Utandiko 1:31 - Amazwi Yakwe Leza 2013

³¹ Lyene Leza alola vyonsi vino waumvile ukuti ivisuma wakwe cimwi. Nga kuya manguzi na katondo, uu wali uwanda uwalenga mutanda.

Utandiko 1:31 ပူးပေါင်းရင်းမြစ်များ

Utandiko 1:13

Nga kuya manguzi na katondo, uu wali uwanda uwalenga yatatu.

Utandiko 1:19

Nga kuya manguzi na katondo, uu wali uwanda wakwe cini.

Utandiko 1:23

Nga kuya manguzi na katondo, uu wali uwanda uwalenga yasano.

Utandiko 1:5

Alino Leza atemela uluswepo ati, “Umusanya” nga imfinzi nayo ati, “Usiku.” Nga kuya manguzi na katondo, uu wali uwanda wakutandika.

Utandiko 1:8

Nga Leza atemela ulwelele ati, “Iyulu.” Nga kuya manguzi na katondo, uu wali uwanda wakwe ciili.

Utandiko 2:2

Pa wanda uwalenga cinimbali, walanga Leza watamala umulimo wakwe onsi wa kuumba, nga apuuza.

Utandiko 2:3

Nga Leza apolelela uwanda uwalenga cinimbali, aupaatula kuti uye uiyele. Pano pa wanda uu walanga watamala umulimo wakwe onsi wa kuumba, nga apuuza.

Yobo 38:7

Lino intanda zyapa macaca zyumilanga utupundu capamwi, na angeli yonsi yakwe Leza yamuwanzizye capamwi ni nsansa.

Masamu 104:24

We Yawe, wapanga ivintu ivivule! Iye mwe vino wacita na mano! Insi yazula tupu, uku viumbwa vyako ivitupu!

Masamu 104:28

Wemo ukavipeela nga navyo ivilya, ukaviteyanyizizya ivyakulya navyo iviikuta.

Masamu 104:31

Yawe umucindami, kalukuyelelela pee! Yawe kalukuzanga pali vino wacita!

Masamu 119:68

Iye mwe vino wazipa, vino waya nu luse! Nsambilizye amasunde yako.

Kufuma 20:11

“Pano Nene, ne Yawe, naumvile insi, iyulu, na yemba, nga na vyonsi vyayamo mu manda mutanda. Lelo pa wanda uwalenga cinimbali, impuuza. Acino ne Yawe napaatwile nu kupolelela uwanda wi Sabata ukuya uwamuzilo.

Kufuma 31:17

Cikwene cii, icimanyililo ca manda pe pakasi kane na ina Izlaeli, pano ne Yawe naumvile iyulu ni nsi mu manda mutanda, alino impuuza pa wanda uwalenga cinimbali.”

Mapinda 16:4

Icintu consi kwaya cino Yawe waciumbile. Nu muntu mwipe kwene wamuumbile uku wanda wi syamo.

Kasambilizya 3:11

Wene wika akasita kayane pa cintu consi. Watupeela ukulonda ukumanya ivintu iviliza, lelo atatupela ukumanya kumalilike ukwakumanyikisya vino wene akacita.

Nyimbo zya ndosya 3:38

Uzye asi api lamulo lyakwe Leza Wapapelapela pano ivisuma ni viipe vikacitika?

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

1 Timoti 4:4

Vintu vyonsi vino Leza waumvile ivisuma. Kusi cimwi cino umuntu angakana ndi capokelelwa ni ntaizyo kuli Leza.

1 Timoti 4:5

Pano izwi lyakwe Leza ni pepo lyako ililalenga vilingane kuliwa.