Utandiko 1:16 - Amazwi Yakwe Leza 2013

¹⁶ Avino Leza waumvile vyakupeela uluswepo viili ivikulu, ilanzi lyawala musanya nga nu mwezi wawala usiku. Nga aumba ni ntanda kwene.

Utandiko 1:16 ပူးပေါင်းရင်းမြစ်များ

Utandiko 1:15

Kavyawala mwi yulu nu kupeela uluswepo pa nsi.” Nga cicitika vivyo kwene.

Yobo 31:26

Ntatala napepa ilanzi nanti lingacindama uli. Nanti ukufukamila umwezi, nanti angala wayemba.

Yobo 38:7

Lino intanda zyapa macaca zyumilanga utupundu capamwi, na angeli yonsi yakwe Leza yamuwanzizye capamwi ni nsansa.

Masamu 148:3

Mulumbanyini mwe lanzi nu mwezi, mulumbanyini mwe ntanda zyonsi iziyengese!

Masamu 148:5

Kavilumbanye izina lyakwe Yawe, pano wene wapile ilamulo, nga navyo iviumbwa.

Masamu 19:6

Likatunka uku mpela yi yulu, ilipita ukufika nu kumpela yuze. Kutaya nanti conga icisiuvwa ukukaya kwaliko.

Masamu 74:16

Awewe walenga kuti kwaya umusanya nu usiku, wewe wika ilanzi nu mwezi mu ncende zino vyayela mwenemo.

Masamu 8:3

Nemo nkati nga nalolekesya iyulu, lino wacita, intanda nu mwezi vino wika mwenemo,

Ezaya 13:10

Pano intanda zya mwiyulu kumwi nu tuungwe utwaya mwenemo vitalawala. Ilanzi lilazima nu kutunka foo, umwezi nao utalawala.

Ezaya 24:23

Apa mwezi pamafita, akasanya nako kamazima, pamulandu wakuti Yawe Wamaka yonsi aliwe amaya ali Mwene wakuteeka mu Yelusalemu, apa mwamba wa Zioni, ni ntunguluzi zya antu yakwe yamalolanga ucindami wakwe.

Ezaya 40:26

Tumpulini amanso mucelecensye! Aweni wino wapanzile intanda zino mukulola? Ala awiyo wino wazitantamike imilongo, ungati iumpa lya vita. Ali wino wazimanya zyonsi, pano zyapela nu kuzyama akazyama amazina pano zyapela. Wakwatisya amaka icakuti pataya nanti longa luno lusyamuyela.

Ezaya 45:7

“Anene napanga uluswepo ni mfinzi, nkaleta ulongo nga nu uzanzo. Ne Yawe nkacita vii vyonsi.

Yelemiya 31:35

“Yawe aliwe akawazya ilanzi apakuti liwale mu nsita yakasanya. Alino umwezi ni ntanda navyo apa nsita ya usiku. Aliwe akasunkanya na yemba nu kuponya amaimbi. A Yawe Wamaka yonsi ali zina lyakwe.

Habakuku 3:11

Ilanzi nu mwezi ivimilila umwiyulu, apakulola ukuyengesa kwa nceto zyako, nu kukaoka kwa kuyengesa kwi sumo lyako.

Mateo 24:29

“Lelo zuwazuwa pacisila ca ucuzi uwamu manda yalya, ilanzi lilafita, umwezi utalawala, intanda zilapona kufuma mwiyulu, na maka amu lwelele yalatenta.

Mateo 27:45

Lino ilanzi lyafika umutwe papela (12 koloko), impanga yonsi inyepwa ni mfinzi kufika na pano ilanzi lyatemba (3 koloko).

1 Kolinto 15:41

Ilanzi lyakwata kuyengesa kwakwelyo, mwezi wakwata kuyengesa kwakweo ni ntanda zyakwata kuyengesa kupusane, nga nu kuyengesa kwa ntanda kwaya ukupusane pakasi kaziko.

Malango 4:19

Mutakezye ukutunkwa ukupepa nu kutumikila vino mukalola umwiyulu, ivili wi lanzi, umwezi, ni ntanda. Yawe Leza winu wapeela vii ku antu yauze yonsi kuti yavipepa.

Umbwilo 21:23

Kuwala kwi lanzi nu mwezi kusyalondekwa mu musumba ukulu, pano lulumbi lwakwe Leza lukayengesa mwenemo, nga nu Mwana wa Mfwele ali lampi lyauko.