Umbwilo 19:12 - Amazwi Yakwe Leza 2013

¹² Manso yakwe yakoline wa cimbilimbili ca moto, nupya wene wazwite ngala zingi zya wene ku mutwe. Wene wakweti zina lino lyalemvilwe panoli. Lelo kusi umwi uwalimanya suka umwisikulu.

Umbwilo 19:12 ပူးပေါင်းရင်းမြစ်များ

Utandiko 32:29

Yakobo ati, “Nakupapata nena izina lyako, uzye weweni?” Nawe auzya ati, “Uzye pacani cino wanguzizya izina?” Lyene papo kwene apolelela Yakobo.

Masamu 8:5

Wamucefizye sile panono pali we mweneco we Leza. Wamucindamike nu kumucita wa mwene.

Kufuma 23:21

Mwauvwila wiyo kwene, nupya mwauvwikisya vino akumunena pamulandu wakuti natimupeela maka yonsi. Ndi mwacita vikanza kunoli alasoka cuze.

Mapinda 30:4

Uzye aweni uwatala wakwela ukwiyulu, alino nupya awelako? Uzye aweni uwatala wafumbatapo umuza? Uzye aweni uwatala wanyepa amanzi umu nsalu yakwe? Uzye aweni uwatesile impela ya nsi? Uzye wiyo, Izina lyakwe aweni, nupya amwana weni? Acino londolola ndu manyile!

Lwimbo lwakwe Solomoni 3:11

Mwe anaci amu Zioni, fumini, nga mwize mulole Umwene Solomoni watazwala cilongwe, cilongwe cino nyina wamuzwisile pa wanda wa winga wakwe, wanda uno mwenzo wakwe wazanzile cuze.

Ezaya 62:3

Wemo ulaya wa cingala ca mwene, kuli Yawe.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Danieli 10:6

Umwili wakwe ala ukuyengesa wa mawe ya belulo amutengo. Usyu wakwe wayengise wa kumyantula kwa nkuwa, nga na manso yakwe yalunkumanga wa moto. Amakasa yakwe yayengise wa mukuwa uswefiwe, nga ni zwi lyakwe lyuvwikike wa ciunda ci umba ilikulu.

Zakaliya 9:16

Lino uwanda uo ulafikila, Yawe alapususya antu yakwe, ndi vino kacema akapususya imfwele zyakwe. Nayo yalaengesa mu mpanga yakwe, wa tumawe twamutengo utukayengesa mu ngala ya wene.

Mateo 11:27

“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.

Mateo 21:5

“Nenini antu amu musumba wa Zioni muti, ‘Lolini, Mwene winu akwiza kunomuli! Wene umufuke, nupya akwezile pali punda. Wene akwiza nupya akwezile pali mwana punda.’ ”

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Luka 10:22

“Tata, wampeela vintu vyonsi. Pasi nanti wenga uwamanya Mwana suka sile Tata. Nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.”

Yoane 17:11

Ndakai nkwiza kunuli. Ntacili mu nsi, lelo yene yacili mu nsi. Tata Wamuzilo! Yasunge kupitila mu maka yako yano wampile, kuti yaye wenga ndi vino wewe nani twaya wenga.

Yoane 17:12

Lino nali nao, nayasunganga ningo kupitila mu maka yako yano wampile. Nayacingililanga, nga kutali wenga uwalowa, suka sile umuntu wino uwasolwilwe kulowa, kuti cino calembwa cifikiliziwe.

Efeso 1:21

Kuku akuno Klistu waya a kateeka papela yakwe yakateeka onsi, intunguluzi zyonsi, maka nga na pa mazina yauze yonsi a utesi wa mukulo uu nu mu mukulo uuliza.

Ayebulai 2:9

Lelo ndakai tukalola Yesu wino pa nsita imwi inono wacefiwe kuya pisika lya angeli. Ndakai tukalola vino wene wapelwa lulumbi nu mucinzi pano wene wacuzile kufika lino wafwile.

Umbwilo 1:14

Inyele zyakwe zyali zitiswe wakwe pamba, nanti wa mula. Manso yakwe yalolekanga wa cimbilimbili ca moto.

Umbwilo 12:3

Nupya mwiyulu muloleka cimanyililo nacuze. Ndola cizoka cikulu cuze nupya ciyenzu cakweti mitwe cinimbali ni mpembe ikumi, nga ni ngala ya wene yali pali cila mutwe.

Umbwilo 13:1

Nupya ndola cilyanyi cikufuma muli yemba. Cene cakweti impembe ikumi ni mitwe cinimbali, nga cila lupembe pali ingala. Nupya cila mutwe palemvilwepo izina lya miponto kuli Leza.

Umbwilo 19:16

Pa mwingila wakwe na pa lupamba lwakwe palemvilwe zina lino likati, “Kateeka wakwe yakateeka nu Mwene wakwe yamwene.”

Umbwilo 3:12

Wino alacimvya ndamucita lupanda mu ng'anda ikulu yakwe Leza wane, nga nawe atalatala afumemo. Panoli ndalemba izina lyakwe Leza wane nga ni zina lya musumba wakwe Leza. Musumba uwo a Yelusalemu mupya, uno ukwika kwiyulu kufuma kuli Leza wane. Nupya panoli ndalemba izina lyane ilipya.

Umbwilo 6:2

Lyene ndola imfwalasi itiswe. Wino uwakwezilepo walemile ulapwa, nupya yamupile ingala ya wene. Wene wapisile wakwe kacimvya kuti akacimvye.

Yakapingula 13:18

Umungeli wakwe Yawe aasuka ati, “Uzye pacani cino ukunguzizya izina lyane? Izina lii, ilya cipezya amano.”