Umbwilo 22:14 - Amazwi Yakwe Leza 2013

¹⁴ Alongo ayao yano yakafula mingila yao nu kuiswefya, pakuti yaye ni nsambu ya kulya vizao kufuma ku muti uno ukapeela umi nga nu kwingila pa mpongolo zya musumba ukulu.

Umbwilo 22:14 ပူးပေါင်းရင်းမြစ်များ

Utandiko 2:9

Alino Yawe Leza alenga kuti musili umezye imiti iyembe ya misango yonsi nu kuti yaseeka iviseekwa visuma. Pa kasi ka calo pali umuti ukapeela umi nu muti ukapeela amano akumanya visuma ni viipe.

Utandiko 3:22

Alino Yawe Leza avwanga ati, “Ndakai umuntu wakolana naswe, pano wakwata amano akumanya visuma ni viipe. Atalinzile kuzumiliziwa nupya ukulya ciseekwa caku muti uno ukapeela umi, nga aikalilile nu umi.”

Masamu 112:1

Lumbanyini Yawe! Wasyuka wiyo akacindika Yawe, wiyo uwatemwisya amasunde yakwe.

Masamu 118:20

Ikwene ili mpongolo yakwe Yawe, iyakwingilila penepo yayo sile akacita vyaololoke!

Kufuma 19:10

Alino Yawe anena Mose ati, “Yanga kanene antu ukuti ilelo na mutondo yaisangulule nu kuiteyanyizizya ku mapepo. Yene yalinzile ukufula vyakuzwala vyao.

Danieli 12:12

Alongo ayayo yano yalatwalilila ukuya acumi ukufika nu kumpela ya manda 1,335!

Yoane 10:7

Nupya Yesu ati, “Cumi namunena vino nemo nene mulyango wakwingililapo mfwele.

Yoane 10:9

Nene mulyango! Wino wensi uwingila pali nene, alatuulwa. Wene alingila, alafuma nu kuzana vyakulya.

Yoane 14:15

“Ndi mwantemwa mwayela masunde yane.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 4:12

Uzye wemo waluta Yakobo cikolwe citu, wino uwatupile cifula cii, cino umwisikulu pamwi na ana yakwe nga ni viteekwa vyakwe yamwanga mwenemo?”

1 Kolinto 7:19

Pano muntu ndi wasilamulwa nanti foo, cisyakusenula nanti cimwi. Cikalamba ukuyela masunde yakwe Leza.

1 Kolinto 8:9

Lelo mucenjele nu untungwa winu uo pa kucita vintu, pano ungaya cisiki cakuponya atonte asi nu utailo ukome.

1 Kolinto 9:5

Cila muntu muno tuyelile akweti nsambu zya kusenda muci wakwe mwina Klistu pa lwendo, ndi vino atumwa nga na ina ya Mwene pamwi na Petulo yakacita.

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

1 Yoane 3:3

Muntu ali wensi wino uwakwata upaalilo uu muli Klistu, ala wene akaikala mu muzilo ndi vino Klistu wikala.

1 Yoane 5:3

Swemo tukalanga kutemwa kuno twatemwa Leza pa kuyela masunde yakwe. Na masunde yakwe angupale,

Umbwilo 2:7

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela nsambu yakulya vizao vya ku muti uno ukapeela umi, uwaya ku Paladaise yakwe Leza mwiyulu.”

Umbwilo 21:12

Wene wakweti ilinga likulu, litali cuze, nupya lyali wa lung'umba. Lyene lyakweti mpongolo ikumi na zili, nga na angeli ikumi na yaili angalilanga mpongolo. Pali cila mpongolo palemvilwe izina lya mutundu onga uwamu mitundu yamu Izlaeli ikumu na iili.

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.

Umbwilo 22:2

Uluzi luu, lwapita pakasi ka museo uwamu musumba. Cila cituntu ca luzi pali muti ukapeela umi. Muti uu wasekanga vizao maila ikumi na yaili mu mwaka, lyonga cila mwezi. Amafwa yakweyo umulembo wakupozya antu amu nko zyonsi.

Umbwilo 22:7

Yesu akuti, “Uvwini! Nkwiza zuwa! Alongo ayao yano yakayela mazwi ya usemo amu lupapulo luu.”

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.