Utandiko 1:2 - Amazwi Yakwe Leza 2013

² Lelo insi itali mwa mwata umwi nupya yali iyaulwa kantu kamwi. Imfinzi yandatile pi ziya lyonsi na Mupasi wakwe Leza wazyundanga pa manzi.

Utandiko 1:2 ပူးပေါင်းရင်းမြစ်များ

Yobo 26:14

Vyonsi vivyo, atumwi tumwi sile apa vintu nyanya vino vikalanga amaka yakwe Leza. Tukauvwa sile tunono umu kutotoza sile. Lelo ukuuza kwa kupangalansya kwakwe aweni angakwiluka?”

Yobo 26:7

Leza wanza iyulu umu lwelele, ilya kwikasa lilunji. Waning'inya impanga umu lwelele.

Yobo 38:9

Ala anene natoozile kungwi nu kumuvimbilikizya pali yemba. Alino ndeka na makumbi atifi iyaya penepo.

Yobo 41:32

Umu manzi muno capita, mukasyala ikula iliyengese, icakuti akula liswefile naswee, ungati imvwi!

Masamu 104:30

Ndi cakuti waviputilizya umupu, ala vyatandika ukufuta, upuputula ni nsi yonsi cipya cipya.

Masamu 104:6

Wavimbilikizya insi na yemba ungati icakuvimbala. Amanzi yafika na papela pela apa myamba.

Masamu 136:6

Wakuzile insi apapela ya matenga azike, pano luse lwakwe ulwa pe na pee.

Masamu 148:7

Lumbanyini Yawe mwemuno mwikala pano nsi, mwe vinyama vyamuli yemba, anono na akulu,

Masamu 33:6

Yawe wapanzile amayulu ukwizwi lyakwe. Ilanzi, umwezi ni ntanda, navyo vyapangwa uku mupu wamu kanwa kakwe.

Mapinda 8:24

Navilwe ala kutacili kuye yemba, lino kutatala kwaya nu tufukoka twa nguzi kwene.

Ezaya 31:5

Vivi kwene sile vino icunyi cikalelemba apali icinsanzo, apakusunga utwana twaciko, ali vino ne Yawe Wamaka yonsi ndasunga umusumba wa Yelusalemu nu kuutula ku anisi.”

Ezaya 45:18

Pano avino Yawe wavwanga, wiyo uwaumvile amayulu, wene ali Leza uwetetwile nu kupanga insi ya pano pansi. Wene uwaipanzile nupya ataiumbile apakuti mutaya kantu nanti kamwi, lelo kuti iye incende umwakwikala antu. Wene wavwanga wati, “Nene indi Yawe, kutaya namuze awe.

Yelemiya 4:23

Lino nalolekesya insi, indola ukuti itakweti umwata nupya iyaulwamo akantu. Nga ndolekesya umwiyulu, namo musi uluswepo.

Naumi 2:10

Umusumba wa Ninive ononeka, wasanguka waya itongwa ilyaula antu. Imyenzo yaluluka uku ntete, na makokola yakuzakaza. Umu nteo monsi mwamyalala, ni vinso vyapona uku masakamiko.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

Malango 32:11

Yawe wasenzile aina Izlaeli kwati acipungu wino akusambilizya ana yakwe ukupapuka, ala akutwanka pa mapa yakwe yano wataanza, alino apapuka nupya.