Umbwilo 20:6 - Amazwi Yakwe Leza 2013

⁶ Alongo nupya apolelelwe cuze ayao alakumako ku kuzyukuka kuu kwa nkolelo. Imfwa yakwe ciili italaya na maka pano yali. Yene yalaya yasimapepo yakwe Leza na yakwe Yesu Klistu, nupya yalateeka pamwi na Klistu kulingana ni myaka izimbi lyonga.

Umbwilo 20:6 ပူးပေါင်းရင်းမြစ်များ

Ezaya 4:3

Yao yonsi alasyala umu Zioni, aalapusuka umu Yelusalemu, yalaamwa ukuya asuma umu cumi, yonsi yano yalembwa umu antu aumi amu Yelusalemu.

Ezaya 61:6

Alino mwemo mulaamwa yasimapepo yakwe Yawe, mulaamwa yaomvi yakwe Leza witu. Mwemo mumailyokezyanga sile mwenga, apa vyuma vya mitundu yuze, ali muno mumaitakizyanga.

Danieli 12:12

Alongo ayayo yano yalatwalilila ukuya acumi ukufika nu kumpela ya manda 1,335!

Luka 14:15

Lino wenga uwa muli yao atenzi pamwi nawe pa kulya uvwile cii, anena Yesu ati, “Walongo a wiyo alimulwa mu Wene wakwe Leza!”

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Loma 8:17

Lyene pano twaya ana yakwe Leza tulapokelela upolelelo uno walaya antu yakwe nu kwiza pokelela pamwi na Klistu vino Leza wamuteyanyizizya. Pano ndi twakuma ku kucula pamwi na Klistu ale tulakumako nu kululumbi lwakwe kwene.

2 Timoti 2:12

Ndi twatwalilila kuposya, ale lyene tulateeka pamwi nawe. Ndi twamukana, ale nawe kwene alatukana.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

Umbwilo 1:6

nupya watucita kuya yakateeka na yasimapepo mu kutumikila Leza Isi wakwe. Lulumbi na maka vipelwe kuli Yesu Klistu manda pe! Ameni.

Umbwilo 14:13

Nupya nuvwa izwi kufuma mwiyulu likuti, “Lemba ukuti, Alongo ayao yano kufuma ndakai yakufwila mu kutumikila Mwene!” Mupasi Wamuzilo nawe ati, “Endi! Yene yalailyokezya kupuza ku kuombesya kwao, pano milimo yao isuma ikuyalondela.”

Umbwilo 2:11

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya yatalafwa imfwa yakwe ciili.”

Umbwilo 20:14

Lyene imfwa ni cifulo ca antu afwe vyoili visumbwa muli yemba wa moto. Yemba kwene wii uwa moto, ili imfwa yakwe ciili.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 22:5

Kutalaya usiku nupya yatalalonda inyali nanti luswepo lwi lanzi, pano Mwene Leza alaya luswepo kunoyali. Yene yalateeka manda pe.

Umbwilo 22:7

Yesu akuti, “Uvwini! Nkwiza zuwa! Alongo ayao yano yakayela mazwi ya usemo amu lupapulo luu.”

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.

Umbwilo 5:10

Wemo wayacita kuya yakateeka na yasimapepo akatumikila Leza witu, yene yalateeka pano nsi.”