Umbwilo 16:17 - Amazwi Yakwe Leza 2013

¹⁷ Nupya mungeli uwalenga cinimbali apongolwela vyamu lweso lwakwe mu lwelele. Izwi likulu lifuma mu cilimba ca wene mu Ng'anda ikulu yakwe Leza liti, “Cati cicitwa!”

Umbwilo 16:17 ပူးပေါင်းရင်းမြစ်များ

Yoane 19:30

Lelo lino Yesu wafyompako, avwanga ati, “Casila!” Alino ainama nga afwa.

Efeso 2:2

Mwemo mwalondelile misango iipe iya muno nsi. Mwayelanga wino akateeka insi, nupya wakwata maka pa muntu wensi wino asyayela Leza.

Efeso 6:12

Pano tusyakulwisya antu sile lelo tukulwisya mawene, mauteko, na maka yamfinzi amuno nsi nga ni mipasi yankota iya mulwelele.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Umbwilo 11:19

Mulyango wa Ng'anda ikulu yakwe Leza mwiyulu wayuzilwe nga ni Mbokosi ya Upangano yalolike mukasi ka Ng'anda ikulu yakwe Leza. Kwali kumyansya kwa nkuwa nu kuvwa kupangalansya. Alino kuya ni cilundumusi nga ni citalawe cikulu.

Umbwilo 14:15

Alino mungeli afuma mu Ng'anda ikulu yakwe Leza nga apunda ni zwi likulu kuli wino uwatenzi pi kumbi ati, “Tola cikwakwa cako uciomvye mu kuzombola, pano insita yatifika. Vilimwa vyati vica kulingana nu kuzombolwa!”

Umbwilo 14:17

Nupya ndola mungeli muze akufuma mu Ng'anda ikulu yakwe Leza mwiyulu, nga nawe kwene alemile cikwakwa cikali.

Umbwilo 16:1

Nupya nuvwa izwi likulu kufuma mu Ng'anda ikulu yakwe Leza, likulanda ku angeli cinimbali liti, “Pitini mukapongolole ngeso cinimbali zya ukali wakwe Leza pa nsi!”

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.