Umbwilo 14:10 - Amazwi Yakwe Leza 2013

¹⁰ wene alamwa waini wa ukali wakwe Leza. Waini wa cipyu cakwe wino wapongolwela mu lwako ulwa ukali wakwe ukwaula kucefiwa maka. Wene alasumbwa nu kupya mu moto na maluti pa manso ya angeli yakwe Leza nu Mwana wa Mfwele. Wene alasumbwa mu moto na maluti pa manso ya angeli amuzilo nu Mwana wa Mfwele.

Umbwilo 14:10 ပူးပေါင်းရင်းမြစ်များ

Utandiko 19:24

Yawe aponya makala ya moto wakwe pali Sodoma na Gomola.

Yobo 18:15

Lyene umuntu ali wensi angikala mwi taalu lyakwe, pacisila cakulisansa na maluti akuliswefya.

Yobo 21:20

Si lekini umuntu mwipe ailolele ukononwa kwakwe, nu kuyuvwila ukali wakwe Leza Wamaka yonsi.

Masamu 11:6

Apa yaipe akaitila umunyeswa wa moto na maluti nu kuyaletela umuza wa cikaililwa ca mvumba, apakuti ayacuzye.

Masamu 37:34

Taila muli Yawe, uwalondela inzila zyakwe. Alakupeela amaka akupyana impanga, ulalola nakuno antu aipe yazingwa mwenemo.

Masamu 52:6

Alino asuma apakulola icintu cico, yalaoopa, yalakuseka nu kukuseka iyati,

Masamu 60:3

Watulenga antu yako uku cululuka wakwe cimwi. Watutumwesya waini umukalipisye, tukupempezyoka sile.

Masamu 73:10

Yakalenga nu kuti na antu yakwe Leza iyasuka iyaponela mwenemo muno yali, iyatandika nu kulondela vino yakuyanena.

Masamu 75:8

Yawe alemile ulwako mu minwe, uluzilemo waini umukali wakwe cimwi, wino akutambikizya uku antu yonsi apanonsi. Aipe yonsi yali nukumwa tonsi pyu, yafipilile nu twakusyalikizya.

Masamu 91:8

Vyonsi vivyo wemo ulavilolekesya sile, nu kulola kuno antu aipe yakupeziwa.

Ezaya 29:9

Ele mwandi mupwalale! Mwalukupafula! Mwakoleka sile! Nanti angala mutamwile waini wa matingi! Pempezyokangini nanti mutamwile waini umulume!

Ezaya 30:33

Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”

Ezaya 34:9

Inguzi zyamu Edomu zilasanguka amanenekela nu musili ulasanguka amaluti. Impanga yonsi ilaapya sile wa makala ya moto.

Ezaya 51:17

Zyuka we Yelusalemu, vwandamuka! Uvwile ukali lino Yawe watazile akupamola cipyu cipyu. Wene wakuumile cakuti wapempenuka, nu kupempezyoka kwati awino watakoleka!

Yelemiya 25:27

Nga alino lyene Yawe avwanga kunondi ati, “Nena antu ukuti ne Yawe Wamaka yonsi, Leza wa ina Izlaeli nayanena ukuti yamwe yakoleke yaluke nu kuluka. Yasuke yapona na pansi cakuti yaposiwe nu kukatuka apamulandu ni nkondo ino nkutuma kunoyali.

Yelemiya 49:12

Vii ivyalanda Yawe, wati, “Yano yasi nu kumwa mu lwako, yali nu kumwa lyene. Uzye wemo wati wewe ungasyala kwaula kuvunukwa? Utalatala uleuke ukali foo, nawe kwene suka sile ukaumwe.

Yelemiya 51:57

Asambazi yakwe namayamwesya ivyakuti yakoleke, kumwi na alasi yakwe, yamusika yakwe ni vita vyakwe kwene. Yalapona mu tulo twa muyayaya, yatalatala yazyuke nupya. Ivyalanda ne Mwene wino izina lyakwe a Yawe. Izina lyane anene Yawe Wamaka yonsi.”

Nyimbo zya ndosya 4:21

Sansamukini, zangini mwe antu amu Edomu mwe ikazi yamu Uzi, ponsi pano mutemilwe. Lelo namwe kwene uzanzo ulamuponela nga yalamupisya tupu, ni nsonyi zilamulema.

Ezekelo 20:48

Na antu yonsi yalalola ukuti uwausontike anene ne Yawe nu kuzima utalazima foo.”

