Umbwilo 13:15 - Amazwi Yakwe Leza 2013

¹⁵ Cilyanyi cakwe ciili cazumiliziwe kuputa mupu uno ukapeela umi mu unkolanya wa cilyanyi ca kutandika, kuti unkolanya ungalanda nu kukomisya yao yonsi akukana ukucipepa.

Umbwilo 13:15 ပူးပေါင်းရင်းမြစ်များ

Utandiko 2:7

Lyene Yawe Leza atoola ivu ukufuma ku musili nga apanga umuntu. Alino aputa umupu ukapeela umi mu mpuno yakwe, nga umuntu aya nu umi.

Masamu 115:5

Utulomo twene twakwata, lelo tusivwanga foo. Amanso nayo kwene twakwata, lelo tusilola foo.

Yelemiya 10:14

Cico cikapezya antu amano, yaposiwa nu kucuvwa. Yayo akapanga utuluwi yakalemwa insonyi. Utuluwi twao utwaufi nupya tutakwata umi.

Yelemiya 10:5

Utuluwi twa musango uu tukoline ni vintu vyakofezyako ivyunyi umu vyalo vya viimbi. Vyene visivwanga nupya ivyakusenda sile, pamulandu wakuti vitangapita. Fwandi mutavyoopa. Vyene vitange vimucitile akantu akaipe nanti kamwi, nupya vitange vimutumbwile icisuma nanti cimwi.”

Yelemiya 51:17

Icintu cico cikazungula antu yonsi nu kuyapezya amano. Musyanyi wensi wino akasula ivyela, insonyi zimulema pamulandu wakuti tuleza tuno akapanga utwaufi nupya tusi nu umi.

Danieli 7:20

Nakasi ukumanya ni vikumile impembe ikumi izyali pa mutwe wa cinyama cici nga ni vikumile ulupembe luze ulwatumvile icisila, luno lwaponyizye zyuze. Lwene lwakweti amanso nu mulomo uwalandanga vyakuitakizya. Lwali ulwakoofya ukuluta zyuze zyasyala.

Danieli 7:25

Wene alavwanga amazwi yamiponto kuli Leza Wapapelapela nu kuzunya aswepe yakwe. Wene alezya kusenula insita na masunde ya upefi, nga antu yakwe Leza yalaya mu makasa yakwe apa myaka itatu na citika.

Habakuku 2:19

Kalanda ku muntu wino akanena umuti ati, ‘Zyuka!’ Nanti iciliwe ati, ‘Katuka!’ Uzye akaluwi nako kangamunena icakucita? Nanti angala antu yangakapomela siluva na zaabu, lelo musi umi muno kali.

Yakobo 2:26

Caleka, vino mwili uwaula mupasi ala ufwe, vivyo kwene nu utailo uwaula milimo isuma nao ufwe.

Umbwilo 13:1

Nupya ndola cilyanyi cikufuma muli yemba. Cene cakweti impembe ikumi ni mitwe cinimbali, nga cila lupembe pali ingala. Nupya cila mutwe palemvilwepo izina lya miponto kuli Leza.

Umbwilo 13:12

Cene caomvizye maka aingi a cilyanyi ca kutandika pa manso yakweco. Cipatikizya insi na onsi akaikalamo kuti yapepa cilyanyi ca kutandika, cino cilonda caciko cakuleta imfwa calanga capola.

Umbwilo 13:14

Nupya cisomba antu yonsi akaikala pano pa nsi ku vinjelengwe vino cazumiliziwe kucita pa manso ya cilyanyi ca kutandika. Cilyanyi cinena antu kupanga unkolanya kuti yacindikilemo cilyanyi cino yacisa ku lupanga lelo cili nu umi.

Umbwilo 14:11

Cunsi ca moto uno ulayoca cilakwela mupela manda pe. Kusi upemwilo musanya nu usiku kuli yao akapepa cilyanyi nu unkolanya wakweco, nga nu ku muntu wensi akweti cimanyililo ci zina lyaciko.”

Umbwilo 14:9

Mungeli wakwe citatu alondela pa angeli yankolelo yaili, avwanga ni zwi likulu ati, “Wino wensi akapepa cilyanyi nu unkolanya wakweco nga nu kupokelela cimanyililo caciko pa usyu wakwe nanti pi kasa lyakwe

Umbwilo 16:2

Alino mungeli wakwe conga aya apongolwela vyamu lweso lwakwe pa nsi. Lyene vilonda vyakoofya nupya viwaye viloleka pali yao akweti cimanyililo ca cilyanyi na pali yao apefile unkolanya wakweco.

Umbwilo 16:5

Alino nuvwa mungeli uwali na maka pa manzi avwanga ati, “Upinguzi uno wacita usi walufyengo, We Wamuzilo, we muno ulipo nupya waliko!

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”

Umbwilo 17:17

Pano Leza wiika mu myenzo yao kuti yafikilizye kulonda kwakwe na kuti yawikizyanye nu kupeela uwene wao ku cilyanyi kufika lino mazwi yakwe Leza yalafikiliziwa.

Umbwilo 17:6

Naweni ukuti mwanaci wakolike uwazi wa antu yakwe Leza nga nu wazi wakwe yao akomilwe pamulandu wa kuyela Yesu. Lino naweni mwanaci nzunguka cuze.

Umbwilo 18:20

Zangini, mwe muno mwikala mwiyulu pamulandu wakononwa kwakwe! Zangini mwe antu yakwe Leza pamwi na atumwa na yakasema! Pano Leza watamuvunuka pali vino wamucitile!

Umbwilo 18:24

Babiloni wavunwikwe pamulandu wa wazi wakwe yakasema nu wa antu yakwe Leza, nga nu wa antu yonsi akomilwe muno nsi.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Umbwilo 20:4

Nupya ndola vilimba vya wene na yao atenzipo yapilwe maka akupingula. Alino ndola mipasi yakwe yao akomilwe pamulandu wa kukosola cumi cino Yesu wasokolwile nga na mazwi yakwe Leza. Yene yatapefile cilyanyi nanti unkolanya wakweco, nanti ukwikilwa cimanyililo caciko pa mausyu nanti pa makasa yao. Yene yaya nu umi nu kuteeka pamwi na Klistu kulingana ni myaka izimbi lyonga.