Umbwilo 16:21 - Amazwi Yakwe Leza 2013

²¹ Vitalawe vikulu cuze, ivinyome kulingana na makilo makumi yasano, navyo vifuma mwiyulu nu kuponela pa antu. Antu yaa yavwanzile mazwi ya miponto kuli Leza pamulandu wakuti cilumbelo cii cali cakofya cuze.

Umbwilo 16:21 ပူးပေါင်းရင်းမြစ်များ

Yobo 38:22

“Uzye wemo watala wafika kweneko kuno nakoozezyanga kungwi, nanti kuno nakoozezyanga amawe ya mvula?

Yobo 38:23

Ivintu vivyo ne Leza nkavisunga apakuti vyaomba pa nsita ya ucuzi, pa nsita ya vyongo na pa nsita yankondo.

Kufuma 9:18

Acino mutondo pa nsita ndi ikwene ndalenga kuti kuye imvula ya mawe ikulu cuze, ino itatala yatonya mwi landwe lya mpanga ya Eguputo.

Kufuma 9:22

Nupya Yawe anena Mose ati, “Konzolola ikasa lyako usonte intuwa yako mwi yulu ni mvula ya mawe imatonya mu Eguputo monsi pa antu, pa nyama nga na pa vilimwa vyonsi vyamu vyalo vyamu Eguputo.”

Ezaya 30:30

Yawe amaleka antu yonsi yuvwe izwi lyakwe lya lulumbi, amaleka yuvwe na pano icipyu cakwe capelela. Kumaya icimbilimbili ca moto, ukupangalansya, imvula ya mawe nga nu kumyansya kwa mvula ya mawe.

Ezaya 8:21

Antu yalalulumba sile umu nsi. Lelo ale yatiyasila. Ndi yuuvwa inzala, yalaya asoke wakwe cimwi. Yalatukola nu wayateka kwene ivitusi kumwi na Leza wao kwene. Yalati akula yalingamila mwiyulu,

Ezekelo 13:11

Nena yakatakasa yao ukuti, kuliza imvula ikalamba, imvula yamawe akulu, kulakatuka ni cipunga ca muza ukulu.

Ezekelo 13:13

“ ‘Icaleka Yawe Simwandalali wavwanga wati, Ndasapula icipunga ca muza uku cipyu cane, ndatonyezya ni mvula ya mawe mu cipyu cane ica ononyi.

Yoswa 10:11

Lino aina Amoli yakuutuka aina Izlaeli mu museo ukufuma ku Beti Holoni ukutentemukila ku Azeka, Yawe ayaponyezya imvula ya mawe, nga yao afwile ku mvula ya mawe yavuzile ukuluta yao akomilwe na ina Izlaeli.

Umbwilo 11:19

Mulyango wa Ng'anda ikulu yakwe Leza mwiyulu wayuzilwe nga ni Mbokosi ya Upangano yalolike mukasi ka Ng'anda ikulu yakwe Leza. Kwali kumyansya kwa nkuwa nu kuvwa kupangalansya. Alino kuya ni cilundumusi nga ni citalawe cikulu.

Umbwilo 16:11

nga yavwanga mazwi ya miponto kuli Leza wa kwiyulu, pamulandu wa kuwaya kwa vilonda vyao. Lelo yatazenzwike nu kuleka miyele yao iipe.

Umbwilo 16:9

Antu yapya ni cikaililwa cikali cuze, nga yavwanga mazwi ya miponto kuli Leza wino uwakwata maka pa vilumbelo vii. Lelo yatazenzwike ku maifyo yao kuti yalumbanye Leza.

Umbwilo 8:7

Mungeli wakwe conga alizya ntandala yakwe. Alino kwiza imvula ya citalawe nu moto uminkana nu wazi, ipongoloka pano pansi. Lyene ciputulwa conga mu viputulwa vitatu vya nsi cipya, ni ciputulwa conga mu viputulwa vitatu vya miti, nga na mafwa ni sote lisi vyonsi vipya.