Umbwilo 16:16 - Amazwi Yakwe Leza 2013

¹⁶ Alino mipasi ikonganika yakateeka pa ncende ino mu Ciyebulai yakati Alamagedoni.

Umbwilo 16:16 ပူးပေါင်းရင်းမြစ်များ

2 Milandu 35:22

Lelo Yosiya wene akana ukufuma kweneko, atwalilila ni pange lyakwe ilyakumulwisya. Akana ukutezya vino Neko wamunenyile ivyamwi zina lyakwe Leza, lelo aya ku kumulwisya uku nyika ya Megido.

Zakaliya 12:11

Pa wanda uo umusumba wa Yelusalemu mulaya impooma ikalamba, wakwe iya kwene iyuvwikike mu nyika ya Megido, lino antu yalosizye Hadadi Limoni.

Yoane 19:13

Caleka lino Pilato uvwa mazwi yaa, afumya Yesu panzi aikala na pa cilimba cakwe kapingula wa milandu mu ncende ii yamwangwa ukuti, “Musolo wa mawe.” (Mu Ciyebulai incende ikaamwa ukuti, “Gabata.”)

Yoane 19:17

Yesu nawe afuma mu musumba, ala asenzile lupanda lwakwe, aiiza ku cifulo camwangwa ukuti, “Pa cifulo ci Panga.” (Mu Ciyebulai cikaamwa ukuti, “Gologota.”)

Yoane 5:2

Mu Yelusalemu, pipi ni mpongolo yamwangwa Mpongolo ya Mfwele, mwali ciziya cino mu cilimi ca Ciyuda camwangwa Betisaida, cino cazingulwikwe ni nkungu zisano.

Milimo 26:14

Swensi tupona pansi, alino nuvwa izwi mu Ciyebulai liti kunondi, ‘Saulo, Saulo! Pacani ukunzunya? Ala ukundwisya uwalanganyi.’

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”

Umbwilo 9:11

Yene yakweti kateeka uwa kuyateeka, kateeka wii u mungeli wino akaangalila ciwina caula impela. Izina lyakwe mu Ciyebulai a Abadoni, nu mu Cigiliki izina lyakwe a Apolyoni, cikusenula, “Wino akaonona.”

Yakapingula 4:7

Nane ndaleta Sisela, musika mukalamba uwa vita vyakwe Yabini, kuti aize alwe nawe pa Luzi lwa Kisyoni. Wene alaomvya amaceleta na asilika yakwe, nga lelo mulamucimvya.’ ”

Yakapingula 5:19

Uku Taanaki, apipi na manzi aku Megido, akuno yamwene yizile iyalwa. Yamwene aku Kenani iyalwa kuku, Lelo yatasenzile nanti siluva nanti ivisampwe vimwi.