Umbwilo 19:14 - Amazwi Yakwe Leza 2013

¹⁴ Vita vya mwiyulu vyamulondile vila vikwezile pa mfwalasi zitiswe, nupya vyazwite nsalu ziswepe nupya zitiswe.

Umbwilo 19:14 ပူးပေါင်းရင်းမြစ်များ

Masamu 68:17

Yawe wafumile uku Sinai na maceleta amazimbi na mazimbi, ukwiza mu mucifulo camuzilo, icicindame.

Mapinda 31:22

Akaipikwila sile wenga ivyakuzwala. Akazwala insalu zyakwe pamba uwamutengo, nu kuvimbala amalangeti atikame.

Ezaya 3:23

ivilola, insalu iziyembe izyamutengo, ivya kuikoweka uku mutwe kumwi ni vyandaluwa.

Zakaliya 14:5

Pakuutuka mwemo mulafyonsya mu ciposi kwene cico ukufika ku lusansa longa mpaka ukulambila ku lusansa luze lwa mwamba ulya. Mulutuka ndi vino ivikolwe vinu vyutwike lino pizile cilundumusi, pa nsita ino umwene Uziya wateekanga mpanga yaku Yuda. Yawe witu aliza aloleke pamwi na angeli yakwe yonsi.

Mateo 21:5

“Nenini antu amu musumba wa Zioni muti, ‘Lolini, Mwene winu akwiza kunomuli! Wene umufuke, nupya akwezile pali punda. Wene akwiza nupya akwezile pali mwana punda.’ ”

Mateo 26:53

Uzye ukwelenganya vino nemo ntangandenge kuli Tata, kuti ndakai kwene antumile maumba akulu ikumi na yaili avita vya angeli?

Mateo 28:3

Kuloleka kwakwe kwakoline wa nkuwa, ni vizwalo vyakwe vyali vitiswe kuluta umula.

2 Tesalonika 1:7

Lelo wene alapeela upemwilo kunomuli mwe muno mukucula nga naswe kwene. Wene alacita cii lilyo lino Mwene Yesu alaloleka kufuma mwiyulu pamwi na angeli yakwe a maka,

Yuda 1:14

Enoki, cikolwe calenga cinimbali kufuma pali Adamu, awino apa mpiti wasowile pamulandu wao ati, “Cumi Mwene aliza pali pamwi na angeli yakwe amuzilo mazimbi na mazimbi.

Umbwilo 14:1

Nupya ndola Mwana wa mfwele aimi pa mwamba wa Zioni. Wene wali pamwi na antu mazimbi mwanda onga makumi yani na yani (144,000) yano pa mausyu yao palemvilwe izina lyakwe nga ni zina lyakwe Isi.

Umbwilo 14:20

Alino matingi yafenwa mu ciwina cakufenelamo kunzi ya musumba. Alino uwazi ufuma mu ciwina cakufenelamo uno wizile uya kwati luzi luno mu utali lwali makilomita myanda itatu nu kuzika kwakwelo kwali manye mamita yaili.

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”

Umbwilo 19:11

Nupya ndola iyulu lyalekuka, ni mfwalasi itiswe iloleka. Izina lyakwe wino uwakwezilepo yakati, “Uwakutailwa” nu “Wacumi.” Wene ataya na lufyengo mu upinguzi wakwe nanti mu ulwi uno akalwisya.

Umbwilo 19:8

Wene watapelwa nsalu iswepe nupya itiswe iyakuti azwale.” Nsalu itiswe ali vicitwa visuma vya antu yakwe Leza.

Umbwilo 3:4

Lelo pali yamwi anono sile amunomuli amu Sadisi yano atakowezya vyakuzwala vyao. Yene yalapita pamwi nani yala yazwite vizwalo vitiswe, pano cati ciyalinga kucita vivyo.

Umbwilo 4:4

Kuzinguluka cilimba kwali vilimba vyuze makumi yaili na vini, pano patenzi aikolo makumi yaili na yani yala yazwite nsalu zitiswe nga ni ngala zyakwe zaabu.

Umbwilo 7:9

Pacisila cakwe cii nceleka nga ndola iumba likulu cuze. Kutali nanti wenga uwange apende antu onsi. Antu yaa yafumile mu nko zyonsi, mu mitundu yonsi ya antu, mu misango yonsi ya antu nu mu ndimi zyonsi. Yene yaimi nkolelo ya cilimba ca wene na pa manso ya Mwana wa mfwele, ala yazwite mingila itiswe nupya yalemile makambalala mu minwe yao.