Ezekelo 38:22

Ndamupezya uku mpungo. Nupya ndaleka ukuti kukaye uwanisi uwa kuzwisyanya uwazi. Umweneco kwene Gogi, pamwi ni vita vyakwe, na antu ya mitundi iingi yano yalaya nawe, yonsi ndayatumila icifutika ni mvula ya mawe, nu munyeswa nga na yamunyela ya moto.

Habakuku 2:16

Mwemwe lyene mulasauka mucifulo cakucindama. Mwemwe mulamwa nu kupempezyoka. Yawe alamusunda cakuti mulamwela ku cisengo, nga nu kucindama kwinu kulasanguka ukusauka.

Mateo 20:22

Lelo Yesu ayanena ati, “Mutamanyile cino mukulenga. Uzye mungamwa mu lwako lwa ucuzi luno nasya imwemo?” Nao yaasuka yati, “Tungacita.”

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Mateo 26:39

Apita katalamukila panono, afukama pansi ainime, nga apepa ati, “Tata ndi cingaya, leka ulwako luu lwa ucuzi lusisiwe kunondi. Kusi kulonda kwane, lelo kulonda kwako kucitike.”

Mako 8:38

Muntu ndi waya ni nsonyi pali nene na pa mazwi yane mu mukulo uu uwa uzelele nu wankota, Mwana wa Muntu alaya ni nsonyi panoli lino aliza pali pamwi na angeli yamuzilo, mu lulumbi lwakwe Isi.”

Mako 9:44

muno ingonyo zyao zisifwa nu moto usyazimiwa.]

Milimo 10:22

Yaasuka yati, “Konelio musika wa vita watatutuma. Wene umuntu musuma wino akaoopa Leza, nga na Ayuda yamucindika cuze. Mungeli wa Mwene wamunenyile kuti akwame ku ng'anda yakwe, pakuti akuvwe cino waya vwanga.”

Malango 29:23

Umu vyalo vinu mutalamela akantu nanti kamwi. Mulaya sile amawe kwati a yamunyela amu malungu. Nupya mulaya umusili uwa cicelecele muno mutangakomelwa nanti cimwi, nanti sile ivikona vitangamela mwenemo. Fwandi impanga inu ilaya wa misumba ya Sodoma na Gomola, Adima na Zeboimu, ino Yawe wononyile lino wasosile icisoke conga.

2 Tesalonika 1:7

Lelo wene alapeela upemwilo kunomuli mwe muno mukucula nga naswe kwene. Wene alacita cii lilyo lino Mwene Yesu alaloleka kufuma mwiyulu pamwi na angeli yakwe a maka,

Yuda 1:7

Iusyini Sodoma na Gomola, nga ni misumba iyazingulwike muno antu yaitumfile mu vyawinyi. Yene yaya icilangililo kuli yonsi ca uvunuko waku moto wape.

Umbwilo 15:7

Lyene ciumbwa conga pa viumbwa vyaumi vini cipela angeli cinimbali ingeso cinimbali zyazilemo ukali wakwe Leza wino uwa umi manda pe.

Umbwilo 16:19

Musumba ukulu wankanikana mu viputulwa vitatu, nga misumba ya mpanga zyonsi yononeka. Leza aiusya Babiloni mukulu nga amumwesya waini uwamu lwako lwa cipyu ca ukali wakwe.

Umbwilo 18:3

Pano antu amu nko zyonsi yamwa waini wakwe mukali uwa mbunu ya uzelele. Yakateeka amu nsi yacita ulenzyo na aliwe, nga na aculuzi amu nsi yaya akama pamulandu wa lwiswa lwakwe ulutangasila.”

Umbwilo 18:6

Mucitilini vivyo kwene vino wamucitile. Muwezezyini maila yaili pali vyonsi vino wacisile. Zuzyini lwako lwakwe ni vyakumwa vikali maila yaili kuluta vyakumwa vino wamuteyanyizizye.

Umbwilo 19:15

Lupanga lukali cuze lwafumile mu mulomo wakwe, luno wene alacimvizyako antu amu nko. Wene alayateeka ku nsonzo ya cela. Wene alafena matingi mu ciwina ca kufenelamo matingi a cipyu nu ukali wakwe Leza wa maka onsi.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Umbwilo 20:10

Lyene Ciwa wino uwayasomvile, wasumvilwe muli yemba wa moto na maluti, amuno alanga yati yasumbilamo cilyanyi pamwi na kasema waufi. Muu, amuno yalapya musanya nu usiku manda pe.

Umbwilo 20:14

Lyene imfwa ni cifulo ca antu afwe vyoili visumbwa muli yemba wa moto. Yemba kwene wii uwa moto, ili imfwa yakwe ciili.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”