Umbwilo 18:13 - Amazwi Yakwe Leza 2013

¹³ na kinemono, na amono. Nu ubani, na mule, ni vya mununko usuma, nga na waini na mafuta, nu usu wa ngano ni ngano, ni ng'ombe ni mfwele, imfwalasi na maceleta, na azya, nga nu umi wa antu kwene.

Umbwilo 18:13 ပူးပေါင်းရင်းမြစ်များ

1 Yamwene 10:10

Alino apeela umwene zaabu ukulingana na makilogalamu 4,000, ni vyakununkizya ivyakulya vivule wakwe cimwi, nga na mawe amutengo ukulu cuze. Kutatazile kuletwe icipimo icikulu ca vyakununkizya ivyakulya icilusile cico cino namwene waku Syeba wapeezile umwene Solomoni.

1 Yamwene 10:15

ukulunda pa misonko ino aculuzi yalipanga, nga nu muzano ukufuma mu uculuzi, nga na mawila yano yamwene aku Alabya na yacilolo amu mpanga ilya yaletanga.

1 Yamwene 10:25

Cila mwaka, umuntu wensi uwizanga kunoli wamuletelanga amawila. Amawila yayo yali akwe siluva na zaabu, nga ni mingila, ni vyanzo nga ni vyakununkizya ivyakulya, ni mfwalasi ni nyumbu.

1 Milandu 5:21

Yayapoka ni viteekwa vya ina Hagili ivili wakwe vii: ingamila 50,000, imfwele 250,000, na yacipambasi 2,000. Yalemile na antu 100,000.

2 Milandu 9:9

Alino namwene wilya apeela Solomoni zaabu umunyome ukulingana manye amatani 5,000. Ni vinyamuti ivingi. Alino nu tumawe twamutengo nato kwene utwingi. Kutatala kwaya ivinyamuti ivinunkile usaka wakwe vino Namwene waku Syeba waletile umwene Solomoni.

Neemiya 5:8

Niza nayanena nati, “Anyonko yaa, Ayuda, yano yakazilwe uku Akulukuwa, twayakulula apapezile amaka itu. Lyene nupya mwemwe kwene mwatandika ukukazya anyonko apakuti tuce tukayakulule nupya!” Nayo yatenzi kututu, ukwaula ukukwata ni vyakulanda.

Kufuma 21:16

“Wino wensi uwasenda umuntu umwi ku maka kuti akamukazye nanti kuti amucite muzya, wene alinzile ukukomwa.

Mapinda 7:17

Nimfumilizya penepo na mule nga nu usule uwa cinunu cisuma, nga na kinamoni.

Lwimbo lwakwe Solomoni 1:3

Mafuta yako akupakala yakanunkila ningo. Cinunu cii nkaciusya ndi nuvwa izina lyako. Uli mulandu uno akazyana yakutemelwa.

Lwimbo lwakwe Solomoni 3:6

Uzye aweni wi akufuma mu lwanga kwati mvumba ya cunsi, ala cikuleta cinunu cisuma cakwe mule ni ca ubani ivyapangilwa ni vya cinunu cisuma vya aculuzi?

Lwimbo lwakwe Solomoni 5:5

Nani nkatuka inja ku kuyulila mukundwe wane, ala na mafuta yakwe mule yakunonoka ku vizanza vyane, ala namafuta yakutona ku minwe yane, ala yakutonela ku mikolongelo.

Ezaya 50:1

Yawe wavwanga wati, “Uzye kalata wakutaana wino natelilepo mayo winu ali kwi? Nanti uzye akuli weni uwankongwesizye, kuno nakazizye mwemwe? Awe, mwemo yamukazizye uku uzya pamulandu wa maifyo inu, nga nyoko nawe yamusenzile pamulandu wa nkota zinu.

Ezekelo 27:13

Waculuzyanga mu Gilisi, nu mpanga ya Tubali, nu mu mpanga ya Mesyeki nga nu mu vyuma vyako walonkelangamo ivintu vya mukuwa.

Amosi 2:6

Yawe wavwanga wati, “Pamulandu wakuti antu aku Izlaeli yakutwalilila ukwifya, nemo ntalaposiwa ukuyavunuka. Yene yakakauzya antu aololoke nu lupiya lwakwe siluva, iyakazya na antu apina uku kukauzya ni ndyatu.

Amosi 6:6

Mukamwela waini mu mbakuli izizule, nupya mukapakala amafuta amununko usuma, lelo musiuvwa ulanda pa ononesi wa mpanga yakwe Yosefu.

Amosi 8:6

kuti tukale apina na siluva, na yayo aulilwa tuyakaule ni ndyatu, alino tukazye ingano zipese?”

Malango 24:7

“Wensi uwafunsya umwina Izlaeli muze nu kumucita umuzya nanti ndi wamukazya, wiyo wene uwa kukoma sile.

Malango 28:68

Yawe alamuswilizya ku Eguputo pa lwendo mu vyombo, nanti angala nemo namunenyile ukuti mutalatala muswilile kweneko. Kuku kwene ali kuno mwemo mulalondesya ukuikazya mweisikulu ku anisi inu wa azya aonsi na anaci, lelo kutalaya umwi alalonda kumukala, awe.”

1 Timoti 1:10

Masunde kwene yaa yapeelwa pamulandu wakwe yakalongozya na akaulungana na onsi yauze, akaiya antu, antumpu na akapeela umboni waufi nanti cintu cili consi cino citalingine nu usambilizyo usuma.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

Umbwilo 18:14

Aculuzi nayo yamunena yati, “Vintu visuma vyonsi vino walondanga kukwata vyati vikuutuka, nu ukama pamwi nu kuyemba kwako vyasila, nupya utalatala uvilole!”

Umbwilo 18:15

Aculuzi yano ali akama pa kucita uculuzi mu musumba uwa yalimilila katalamukila pamulandu wakuya ni ntete zya kukumako ku kucula kwakwe. Yene yalalila nu kulosya,