Umbwilo 17:4 - Amazwi Yakwe Leza 2013

⁴ Mwanaci wazwite nsalu ziyenzulukile zyamutengo, nupya wazwite tuyembelo twakwe zaabu, mawe yamutengo ayengese, nga ni mbela. Mwi kasa lyakwe walemile lwako lwakwe zaabu ulwazilemo ivya uwelewele vino vyafumile mu uzelele wakwe.

Umbwilo 17:4 ပူးပေါင်းရင်းမြစ်များ

1 Yamwene 14:24

Icaipisye pali vyonsi vivyo, mu mpanga ilya mwazanwanga antu yamwi aonsi na anaci acitanga vyawinyi ndi vivi kwene ivyacitanga inko zino Yawe wazinzilemo pa manso ya ina Izlaeli.

2 Yamwene 21:2

Manase wifyanga apa manso yakwe Yawe. Wene wacitanga ivintu ivyawinyi vino ainamasi yacitanga, amu nko zyuze zino Yawe wazinzile umu mpanga yao apakuti aina Izlaeli yikale mwenemo.

Ezila 9:11

yano watupile ukupitila mu yaomvi yako yakasema. Yene atunena ukuti impanga ino mukuya mwenemo ikowele pano antu aikala mwenemo yikalila ukucita vyawinyi ukufuma ku lusansa longa mpaka ukufika nu ku luze kwene.

Ezaya 66:3

Yamwi yakatuula cipambasi wa mpolelwa, yamwi yakakoma nu muntu yatuula wa mpolelwa, yatuula umwana wa mfwele wa kunyonga simbwa insingo, pakumukoma pakoca impolelwa, yamwi nayo yakatuula usu nanti uwazi wakwe kapoli, yamwi yakaocela ubani wa ciusizyo nanti ukupolelela utuluwi. Ala antu yaa pasi pakutemwa imipepele yao iipisye.

Yelemiya 51:7

Babiloni wali wa cikombe cakwe zaabu umu minwe yakwe Yawe. Wene walenzile nu kuti insi yonsi imwe ikoleke, pano imitundu yonsi yamwanga waini wakwe nu kupena ipena.

Nyimbo zya ndosya 1:9

Ukukowela kwakwe kwalolekanga apaswe. Lelo wene atatailanga ukuti alasyama wakwe vino cili. Ukuwa kwakwe kwali ukwakuzunguka. Kutali nu wakumumyalalika foo. Wene wapapatanga sile kuli Yawe ala akuti, “Sungala ulole ulanda wane, pano anisi yane yatiyancimvya.”

Ezekelo 20:30

Lyene fwandi nena aina Izlaeli amazwi yane ne Yawe, uyanene ukuti uzye mwemo umulandu cii uno mukacitila iviipe vili vimwi na vino ivikolwe vinu vyacitanga? Uzye pacani cino mwemo mukapepa utuluwi twao?

Ezekelo 24:11

Ale lyene teka umupika utupu pa munyeswa, uleke upye, uyenze na cee. Alino ingalawa zya uko zimasunguluka, nga nu mupika lyene umaya ukuzike pa cisila ca ngalawa ukupya.

Ezekelo 24:13

We Yelusalemu, ala imisango yako ya ukulukusi yakukowezya. Nanti nemo ningezya uku kuzifya, awe cumi wemo ukasyala mumu kwene muno wakowela. Ulazifiziwa sile lino uluvwa apapela icipyu cane.

Ezekelo 28:13

Wikalanga mu Edeni, mu calo cakwe Leza, wazwalanga tumawe tukankala twa misango yonsi. Utuli wakwe lubi, topazi, emalodi, belulo, onikisi, yaspele, safilo, na daimondi. Tuto tonsi awewe twapangilwe uwanda uno waumvilwe.

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Danieli 11:38

Umucifulo cakwe cico, wene alacindika leza wino akacingilila imisumba yamalinga. Alapeela amawila yakwe zaabu, siluva, na amawe yamutengo, nga nu kupeela vya mawila vyuze vikankala kuli leza wino ivikolwe vyakwe vitatazile vipepe.

Oseya 9:10

Yawe akuti, “Inkolelo lino nazanyile Izlaeli cali wakuzana amatingi amutengo. Ivikolwe vyakwe vivi navitemilwe ungati ukulola iviseekwa vya nkolelo vya misamvu. Lelo lino yizile ku Baali Peoli, yatandike ukupepa Baali nga yasanguka yaya camuselu wa unkolanya kwene wao uwa, uno yatemilwe.

Malango 29:17

Mweisikulu mwailolile utuluwi twao utwipisye utuwaze ku vimiti, utwa mawe, twakwe siluva, na twakwe zaabu.

Umbwilo 14:8

Mungeli wakwe ciili alondela pa wankolelo, ala akuti, “Watawa! Babiloni mukulu watawa! Wene wamwesya antu yonsi waini mulume uwa ulenzyo wakwe.”

Umbwilo 18:12

Kusi umwi uwakukala zaabu, nanti siluva, nanti mawe amutengo ayengese, nanti mbela. Kusi umwi uwakukala nsalu zitiswe, nsalu ziyenzulukile na siliko ni nsalu ziyenzu, ni misango yonsi ya miti ya mununko usuma nga ni misango yonsi ya vintu ivyapangilwa ku mino ya nzovu, nga ni miti yamutengo na vyakwe safwali ni cela, ni iwe lya malibo,

Umbwilo 18:16

yalati, “Owee, we koofya we! Owee, we kwipa we, ku musumba ukulu! Wene wazwalanga nsalu zitiswe ni ziyenzulukile ni ziyenzu, nga nu kuiyemvya nu tuyembelo twakwe zaabu, na mawe amutengo ayengese, nga ni mbela!

Umbwilo 19:2

Upinguzi wakwe uwa cumi nupya usi walufyengo! Wene watavunuka cizelele wino uwakowizye insi ku uzelele wakwe. Leza watamuvunuka pano wene wakoma aomvi yakwe.”

Umbwilo 21:21

Mpongolo ikumi na ziili ali mbela ikumi na ziili. Cila mpongolo yapanzilwe ni mbela yonga. Museo ukulu uwamu musumba wali uwakwe zaabu muswepe, muyengese wi galasi.

Umbwilo 9:21

Nupya yene yatazenzwike ku utazi wa katwe, ku ulozi wao, ku ulenzyo nga nu ku wivi.