Umbwilo 20:9 - Amazwi Yakwe Leza 2013

⁹ Yene yapita konsi mu nsi nu kuzinguluka insakwe ya antu yakwe Leza nu musumba uno wene watemwa. Lelo umoto wafumile kwiyulu, uyaponela nu kuyonona.

Umbwilo 20:9 ပူးပေါင်းရင်းမြစ်များ

Utandiko 19:24

Yawe aponya makala ya moto wakwe pali Sodoma na Gomola.

2 Yamwene 6:15

Katondotondo lino muomvi wakwe Elisya wazyuka, cino wafumila sile apanzi, alola kuno ivita vya ina Asilya vyativizinguluka umusumba, ala vili ni mfwalasi nga na maceleta yao. Alino umuomvi wilya aswilila kuli Elisya nga amunena ati, “Awe lyene catala musambazi! Uzye lyene tumacita uli?”

Yobo 38:18

Uzye watala wamanya apafika ukulu wa nsi yonsi. Unene ndi cakuti wamanya vivyo vyonsi.

Masamu 106:18

Umoto wiza apakasi kao, icimbilimbili coca na antu aipe

Masamu 87:2

Yawe watemwisya umusumba wa Zioni ukuluta uwikalo onsi uwaya ukuli konsi kuno amu mupanda wakwe Yakobo yakaikala.

Masamu 97:3

Umoto ukamukolelela nu koca anisi yano yamulilizya.

Ezaya 30:33

Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”

Ezaya 37:36

Lyene umungeli wakwe Yawe aya mu nsakwe ya asilika ya ina Asilya. Akoma mwenemo asilika ukulingana 185,000. Cino waca sile akatondo, awe antu yalola ivyala vyao vyativilala ntangali ntangali.

Ezekelo 38:16

Uliza uzanze antu yane aina Izlaeli, ulakolana ni kumbi ilyati livimbilikizya impanga. Amanda kwene yayo, anene ndakuleta we Gogi, ukukwiza lwisya impanga yane, apakuti imitundu ikamanye, lino ndalanga ucindami wane pa manso yao muli wewe, we Gogi.

Ezekelo 38:22

Ndamupezya uku mpungo. Nupya ndaleka ukuti kukaye uwanisi uwa kuzwisyanya uwazi. Umweneco kwene Gogi, pamwi ni vita vyakwe, na antu ya mitundi iingi yano yalaya nawe, yonsi ndayatumila icifutika ni mvula ya mawe, nu munyeswa nga na yamunyela ya moto.

Ezekelo 38:9

Alino lyene ulakatuka nu kwiza wa cipunga. Ulavimbilikizya impanga wi kumbi, wewe kwene, ivita vyako vyonsi ni mitundu iingi pamwi nawe.

Ezekelo 39:6

Ndaponyezya umoto pa mpanga ya Magogi alino nu mu nkumba zyakwe yemba nu mwikala antu ku matwi cele. Nga alino lyene yalamanya ukuti nene indi Yawe.

Mika 2:13

“Leza alacingula inzila nu kuyatungulula ukufuma mu uzya. Yene yalapangula impongolo zya musumba nga yafume antungwa. Umwene wao aliwe alayatungulula pa kufuma, Yawe aliwe alayakolelela.”

Habakuku 1:6

Cii calola mukuti ndakatusya aina Babiloni, umutundu ukalamba nupya uwamaka cuze. Yene yalapitoka umu mpanga zyonsi zya pano nsi kuti yakacimvye nu kupoka impanga zya eneco.

Mpendwa 11:1

Awe antu iyatandika kuilizyanya pa ntazi zyao. Lino Yawe uvwa vino yakuilizyanya, asoka cuze nga atuma umoto iuyaponela nga woca nu lutwe lumwi ulwa nsakwe.

Mpendwa 16:35

Alino Yawe aponya umoto pa antu 250, yao apeelanga ubani, nga iuyoca mpaka iyasila.

Luka 17:29

Uwanda uno Loti wafumile mu Sodoma, umoto na maluti vyaponyile kufuma kuli Leza kwiyulu nu kulovya onsi kwene.

Luka 19:43

Manda yaliza lino anisi yalakwizila nu kukukulilila ilinga. Yalakuzinguluka nu kukuyalila konsi.

Luka 21:20

“Lino mulalola musumba wa Yelusalemu waliziwa ni vita, lyene mukamanye vino uli pipi nu kononwa.

Luka 9:54

Lino Yoane na Yakobo alondezi yakwe Yesu yaweni cii, yamuzya yati, “Mwene, uzye ukulonda kuti twame moto kufuma kwiyulu kuti wize uyonone?”

Malango 23:14

Fwandi muce mwasunga ningo kamba kinu ka asilika mu usaka, pamulandu wakuti Yawe Leza winu amayanga namwe mu kamba ka asilika, kuti amucingilile na kuti amupeele ucimvyo pa anisi inu. Mutakezye ukucita icintu nanti cimwi cawinyi cino cingalenga Yawe amufutatile.

2 Tesalonika 1:8

mu cimbilimbili ca moto, kwiza vunuka yao akakana Leza nupya asyataila Ilandwe Lisuma lya Mwene witu Yesu.

Ayebulai 13:13

Lyene lekini tufumile kunoli kunzi ya nsakwe nu kukumako kukuzewana kwakwe.

Umbwilo 11:5

Umuntu umwi ndi wezya kucisa yakambone yaa yaili, umoto ulafuma mu milomo yao nu konona anisi yao. Mu musango uli onga kwene, wensi alezya kuyacisa wene alakomwa.

Umbwilo 13:13

Cilyanyi cii cakwe ciili cicita vinjelengwe vikulu cuze. Cileta umoto pano pa nsi kufuma mwiyulu na antu yonsi yala yakulola.