Umbwilo 21:7 - Amazwi Yakwe Leza 2013

⁷ Wino wensi alacimvya nemo ndaya Leza wakwe nawe alaya umwana wane.

Umbwilo 21:7 ပူးပေါင်းရင်းမြစ်များ

Utandiko 17:8

Mpanga ya Kenani, muno watuwiza wa mwinamasi, ndaipela kunuli nu ku amu mupanda wako ukuya iyakwao pe na pe, nga Nani ndaya Leza wao.”

2 Samueli 7:14

Nani ndaya isi, nawe alaya umwanane. Ndamunyamba wakwe vino isi wa muntu akakalipila umwana.

Masamu 89:26

Amangamanga ati, ‘Wewe uli Tata, nupya wewe uli Leza wane, Ciliwe icikantuula.’

Mapinda 3:35

Antu yamano yalapeelwa ucindami, lelo iviwelewele insonyi zilavilema.

Ezaya 65:9

Ndapolelela aina Izlaeli amu mutundu wakwe Yuda. Ana yakwe ali yano yalaya aeneco ya mpanga ya myamba. Antu yane asololwe, ali muno yalaikala.

Zakaliya 8:8

Ndayawezya kuti yakize yakikale nu mu Yelusalemu. Yalaya antu yane, nani ndaya Leza wao. Ndayateeka ningo nu ulungami.

Mateo 19:29

Na wensi uwasya mang'anda yakwe, aina aonsi, yakaci yakwe, isi, nyina, ana nanti vyalo pamulandu wane, wene alapokelela ivingi kuluta pali vino wasya, nga nu umi wape.

Mateo 25:21

Mwene wakwe nawe amunena ati, ‘Wacita ningo we muomvi musuma nupya uwakutailwa! Wali uwakutailwa pa vintu vinono. Caleka namakucita kangalila pa vintu vingi. Iza uzange pamwi nani!’

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Mako 10:17

Lino Yesu watandika kupita, umuntu asimula kunoli, aya afukama amuuzya ati, “Kasambilizya musuma, uzye icani cino ndinzile kucita kuti mpokelele umi wape?”

Loma 8:14

Yano onsi akatungululwa na Mupasi Wamuzilo yene ana yakwe Leza.

Loma 8:19

Pano uumbo onsi ukalolela kasita kano Leza alasokolola ana yakwe.

2 Kolinto 6:16

Uzye ng'anda yakwe Leza vingalemana uli nu tuluwi? Sweswe ng'anda ikulu yakwe Leza wa umi, ndi vino Leza umwisikulu walanda wati, “Ndikala pamwi na antu yaa nga nu kupita pakasi kao. Ndaya Leza wao, nao yalaya antu yane.”

2 Kolinto 6:18

nu kuya So. Namwe mulaya ana yane aonsi na yakaci, avino Mwene wa maka yonsi walanda.”

Ayebulai 8:10

Lelo Mwene witu akuti, uu upangano uno ndacita na ina Izlaeli mu manda akwiza. Ndalemba masunde yane muli yakampingu yao nu mu myenzo yao. Ndaya Leza wao, nao yalaya antu yane.

1 Petulo 3:9

Mutawezezyanya viipe nanti ntipu. Lelo ndi umwi wamucitila ciipe, mwemo mumupolelele. Pano kupolelelwa akuno Leza wamulavile lino wamusolwile.

Umbwilo 2:11

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya yatalafwa imfwa yakwe ciili.”

Umbwilo 2:17

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela mana uwafiswa. Nupya cila wenga uwa munoyali ndamupeela iwe litiswe pano palembwa izina lipya, ililamanyikwa kuli aliwe asi kuli wensi.

Umbwilo 2:25

Lelo kufika lino ndiza, mulinzile kulemelela na maka kuli vino mwasambilila.

Umbwilo 2:7

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela nsambu yakulya vizao vya ku muti uno ukapeela umi, uwaya ku Paladaise yakwe Leza mwiyulu.”

Umbwilo 21:3

Alino nuvwa izwi likulu likulanda kufuma ku cilimba ca wene liti, “Ndakai uwikalo wakwe Leza uli pamwi na antu! Wene amaikalanga nao nupya yene yalaya antu yakwe. Leza umwisikulu alaya nao nupya wene alaya ali Leza wao.

1 Samueli 2:8

Aliwe akanyemula apina ayafumya pa lutukumbu nu kukatusya aulilwa ukufuma pa citumba kuti ayapeele icifulo yikale na ene, kuti ayalasike pa vilimba vyaucindami. Imifula ya nsi iyakwe Yawe, nga apali pano wene wateeka insi.