Umbwilo 6:8 - Amazwi Yakwe Leza 2013

⁸ Lyene ndola imfwalasi iswepuluke. Wino uwakwezilepo watemilwe izina lyakuti Imfwa, nga ni cifulo ca antu afwe camulondile pipi. Oili yapilwe maka pa ciputulwa ca mu viputulwa vini ivya nsi, kuti yakome antu mukuomvya inkondo, cipowe, ndwala, nga ni vilyanyi vya mpanga.

Umbwilo 6:8 ပူးပေါင်းရင်းမြစ်များ

Mapinda 5:5

Intampulo zyakwe zikatungulula ku mfwa, pakupita mwenemo ala wasimwilila uku malindi.

Ezaya 25:8

Lilyo ala wataonona ni mfwa kwene! Yawe Simwandalali alakumbula aminsozi mu manso ya antu yonsi. Wene alasisya insonyi uku antu yakwe yonsi. Yawe watavwanga.

Yelemiya 14:12

Pasi pano nanti yangata ukulya, nemo ntange nuvwe inkuuta zyao. Nupya nanti yangandetela amawila yakoca na mawila ya mbezu, nemo ntalazangila munoyali awe. Lelo ndayakomola ku lupanga, ku cipowe nu ku ndwala.”

Yelemiya 16:16

Yawe walanda wati, “Ndatuma avuvi ya nswi nyanya, yano yalayalema wa nswi. Ndatuma na alumba avule, nga nayo yalayalunga mu myamba yonsi nu mu macele.

Yelemiya 16:4

yalafwa imfwa ya ndwala ziipisye. Kutalaya wakuyalosya nanti ukuyaziika. Yalalala wa muvundo mu musili. Yalalowa ku lupanga nu ku cipowe. Ivyala vyao vilaya ivyakulya vya vyunyi vyamu lwelele ni vilyanyi vyamu mpanga.

Yelemiya 24:10

Nupya ndayatumila ulupanga ni cipowe nga ni mpungo, mpaka yace yalowe umu mpanga ino nayapile aeneco ni vikolwe vyao.”

Yelemiya 29:17

Yawe Wamaka yonsi, wavwanga wati, “Ndayakatusizya inkondo, icipowe ni mpungo, nupya ndayacita wa masamvu aole aipisye cakuti kusi umwi wino angayalya.

Yelemiya 43:11

Aliza afulule impanga ya Eguputo cakuti antu yano yasontelelwa ukufwa ku mpungo, yakafwe ku mpungo, yano yasontelelwa ukufwa ku cipowe, yakafwe ku cipowe nga na yano yasontelelwa ukufwa umu nkondo, yakafwile umu nkondo kwene.

Ezekelo 29:5

Nkukuvwintila mu lwanga pamwi ni nswi zyamuli Nailo wako. Ulaponela pansi usalile, yatalakulombola nanti kukuzika. Ndakucita cakulya ca nyama zya mpanga ni vyunyi vyamu lwelele,

Ezekelo 5:12

Antu yonsi yalapaatukana patatu, iumba lyonga lilafwila mu musumba ku mpungo nu ku cipowe. Lyakwe cili nalyo lilafwila kunzi ya musumba ku lupanga. Lyakwe citatu nalyo ndalisalanganyizizya mu muza alino nkalilondele nu lupanga.

Oseya 13:14

“Ntalatuula antu yaa ukufuma kuzimo, nanti ku maka ya mfwa. We mfwa, uzye vilumbelo vyako vili kwi? We lindi, uzye uononesi wako uli kwi? Ntalaya ni nkunkunsi pa antu yaa.

Habakuku 2:5

Ndi vino umuntu uwatakoleka uwengwa akavulungana, ali vino na wensi akaitukumula atakwata iteko. Avino na antu a lwiswa yakolana ni mfwa itiikuta. Yene yakalema antu amitundu yonsi nu kuyakonganika wa antu yao.

Zakaliya 6:3

nga lyakwe citatu ku mfwalasi zitiswe, nga lyakwe cini ku mfwalasi zya maalamaala.

Mateo 11:23

Mwe antu amu Kapenaumu uzye mukwelenganya vino mungakweziwa kwiyulu kupela? Awe! Mulasumbwa pansi kuzimo! Pano ndi vinjelengwe ivyacisilwe munomuli ivyacisilwe mu Sodoma, Sodoma nga acilipo ni lelo.

Mateo 24:7

Inko zilakatukilana, na mawene yalakatukilana. Kulaya vipowe ni vilundumusi mu ncende zimwizimwi.

1 Kolinto 15:55

“Mfwa we, uzye ucimvyo wako uli kwi? Mfwa we, uzye luoya lwako luli kwi?”

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

Umbwilo 12:4

Cene caomvizye musinda pa kukuwa ciputulwa conga mu viputulwa vitatu vya ntanda, icizifumya mwiyulu nu kuzisumba pano pansi. Cizoka cii caimi nkolelo ya mwanaci pakuti cilye umwana wakwe zuwazuwa lino wavyalwa.

Umbwilo 9:15

Caleka angeli yasapulwa. Pano pali aawa kwene wilya, pa wanda ulya, mwezi nga nu mwaka ulya, Leza wayateyanyizizye kukoma ciputulwa conga mu viputulwa vitatu vya antu onsi.

Umbwilo 9:18

Ciputulwa conga mu viputulwa vitatu vya antu amu nsi cakomilwe ku vilumbelo vitatu. Ni vilumbelo vii, umoto, cunsi, nga na maluti vino vyafumanga mu milomo ya mfwalasi.