Umbwilo 22:8 - Amazwi Yakwe Leza 2013

⁸ Ne Yoane nuvwa nu kulola vintu vii vyonsi. Nalanga nuvwa nu kulola, mfukama pipi ni ngazo zya mungeli wino uwandanzile vintu vii, nupya kwasile panono kuti mupepe.

Umbwilo 22:8 ပူးပေါင်းရင်းမြစ်များ

Danieli 2:46

Lyene umwene Nebukadineza apona pansi afupime nga apeela ilamulo kuti yapeele impolelwa na mawila kuli Danieli.

Milimo 10:26

Lelo Petulo amukatusya ati, “Katuka, pano nani kwene nene muntu sile.”

Umbwilo 1:1

Mu lupapulo luu mwalembwa vicitwa vino Yesu Klistu waumbwile. Leza wamupile umbwilo pakuti alange aomvi yakwe vintu ivili nu kucitika zuwa. Klistu watumile mungeli wakwe ni landwe lya kuumbula kuli Yoane muomvi wakwe.

Umbwilo 1:4

Ne Yoane nalemba kalata ku mauvi cinimbali amu muputule wa mpanga ya Asiya. Cikuku nu mutende viye namwe kufuma kuli Leza, wino alipo, wino uwalipo, wino aliza. Cikuku nu mutende viye namwe kufuma ku mipasi cinimbali ili ku nkolelo ya cilimba cakwe Leza.

Umbwilo 19:10

Alino mfukama pipi ni ngazo zyakwe kuti imupepe, lelo wene anena ati, “Utacita cico! Nene muomvi muzo pamwi na auzo ataila, onsi yakambone ya cumi cino Yesu wasokolwile. Uwapepa Leza.” Pano cumi cino Yesu wasokolwile umupasi wa usemo.

Umbwilo 19:19

Nupya ndola cilyanyi nga na yakateeka amu nsi. Yene pamwi ni vita vyao yakongana kuti yalwisye wino uwatakwela pa mfwalasi pamwi ni vita vyakwe.