Utandiko 1:24 - Amazwi Yakwe Leza 2013

²⁴ Nupya Leza avwanga ati, “Umu nsi muye viumbwa vya misango yonsi, iviteekwa, ivikasela nga ni nyama zya mpanga, cila ciumbwa nu musango wakweco.” Nga cicitika vivyo kwene.

Utandiko 1:24 ပူးပေါင်းရင်းမြစ်များ

Utandiko 1:23

Nga kuya manguzi na katondo, uu wali uwanda uwalenga yasano.

Utandiko 2:19

Acino Yawe Leza atoola ivu nu kupanga inyama zyonsi nga ni vyunyi vyonsi ivikapapuka ukufuma ku musili. Lyene avileta ku muntu kuti alole vino amavitemela mazina. Vii avino cila ciumbwa catemilwe izina lyaciko.

Utandiko 6:20

Utoole viili viili vyamu misango yonsi ya vyunyi, pamwi ni misango yonsi ya nyama, zikulu ni zinono ni vikasela, uvingizye mu cange kuti uvisunge vipuma.

Utandiko 7:14

Yene ingile pamwi ni misango yonsi ya nyama zya mpanga ni viteekwa, zinono ni zikulu, ni misango yonsi ya vyunyi.

Utandiko 8:19

Inyama zyonsi ni vyunyi vyonsi vifuma mu cange mu maumba maumba cila musango wakwevyo.

Yobo 39:1

Uzye we Yobo, wamanya lino yataala yakavyalwa? Uzye watala walola kweneko kuno inyama ya mpanga ikutuula?

Yobo 39:19

“Ale lelo Yobo, uzye awewe walenga kuti imfwalasi iye na maka? Nanti uzye awewe wayikila umukovyo apa nsingo?

Yobo 39:5

“Aweni uwalenga ukuti colwa aipitila umwisikulu? Aweni uwamusapwile nu kuleka aipitila umu mpanga?

Yobo 39:9

“Uzye imbo ingakuyela ukuti iyakuombela, nu kulala umwi koola lyako?

Yobo 40:15

“Tala elenganya pali Beemoti Anene namuumba ndi vino nakuumba we Yobo. Akuno wene akalya sile isote wa ng'ombe.

Masamu 104:18

Yataala yakaikala umu myamba itali na tupiimbi nato tukafisama umu mazolongela, umu mawe.

Masamu 104:23

Nga alino lyene umuntu nawe akatuka, aya uku ncito zyakwe aomba ukufika na manguzi.

Masamu 148:10

mwe nyama zya mpanga na mwe viteekwa, mwe nzoka ni vyunyi ivikapapuka.