Neemiya 9:7

We Yawe Leza awewe wasolwile Abulamu. Wamufumizye ku mpanga ya Uli uku ina Kalideya, umupela ni zina ilipya lyakuti Abulaamu.

Yobo 1:17

Nupya kwene lino umuntu wiyo atacili wamala ukuvwanga, muze nawe afika. Atandika nu kunena Yobo ati, “Aina Kalideya ivikundi vitatu, yali yiza yasenda ingamila zyako zyonsi. Yati yasya yakoma na aomvi yako yonsi. Nene nenga sile nimpusuka apakuti nize nkunene vino cali cili.”

Ezaya 37:12

Ivikolwe vyane ali vino vyononyile umusumba wa Gozani, Halani, na Lezefu nga ukwikapo nu kulovya aina Edeni yano yikalanga mu Telasala. Nu tuluwi tuleza twa antu ya mpanga ilya, twaposiwe kuyatuula.

Ayebulai 11:8

Utailo uwalenzile kuti Abulaamu ayele Leza lino wamwamile kuti afume kumwao, aye ku mpanga ino Leza wamulavile kumupeela. Wene wasile mpanga ya kumwao kwaula kumanya kuno wayanga.