Utandiko 1:9 - Amazwi Yakwe Leza 2013

⁹ Nupya Leza avwanga ati, “Amanzi ali pisika ya lwelele yakolongane pa cifulo conga kuti kuye musili,” nga cicitika vivyo kwene.

Utandiko 1:9 ပူးပေါင်းရင်းမြစ်များ

Utandiko 1:8

Nga Leza atemela ulwelele ati, “Iyulu.” Nga kuya manguzi na katondo, uu wali uwanda wakwe ciili.

Neemiya 9:6

Lyene aina Izlaeli yapepa ipepo lii: “Awewe wenga mpo, wewe uli Yawe. Awewe waumvile iyulu pamwi ni ntanda izyaya mwenemo. Awewe waumvile insi pamwi na vyonsi vino vyaya mwenemo. Awewe waumvile Yemba pamwi na vyonsi vino vyaya mwenemo. Awewe ukapeela umi kuli vyonsi, nga ni vya maka vya mwiyulu vikaoopa wewe nu kukufukamila.

Yobo 26:10

Alino Leza azingulusya icisilwa apa manzi, papa pano wapaatukanya uluswepo ni mfinzi.

Yobo 26:7

Leza wanza iyulu umu lwelele, ilya kwikasa lilunji. Waning'inya impanga umu lwelele.

Masamu 104:3

Napa manzi ya mwiyulu ali pano wakuula Ng'anda yako. Amakumbi ali yano wacita iceleta lyako. Umu muza ali muno wemo ukapitila.

Masamu 33:7

Wakolonganike amanzi yamuli yayemba, kwati umu ncende yonga, kwati umu nyambi. Nga alino wasunga amanzi yamu maziya pamwi.

Masamu 95:5

Yemba uwakwakwe, pano aliwe wamupanga. Impanga nayo, iminwe yakwe iliyo yaumvile.

Kasambilizya 1:7

Inguzi zyonsi zikapita ziitila muli yemba, lelo yemba asizuula. Amanzi yaswilila ku ntulo ya nguzi kuno yafumile. Nupya yatandika ukupita.

Yelemiya 5:22

Nene indi Yawe. Uzye lyene pacani cino musioopa nene? Uzye pacani cino musizakaza pa manso yane? Nemo nisile umusensenga uwamu nkumba yakwe yemba kuya ali nande kuli yemba, nande wakuyelelela wino mutalatala muciluke. Amayimbi yakwe yemba yangakatuka, lelo suka yaposiwe. Nanti yangapooma uli, lelo yatange yaciluke, awe.

Yona 1:9

Nawe aasuka ati, “Nene Muyebulai nga nkapepa Yawe, Leza wa mwiyulu, uwaumvile yayemba ni mpanga kwene ii.”

2 Petulo 3:5

Yene yakavwanga cii ku mufulo pano yakalonda kwilila ukuti ku mpiti Leza wapile ilamulo, nga mayulu ni nsi vyaumvilwe. Insi yacisilwe kufuma ku manzi nupya yaumvilwe ku manzi.

Umbwilo 10:6

nu kucita mulapo mwi zina lyakwe Leza wino uwaya umumi pe na pe. Leza kwene wii uwaumvile iyulu na vyonsi vyayamo, insi na vyonsi vyayamo yemba na vyonsi vyayamo. Mungeli avwanga nu mulapo ati, “Kutalaya kulengezya nupya!