Umbwilo 21:23 - Amazwi Yakwe Leza 2013

²³ Kuwala kwi lanzi nu mwezi kusyalondekwa mu musumba ukulu, pano lulumbi lwakwe Leza lukayengesa mwenemo, nga nu Mwana wa Mfwele ali lampi lyauko.

Umbwilo 21:23 ပူးပေါင်းရင်းမြစ်များ

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Ezaya 2:10

Yaleezya ukufisama umu vimawe, umu macele, umu myamba nanti ukwimba vipolowe umwakuti yangafisama, apamulandu nu kuutuka ukali wako we Musambazi!

Ezaya 2:19

Antu yayo yalafisama umu macele, umu myamba nanti ukwimba ya polowe, umwakwezya ukufisama mwenemo. Cico cilaya apamulandu wakuutuka amaka yako, nu kucindama kwako apa nsita ino uliza umu kutensya insi.

Ezaya 2:21

Lino wemo we Yawe uliza uku kutensya insi, antu yene yalafisama muli yapolowe nu mu macele, umu myamba apa kuutuka sile ukali wako nu ucindami wako.

Ezaya 24:23

Apa mwezi pamafita, akasanya nako kamazima, pamulandu wakuti Yawe Wamaka yonsi aliwe amaya ali Mwene wakuteeka mu Yelusalemu, apa mwamba wa Zioni, ni ntunguluzi zya antu yakwe yamalolanga ucindami wakwe.

Ezaya 30:26

Umwezi ulawala kwati ali lanzi kwene, alino ilanzi lilawalisya ukuluta mu cipimo. Uluswepo lwakasanya lulaya ungati ulwa manda cinimbali, alino lyene lwize lwakile capamwi pa kasanya kali konga kwene! Vivyo vyonsi vilacitika lino Yawe alanyepela antu yakwe ivilonda vino wayaletile pakuti vingapola.

Habakuku 3:3

Leza umwisikulu ali nu kwiza iila lyakwe ciili ukufuma ku Edomu. Leza wamuzilo ali nu kwiza ukufuma ku myamba yamu mpanga ya Palani. Ucindami wakwe wakupa iyulu, ni nsi izilemo ululumbi lwakwe.

Mateo 16:27

Pano Mwana wa Muntu aliiza pali pamwi na angeli yakwe mu lulumbi lwakwe Isi. Lyene alalambula nanti kuvunuka cila muntu kulingana ni vicitwa vyakwe.

Mako 8:38

Muntu ndi waya ni nsonyi pali nene na pa mazwi yane mu mukulo uu uwa uzelele nu wankota, Mwana wa Muntu alaya ni nsonyi panoli lino aliza pali pamwi na angeli yamuzilo, mu lulumbi lwakwe Isi.”

Luka 2:32

Ufyusi wako ukoline wa luswepo ku Akulukuwa luno lulaleta ululumbi ku antu yako aina Izlaeli.”

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Yoane 1:18

Pasi umuntu watala alola Leza. Suka Mwana wenga sile wino wikala pamwi ni Isi. Mwana kwene uwiza wamusokolola.

Yoane 1:4

Wene wali intulo ya umi, nupya umi wakwe wapile luswepo ku antu onsi.

Yoane 1:9

luswepo lwa cumi lukakozya muno nsi pa antu onsi.

Yoane 17:24

“Tata! Wayampela, nga nani nkasi kuti yaye nani kunondi, kuti yangalola lulumbi lwane luno wampile. Pano wemo wantemilwe lino insi itali icitwe.

Yoane 5:23

pakuti yonsi yacindike Mwana vino yacindika Isi. Wino asyakucindika Mwana, ala asyakucindika ni Isi wino wamutumile.

Milimo 22:11

Cali ala nati mpafula pamulandu wa kuyengesa kwa luswepo, nga yano twali nao yandema api kasa yantungulula, yantwala mu musumba wa Damasiko.

Umbwilo 14:4

Yaa, ali antu ataikowizye na anaci, pano yatatazile yamanye anaci. Yene yalondelanga Mwana wa Mfwele konsi kuno akuya. Yene yakulwilwe kufuma pa antu yonsi asyala kuti yaye ankolelo kupelwa kuli Leza nu ku Mwana wa Mfwele.

Umbwilo 18:1

Pacisila lyene ndola mungeli namuze akwika kufuma mwiyulu. Wene akweti maka akulu cuze, nga nu kuyengesa kwakwe ukwa lulumbi kukozya mu nsi yonsi.

Umbwilo 21:11

Musumba wayengise wi we liyengese lyamutengo, wakwe Yaspele, uyengese mpe wakwe Kulustele.

Umbwilo 21:25

Mpongolo zya musumba ukulu zilaya iziyulike musanya onsi. Zitalatala ziyalwe, pano kuku kutaya usiku.

Umbwilo 22:5

Kutalaya usiku nupya yatalalonda inyali nanti luswepo lwi lanzi, pano Mwene Leza alaya luswepo kunoyali. Yene yalateeka manda pe.

Umbwilo 5:6

Lyene ndola Mwana wa mfwele aimi pakasi ka cilimba ca wene ala viumbwa vyaumi vini pamwi na ikolo vyati vimuzinguluka. Mwana wa mfwele walolike kwati iyamukoma. Wene wali ni mpembe cinimbali na manso cinimbali. Manso yaa, ali mipasi cinimbali yakwe Leza ino yatumwa mu nsi yonsi.

Umbwilo 7:17

pano Mwana wa mfwele, wino ali pakasi ka cilimba ca wene alaya ali kacema wao. Wene alayatungulula ku tufukoka twa manzi yano akapeela umi. Leza nawe alayakumbula minsozi yonsi.”