Umbwilo 22:17 - Amazwi Yakwe Leza 2013

¹⁷ Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.

Umbwilo 22:17 ပူးပေါင်းရင်းမြစ်များ

Masamu 34:8

Muyuvwile mweisikulu mwenga usuma wakwe Yawe vino waya! Wasyuka wiyo akasimwilila kunoli.

Ezaya 12:3

Ndi vino amanzi azuke yakaleta insansa kuli wino ali nu lusala, ali vino antu yakwe Leza yakazanga nga wene wayatuula.

Ezaya 2:3

Yalavwanga nu kuti, “Tuyini twapita tutumbele umwamba wakwe Yawe, apakuti aye akatusunde vino tuli nu kucita, apakuti twalondela mwi kula lyakwe.” Umu cumi amasunde yakwe Yawe yakafuma mu Yelusalemu, pano umu Zioni ali muno akapeelela antu yakwe amalango.

Ezaya 2:5

Mwe amu mupanda wakwe Yakobo, si izini twapita umu luswepo luno Yawe watupeela.

Yelemiya 50:5

Yaluzya inzila yaku Zioni, ali kuno yalalozya amanso ale yakuti, “Izini twemelele kuli Yawe, umu upangano wakuyelelela utanga wililikwe.

Ezekelo 47:1

Nupya umuntu wilya ambwezya ne Ezekelo ku mulyango wa Ng'anda ikulu yakwe Leza, papo apafumanga amanzi pa mulyango wa ng'anda yi pepo, nu kukonkolokela lwa ku ufumondaka kuno Ng'anda ikulu yakwe Leza yalozizye mulyango. Amanzi yakonkolokelanga mu Ng'anda ikulu yakwe Leza mwisika, ku kayeya ki lunji lya kavuwa.

Mika 4:2

Antu amu nko zivule yaliza, nga yalavwanga yati, “Tuini tukwele uku mwamba wakwe Yawe, ku Ng'anda yakwe Leza wakwe Yakobo. Wene alatusambilizya vino akasi kuti twacita, nga naswe tumapitanga umu nzila zyakwe. Pano uku Zioni ukulafuma usambilizyo wakwe, uku Yelusalemu ukulafuma amazwi yakwe Yawe.”

Yoane 1:37

Lyene lino alondezi oili yuvwa Yoane wavwanga cii, yalondela Yesu.

Yoane 4:10

Yesu nawe amwaasuka ati, “Ndi wamanyile uwila wakwe Leza, na wino akukulenga manzi ya kumwa, nawe wange umulenge, nga wene wange akupeele manzi akapeela umi.”

Yoane 4:11

Umwanaci ati, “Musambazi nga vino wemo utakweti cakusembela, nga ni cifula naco icizike, uzye lyene manzi kwene yayo akapeela umi umayafumya kwi?

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Yoane 4:29

“Ndi mukalole umuntu wino wali wanena vintu vyonsi vino nacita. Uzye wii angaya ali Katuula uwalavilwe?”

Yoane 7:37

Pa wanda wa kumalila kuzevya kwa cimulo nupya uli wanda ukulu, Yesu aimilila, asanzika izwi ati, “Wino wensi ali nu lusala alinzile kwiza kunondi kuti amwe manzi!

Loma 3:24

Lelo pamulandu wa wila wa cikuku cakwe Leza, wene akayalenga kuya aololoke kupitila muli Klistu Yesu wino akayalenga kuya antungwa.

1 Kolinto 2:12

Swemo tutapokelela mupasi uwafuma muno nsi. Lelo twapokelela Mupasi Wamuzilo kufuma kuli Leza, pakuti atwazwe tumanye vyonsi vino Leza watupela.

Umbwilo 14:13

Nupya nuvwa izwi kufuma mwiyulu likuti, “Lemba ukuti, Alongo ayao yano kufuma ndakai yakufwila mu kutumikila Mwene!” Mupasi Wamuzilo nawe ati, “Endi! Yene yalailyokezya kupuza ku kuombesya kwao, pano milimo yao isuma ikuyalondela.”

Umbwilo 2:7

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela nsambu yakulya vizao vya ku muti uno ukapeela umi, uwaya ku Paladaise yakwe Leza mwiyulu.”

Umbwilo 21:2

Lyene ndola Musumba Wamuzilo, Yelusalemu mupya, ukwika kufuma mwiyulu kuli Leza. Wene wateyanyiziwe kwati a nawinga wino wayemviwa pa kukomanya iya wakwe.

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.

Umbwilo 21:9

Mungeli wenga uwamu angeli cinimbali yano yakweti ngeso cinimbali izyazilemo vilumbelo cinimbali vyakusyalikizya aiiza kunondi anena ati, “Iza kuno, nga nani namakulanga nawinga, muci wa Mwana wa Mfwele.”

Umbwilo 22:1

5Lyene mungeli andanga luzi lwa manzi yano akapeela umi, luyengese wakwe Kulustele, luno lwafuma mu cilimba ca wene cakwe Leza nupya ca Mwana wa Mfwele.

Umbwilo 22:16

“Ne Yesu natuma mungeli wane kuti alanda vintu vii kunomuli mu mauvi. Nene uwamu mupanda wakwe Davidi. Nene namukokolo.”

Umbwilo 7:17

pano Mwana wa mfwele, wino ali pakasi ka cilimba ca wene alaya ali kacema wao. Wene alayatungulula ku tufukoka twa manzi yano akapeela umi. Leza nawe alayakumbula minsozi yonsi.”