Umbwilo 2:20 - Amazwi Yakwe Leza 2013

²⁰ Lelo nkuilizyanya pali cii cakuti ukazumilizya Yezebele mwanaci wino akailanda umwisikulu ukuti wene inkombe yakwe Leza. Wene akaomvya usambilizyo wakwe pa kuponzya aomvi yane kuti yalongozya nu kulya vyakulya vyapeelwa ku tuluwi.

Umbwilo 2:20 ပူးပေါင်းရင်းမြစ်များ

1 Yamwene 16:31

Wene walondesyanga ukwifya ukuluta vino Yeloboamu wifizye. Acino wapitilizye ukwifya pakutwala Yezebele umwana umwanaci wakwe Etibaali umwene wa ina Sidoni, nu kutandika kupepa Baali.

1 Yamwene 17:13

Eliya nawe anena mukamfwilwa ati, “Utuvwa intete. Pita ukwako ukacite ndi vino watulanda. Lelo utale ukampangile kamukate akapapatale akanono, nga lyene upange akakuti wewe nu mwana wako mulye.

1 Yamwene 17:4

Wemo umamwanga amanzi amu luzi kwene lulo. Alino natinena yamwankole kuti yakuletela icakulya kuko kwene.”

2 Yamwene 9:22

Lino Yolamu walola Yeu, amuuzya ati, “We Yeu, uzye wizile kuno mu mutende?” Yeu nawe amwaasuka ati, “Uzye pangaya uli umutende lino tucikweti utuluwi nu wanga uno nyoko Yezebele watandike?”

2 Yamwene 9:7

Uce ukome umwene, umwana wakwe Aabu, pakuti ince impezye namwene Yezebele apa kukoma yakasema na aomvi yane.

Kufuma 34:15

Mutacita cipangano na antu amu mpanga ilya pamulandu wakuti lino yakupepa yaleza yao, yakayafyulila impolelwa, nga limwi yangamwama kuti mulye nayo cakulya ca mpolelwa zyao.

Ezekelo 13:17

Nupya Yawe anena ne Ezekelo ati, “We mwana wa muntu, apa yantu yako lolapo yamangu aka ituntumba sile ivyakusema. Yanga ukayasoke pali vino yakacita.

Milimo 15:20

Mu cifulo cakwe cico, tulinzile kuyalembela kalata wa kuyanena kuti yatalya ivyakulya vikowele pano vyapeelwa ku tuluwi. Yaisunge ku ulenzyo, nga nu kuntalya inyama zino yanyonga, nanti kulya uwazi.

Milimo 15:29

mutalya vyakulya ivyapeelwa ku tuluwi, mutalya uwazi. Mutalya inyama zinyongwe. Muisunge ku ulalelale. Muli nu kucita ningo ndi cakuti mwaisunga ku kuntacita vintu vii. Mwikale ulumi.”

1 Kolinto 10:28

Lelo umwi ndi wamunena wati, “Vyakulya vii, vyapeelwa impolelwa ku tuluwi,” lyene mutalya vyakulya vivyo, pamulandu wakuntaleta intazi kuli wiyo uwatamunena nga na pamulandu wa kuntasakamika myenzo inu.

Umbwilo 2:14

Lelo nkuilizyanya pa vintu vimwi vinono. Munomuli mwaya yamwi akayela usambilizyo wakwe Balamu, wino uwasambilizye Balaki ivya kutungulula aina Izlaeli mu kwifya apa kuyaongola kuti yalya ivyakulya ivyapeelwanga ku tuluwi, nga na kuti yalongozya.

Umbwilo 2:4

Lelo nkuilizyanya pali cii, cakuti utantemwa ndi vino wantemilwe inkolelo.