Utandiko 11:3 - Amazwi Yakwe Leza 2013

³ Nga yavwanzyanya yati, “Izini tutame injelwa toce zikome.” Caleka yakweti injelwa zyaku kuulila, na manenekela aku kuulila, yataomvizye amawe nanti ndaka.

Utandiko 11:3 ပူးပေါင်းရင်းမြစ်များ

Utandiko 11:4

Lyene yati, “Twikuulile umusumba nga nu lupungu lwakufika kwiyulu. Ndi twacita vii, tulalumbuka nupya tutalasalangana monsi mu nsi.”

Utandiko 11:7

Leka tuye pansi tukavulunganye ululimi lwao kuti yatauvwana.”

Utandiko 14:10

Mu cifoloma ca Sidimi mwali viwina vya manenekela vivule, nga lino aina Sodoma na ina Gomola yatiyutuke ku ulwi, yaponelamo. Lelo auze apunsumwike yutukile ku myamba.

2 Samueli 12:31

Asenda kumwi na antu yano yali mu musumba ulya, aya ayapeela incito iyakulepula imbao, ni yakulepula amawe na yapiki. Ukulunda penepo ni ncito iyakuomvya impasa alino nu kutama injelwa. Avili vino wene wacisile na kuli yonsi ali mu misumba ya ina Amoni. Lyene Davidi ni vita vyakwe vyonsi iyaswilila ku Yelusalemu.

Masamu 64:5

Yakakomelezyanya, nga yapanga ukucita iviipe. Yakauvwana nu kwakuya teyela inkose zyao. Ala yene yakulola kwati kusi umwi angayalola.

Kufuma 1:14

Umi wa ina Izlaeli wali uwakucululuka pamulandu wakuti aina Eguputo yayakulizyanga ukuomba incito ikome mu kutama injelwa nu kukanda indaka mu makuule nga nu mu milimo yamu vyalo vyao kwaula ukuya nu luse panoyali.

Kufuma 2:3

Lelo lino camutalila kusunga inkama, umwanaci wilya atoola cimponda icalukwa na matete nga apomelako manenekela kuti amanzi yataingilamo. Alino aikamo umwana wilya, nga aya amufisa mu mpunga zitali mu mbali ya luzi.

Mapinda 1:11

Ndi cakuti yati, “Tuye twapita umukuzwisya uwazi, tuteyamile umwi tumukome sile uku mufulo,

Kasambilizya 2:1

Insita imwi nelenginye inti, “Nkailyokezya pakuti nkamanye vino insansa zyaya.” Lelo nazanyile ukuti naco kwene icasilesile.

Ezaya 5:5

“Fwandi lyene vino nemo namacita icalo cane ica matingi aevi. Namafumya icimpinda nu kuongolola ulupungu lwa mawe, uleke inyama zya mpanga zingile zyalya mwenemo nu kulyatolola mwenemo.

Ezaya 65:3

Yene yakansonsya umwenzo ku mufulo sile. Impolelwa zyao yene yakazituulila pa tuvuwa, twa antu yano yatamanya, tuno yakakuula mu vyalo vyao, ali muno yakafutumwila nu ubani.

Ezaya 9:10

“Nanti angala amang'anda ya njelwa yatiyawa, tulakuula amang'anda yauze a mawe. Yatiyatuputwila imikolongelo ya misamvu, lelo swemo tulapyanikizya iya miti imikelide.”

Naumi 3:14

Caleka musembele calimwi amanzi, akupondela ivu lya kukomya malinga inu. Tolini ivikombole alino mutame injelwa!

Ayebulai 10:24

Lekini twasakamala nu kwazwana nu kutemwa kucita visuma.

Ayebulai 3:13

Lelo mwakomelezyanya amanda onsi lino insita iciliko ino mazwi yakwe Leza akati, “Ilelo” yatusoka pakuti kutaya umwi wino, iifyo lingamukomya mwenzo.

Yakobo 4:13

Lyene nguvwini mwe muno mukati, “Ilelo nanti mutondo tulaya pa lwendo kuya ku musumba ukulu umwi. Kuku akuno tulikala kulingana mwaka, ale tukuculuzya nu kulonka impiya zingi.”

Yakobo 5:1

Mwe antu akama, ndakai nguvwini! Losyini nu kukuta pa malanda ali nu kumuponela!