Umbwilo 7:14 - Amazwi Yakwe Leza 2013

¹⁴ Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.

Umbwilo 7:14 ပူးပေါင်းရင်းမြစ်များ

Yobo 11:16

Ndi caya vivyo lyene ulilila uku macuzi yako, nu kuyiusya sile ndi vino yakaiusya mulamba apisile mpiti.

Kufuma 37:3

Apanga mipeto ini yakwe zaabu yakunyemwila nga ainyepelelela ku makulu yani ya Mbokosi ya Upangano, kumwi ni mipeto iili ku mbali yonga nu ku mbali yuze iili.

Ezaya 1:18

Yawe akuti, “Lekini tuvwane lyene. Amaifyo inu nanti yangayenzya cee, nemo namayafula nga nayo yamaswepa mpe wakwe kungwi wa katondotondo. Nanti angala yangayenza cee wa wazi, awe cumi namayaswefya mpee, wakwe pamba.

Danieli 11:35

Yamwi mu ntunguluzi zizi zyamano yalakomwa, lelo pamulandu wakwe cii antu yalasangululwa. Cintu cii cilatwalilila mpaka ukufika nu kumpelelekezyo, umu nsita ino Leza wasonta.

Danieli 12:1

Umungeli uwazwite insalu itelepelele alanda ati, “Apa nsita ilya umungeli mukulu Mikaeli, wiyo akacingilila antu yako, alaloleka. Lyene kulaya insita ya macuzi, iipisye wakwe cimwi ino itatazile iyako ukufuma sile ku kutandika kwa nko ukufika na pilelo kwene. Lelo lino insita ilya ilafika, antu yako yonsi yano amazina yao yalembwa mu lupapulo lwakwe Leza yalatuulwa.

Danieli 7:16

Lyene naile kuli wenga muli yayo aimi papa nga imuzya kuti andondolwele muno vii vyonsi vyalola. Acino nawe andondolwela.

Zakaliya 13:1

Yawe Wamaka yonsi wavwanga wati, “Lino insita iya ilafika, intulo yonga ilapongwela amanzi, yano ana yakwe Davidi na ina Yelusalemu yalafulala ku ukowezi wao.

Mateo 24:21

Pano pa nsita ilya, kulaya macuzi aipisye kuluta, yano atatazile yayeko kufuma lino insi yaumvilwe kufika na ndakai nupya yatalatala yayeko.

Mako 13:19

pano macuzi ya manda yayo yalaya aipisye kuluta yano insi yamanya kufuma ku utandiko lino Leza waumvile insi kufika na ndakai, nupya yatalatala yayeko.

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Loma 5:3

Pasi pali cico sile cino tukailumbilapo lelo na pa macuzi itu kwene, pano twamanya vino ucuzi ukaleta kuposya

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

2 Tesalonika 1:4

Uli mulandu uno swemo tukaitumika pamulandu winu mu mauvi yakwe Leza. Swemo tukaitumika pa kutwalilila kwinu ukwa kuposya, nga nu kutaila lino mukupita mu kuzunyiwa nu mu macuzi amuponile.

Ayebulai 13:12

Pamulandu kwene uu, Yesu nawe kwene wafwilile kunzi ya musumba ukulu, kuti aswefye antu nu wazi wakwekufuma ku maifyo yao.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

1 Petulo 1:19

Lelo yene uwazi wamutengo wa mpolelwa yakwe Klistu, wino wakoline wa mwana wa mfwele uwaula indema nanti iyala.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

Umbwilo 12:11

Aina itu yamucimvizye ku wazi wa Mwana wa mfwele, nu ku mazwi ya umboni uno yapile. Yene yaipezile cuze cakuti yatoopanga nanti kufwa.

Umbwilo 15:2

Alino ndola cimwi cikuloleka wakwe yemba musenguluke wi galasi, muminkane nu moto. Naweni na yao acimvizye cilyanyi nu unkolanya wakweco na wino mpendwa ikaimilila izina lyakwe. Antu yaa yaimi pa mbali yakwe yemba musenguluke wi galasi, ala yalemile mapango yano Leza wayapile,

Umbwilo 17:6

Naweni ukuti mwanaci wakolike uwazi wa antu yakwe Leza nga nu wazi wakwe yao akomilwe pamulandu wa kuyela Yesu. Lino naweni mwanaci nzunguka cuze.

Umbwilo 2:9

Namanya intazi zyako. Namanya ukuti wewe mupina. Lelo mu cumi wewe mukama! Namanya vilandwa viipe vino yakutumpwila yao akailanda ukuti Ayuda nalino yasi Ayuda. Yene yali mwi umba lyakwe yao yakwe Ciwa.

Umbwilo 22:14

Alongo ayao yano yakafula mingila yao nu kuiswefya, pakuti yaye ni nsambu ya kulya vizao kufuma ku muti uno ukapeela umi nga nu kwingila pa mpongolo zya musumba ukulu.

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.

Umbwilo 7:9

Pacisila cakwe cii nceleka nga ndola iumba likulu cuze. Kutali nanti wenga uwange apende antu onsi. Antu yaa yafumile mu nko zyonsi, mu mitundu yonsi ya antu, mu misango yonsi ya antu nu mu ndimi zyonsi. Yene yaimi nkolelo ya cilimba ca wene na pa manso ya Mwana wa mfwele, ala yazwite mingila itiswe nupya yalemile makambalala mu minwe yao.