Utandiko 1:14 - Amazwi Yakwe Leza 2013

¹⁴ Nupya Leza avwanga ati, “Kakuye vyakupeela uluswepo mwi yulu vyakupaatukanya musanya nu usiku nga ni vimanyililo vyakulenga kutandika kwa nsita, amanda ni myaka ni nsita zyamu myaka.

Utandiko 1:14 ပူးပေါင်းရင်းမြစ်များ

Utandiko 1:13

Nga kuya manguzi na katondo, uu wali uwanda uwalenga yatatu.

Utandiko 1:15

Kavyawala mwi yulu nu kupeela uluswepo pa nsi.” Nga cicitika vivyo kwene.

Utandiko 8:22

“Ndi vino insi ilaya pe, avino kumayanga insita ya kukomela ni ya kuzombola, kuzuka nu kukaya, cisanya ni cisiku, kasanya nu usiku. Vii, vitalasila.”

Utandiko 9:13

Nika umulalamfuti umwiyulu, na cii cili cimanyililo ca upangano wane ku viumbwa vyaumi mu nsi.

Yobo 25:3

Uzye aweni angapenda ivita vyakwe Leza, ivikamuombela? Uzye aweni wino uluswepo lwakwe lusikozezya?

Yobo 25:5

Nga vino nanti umwezi kwene usiwala icifumaluke apa manso yakwe Leza? Nanti sile intanda, nazyo kwene zikazimantukila pa manso yakwe.

Yobo 3:9

Si lekini intanda zyakweo zya katondo zizime. Si lekini uwanda uwo ulolele ukuca, lelo umu walanganyi. Nupya utalola ukwandatuka kwa pa macaca.

Masamu 119:91

Ivintu vyonsi vicilipo ukufika na pilelo, apamulandu wi lamulo lyako. Pano vyonsi vikakutumikila.

Masamu 148:3

Mulumbanyini mwe lanzi nu mwezi, mulumbanyini mwe ntanda zyonsi iziyengese!

Masamu 148:6

Wene walenga kuti vyaikala umu ncende zyaviko, ukwi lamulo lyakwe lya manda pe.

Masamu 150:1

Lumbanyini Yawe! Lumbanyini Leza umu Ng'anda yakwe ikulu! Mulumbanyini apa maka yakwe umwiyulu!

Masamu 81:3

Mwalizya ni penga apa ndoleko ya mwezi, na lino umwezi wakoma, lino ukaulungana, apa wanda wa kuzevya.

Ezaya 40:26

Tumpulini amanso mucelecensye! Aweni wino wapanzile intanda zino mukulola? Ala awiyo wino wazitantamike imilongo, ungati iumpa lya vita. Ali wino wazimanya zyonsi, pano zyapela nu kuzyama akazyama amazina pano zyapela. Wakwatisya amaka icakuti pataya nanti longa luno lusyamuyela.

Yelemiya 10:2

Wene wavwanga wati, “Mutasambilila imisango ya antu amu mitundu yuze. Mutazakaza vimanyililo vya mulwelele, nanti angala imitundu yuze ikavyoopa.

Yelemiya 31:35

“Yawe aliwe akawazya ilanzi apakuti liwale mu nsita yakasanya. Alino umwezi ni ntanda navyo apa nsita ya usiku. Aliwe akasunkanya na yemba nu kuponya amaimbi. A Yawe Wamaka yonsi ali zina lyakwe.

Yelemiya 33:20

“Ndi wakwe vikwene vino nemo ningonona upangano wane akasanya nu usiku, apakuti akasanya nu usiku vite ukuombela apa kasita kaviko,

Yelemiya 33:25

Ndi cakuti nemo inkana kupangana upangano na kasanya nu usiku, nu kuvipeela isunde ilyakuti insi ni iyulu vyalondela,

Ezekelo 46:1

Yawe Simwandalali wavwanga wati, “Impongolo ya kwingililapo apa kuya mu musolo wa mwilinga lya mukasi ili nu kusyala iyalikwe apa manda mutanda amilimo yinu, ukutandikila apa wanda wi Sabata mpaka na pa wanda wa kuzevya Ndoleko ya Mwezi Upya, alino ice ikayulikwe.

Ezekelo 46:6

Apa wanda wa Ndoleko ya Mwezi upya, intunguluzi ilatuula kacipambasi konga aka ng'ombe akaula ulema, nu twana twa mfwele mutanda utwaula ulema, na suuku wenga nawe kwene uwaula ulema.

Yowelo 2:10

Insi ya pansi ikuzakaza na mayulu yakusunkana lino yene yakupalama. Ilanzi nu mwezi vikafita iviya wa mfinzi. Alino ni ntanda izita ukuwala.

Yowelo 3:15

Ilanzi nu mwezi vilaya wa mfinzi, ni ntanda nazyo zilata ukuwala.

Amosi 5:8

Aliwe kwene uwapanzile intanda izikaamwa Pileyadi ni zikaamwa Olioni, aliwe kwene akaeletula akanda kuti kaye amacaca, akaeletula umusanya kuti uye usiku. Aliwe kwene akaama amanzi yapali yemba nu kuyapongolwela pa musili. Izina lyakwe a Yawe.

Amosi 8:9

Yawe Simwandalali wavwanga wati, “Mu wanda ulya, apa nsita ya musanya umutwe pakasi, ndalenga kuti ilanzi liwe nu kuponya imfinzi apa mpanga ya pansi umu kasanya.

Mateo 2:2

Alino yuzya yati, “Uzye wino watavyalwa nupya wino alaya Mwene wa Ayuda ali kwi? Pano twaweni lutanda ku ufumondaka, lwatumanyisya kuvyalwa kwakwe, nga twiza ku kumupepa.”

Mateo 24:29

“Lelo zuwazuwa pacisila ca ucuzi uwamu manda yalya, ilanzi lilafita, umwezi utalawala, intanda zilapona kufuma mwiyulu, na maka amu lwelele yalatenta.

Mako 13:24

“Mu manda yalya pacisila ca ucuzi ilanzi lilafita, umwezi utalawala,

Luka 23:45

pano ilanzi lyazimile. Cisalu ca mu Ng'anda ikulu yakwe Leza cilepuka pakasi.

Malango 4:19

Mutakezye ukutunkwa ukupepa nu kutumikila vino mukalola umwiyulu, ivili wi lanzi, umwezi, ni ntanda. Yawe Leza winu wapeela vii ku antu yauze yonsi kuti yavipepa.

Umbwilo 6:12

Nupya ndola Mwana wa mfwele akulematula cimanyililo calenga mutanda. Alino kuya cilundumusi ca maka cuze, nga ni lanzi lifita fititi wa nsalu yakwe kafifi. Nu mwezi uyenza cee wa wazi.

Umbwilo 8:12

Alino mungeli walenga yani alizya ntandala yakwe. Ciputulwa conga ca mu viputulwa vitatu vi lanzi, mwezi ni ntanda vyumwa, cakuti vyene viponzya ciputulwa conga mu viputulwa vitatu vya kuwala kwakwevyo. Lyene kutali luswepo mu ciputulwa conga ca viputulwa vitatu vya musanya nu usiku.

Umbwilo 9:2

Lutanda luyula ciwina caula impela, nga mufuma cunsi cikulu wa cunsi ca mwi lungu likulu. Nga ilanzi nu lwelele vifita fititi ku vyunsi vino vyafumanga mu ciwina caula impela.