Umbwilo 7:11 - Amazwi Yakwe Leza 2013

¹¹ Angeli yonsi iimilila kuzinguluka cilimba ca wene, nu kuzinguluka aikolo nga ni viumbwa vyaumi vini. Alino yafukama nu kukontamika ivinso vyao nkolelo ya cilimba ca wene, yapepa Leza yati,

Umbwilo 7:11 ပူးပေါင်းရင်းမြစ်များ

Masamu 45:11

Ukuyemba kwako uku malekanga ukuti umwene akulonda. Ali cino wemo fwandi, ulinzile uku muyela pano wene ali musambazi wako.

Masamu 97:7

Yakapepa yatuluwi, insonyi kaziyaleme, yayo yonsi akaitanka apa vyaciwelewele. Alino mwe tuleza tonsi mufukamilini pansi.

Mateo 4:10

Yesu amunena ati, “Senka pano Ciwa, pano calembwa mu malembelo cati, ‘Wapepa Mwene Leza wako, wene wenga sile awino uwatumikila.’ ”

Yoane 5:23

pakuti yonsi yacindike Mwana vino yacindika Isi. Wino asyakucindika Mwana, ala asyakucindika ni Isi wino wamutumile.

Ayebulai 1:6

Lelo lino Leza wali pipi nu kutuma Mwana nupya iyeli lyakwe mu nsi, wene wavwanzile ati, “Angeli yakwe Leza yonsi yalinzile kumupepa.”

Umbwilo 11:16

Lyene aikolo makumi yaili na yani, yano akaikala pa vilimba vyao inkolelo yakwe Leza yafukama nu kukontamika vinso vyao nga yapepa Leza

Umbwilo 15:4

Uzye aweni atangoopa we Mwene? Uzye aweni angakana kulanda ukulu wako? Wewe wenga sile waya uwamuzilo. Antu amu nko zyonsi yaliza nu kukupepa, pano micitile yako isi yalufyengo nupya ikaloleka kuli onsi.”

Umbwilo 22:9

Lelo wene wanenyile ati, “Utacita cico! Nene muomvi muzo nupya mwina wako mu utailo wakwe yakasema nga na onsi yano akayela mazwi amu lupapulo luu. Uwapepa Leza!”

Umbwilo 4:10

Lino vyacita vii, aikolo makumi yaili na yani nayo yafukamila wino atenzi pa cilimba ca wene, nu kupepa wino uwaya nu umi manda pe. Pa kucita vii yene iyasumba ingala zyao pansi inkolelo ya cilimba ca wene yati,

Umbwilo 4:4

Kuzinguluka cilimba kwali vilimba vyuze makumi yaili na vini, pano patenzi aikolo makumi yaili na yani yala yazwite nsalu zitiswe nga ni ngala zyakwe zaabu.

Umbwilo 4:6

Nupya inkolelo ya cilimba ca wene pali cimwi calolekanga wakwe yemba musenguluke wi galasi lyakwe kulustele. Kuzinguluka cilimba ca wene kwali viumbwa vyaumi vini, nupya vyali na manso ingi nkolelo ni cisila caviko.

Umbwilo 4:8

Mu viumbwa vii vini cila ciumbwa cakweti amapa mutanda nayo yalimviwe na manso mukasi nu kunzi yakweyo. Musanya nu usiku vyene visyata kwimba lwimbo viti, “Wamuzilo, wamuzilo, wamuzilo Mwene Leza wa maka yonsi wino uwaliko, alipo, nupya wino aliiza.”