Umbwilo 13:10 - Amazwi Yakwe Leza 2013

¹⁰ Wino wensi ali nu kuya mu uzya, alasendwa mu uzya. Wino wensi akakoma ku lupanga, alinzile akomwe ku lupanga. Ku antu yakwe Leza paa yalinzile kuposya nu kukwata utailo.”

Umbwilo 13:10 ပူးပေါင်းရင်းမြစ်များ

Ezaya 14:2

Imitundu iingi ilayazwilizya umu kuyakusizya umu mpanga yao, ino Yawe wayapile. Amu mutundu wakwe Izlaeli alio yalateeka ainamasi wa azya. Yayo atazile yalema aina Izlaeli wa azya, alio yano lyene aina Izlaeli yalayateeka wa azya.

Ezaya 26:21

Pano Yawe wataiza ku kupezya antu ya pano nsi apamulandu wa uyi wao. Insi imasokolola uwazi uno yene yazwisya. Italazizimizya ukufisa antu yano yakomile.

Ezaya 33:1

Kalanda kunuli we mononyi wemuno utatala wononwa, kasampa wa vyuma wemuno utatala usampwe. Lino ulamala ukonona, yalakonona. Na lino ulamala ukusampa ivyuma, nawe yalakusampa.

Yelemiya 15:2

Ndi cakuti yakuuzya kuno yangalungama, uyanene ukuti Yawe wati, ‘Yamwi yali nu kufwa ku ndwala, nga ku ndwala kwene ali kuno yali nu kuya! Yamwi yali nu kufwa ku lupanga, nga ku lupanga kwene akuno yali nu kuya! Yamwi yali nu kufwa ku cipowe, nga ku cipowe kwene ali kuno yali nu kuya! Yamwi yali nu kusendwa ku uzya, nga ku uzya kwene ali kuno yali nu kufwa!’ ”

Yelemiya 43:11

Aliza afulule impanga ya Eguputo cakuti antu yano yasontelelwa ukufwa ku mpungo, yakafwe ku mpungo, yano yasontelelwa ukufwa ku cipowe, yakafwe ku cipowe nga na yano yasontelelwa ukufwa umu nkondo, yakafwile umu nkondo kwene.

Nyimbo zya ndosya 3:26

Fwandi cazipa wakwe cimwi ukuteeka imyenzo lino tukulolela, lilyo lino tukulolela kuti Yawe aliwe atutuule.

Habakuku 2:3

Uumbwilo uu uli nu kufikiliziwa apa nsita yakweo ilingine, ino ili nu kufika ukwaula kuzimba. Nupya ulacitika ukwaula kutwisika. Lelo ndi mwalola ukuti wene wazimba, nemo nkuti muulolele mutazukuwa. Wene ulafikiliziwa ukwaula kucelwa nanti ukulezyalezya.

Mateo 26:52

Yesu nawe amunena ati, “Swilizya lupanga lwako mu cipata caluko, pano yano yonsi akalema lupanga yene yalafwila ku lupanga.

Mateo 7:2

Pano vino mukapingula auzo avino namwe mulapingulwa. Pelini namwe mulapelwa. Mulapelwa cilingilo cisuma cisindelwe, pano cilingilo cino mukalingila auzo, acino namwe Leza alamulingila.

Luka 21:19

Mukuposya kwinu, mulaya nu umi.

Kolose 1:11

Mukomeleke mu maka yonsi yakwe Leza alulumbi, pakuti muposye nu kuteeka myenzo mu vintu vyonsi. Mu nsansa

Ayebulai 6:12

Tusyakulonda kuti mwemo muye akasu. Lelo mulinzile kuya wakwe yao ataila nupya yano akateeka myenzo, nga yapokelela vino Leza walaya.

Umbwilo 1:9

Nene Yoane mwina winu, nupya mulondezi wakwe Yesu. Nkakuma pamwi namwe mu wene wakwe Leza nu kuposya mu macuzi. Nemo nasumvilwe pa cilila ca Patimosi pamulandu wa kukosola mazwi yakwe Leza nga ni cumi cino Yesu waumbwile.

Umbwilo 11:18

Antu atakuzumila yali ni cipyu lelo insita ya ukali wako yatifika. Ii ili nsita yakuti afwe yapingulwe. Insita yatifika ya kupeela vilambu ku yaomvi yako, yakasema nu ku antu yako yonsi yano akucindika, akulu na anono kwene. Insita yatifika ya konona yao akaonona insi!”

Umbwilo 14:12

Acino mwe antu yakwe Leza mulinzile kuposya mwe muno mukayela masunde yakwe Leza nu kutaila muli Yesu.

Umbwilo 16:6

Yene yazwisizye uwazi wa antu yakwe Leza nga na yakasema. Caleka watuyapela uwazi kuti yamwe. Yene yapokelela kulingana ni milimo yao.”

Umbwilo 17:11

Cilyanyi cino cali nu umi lelo ndakai cafwa, cene ali kateeka uwalenga cinani, wamuli yakateeka cinimbali nupya akuya ku kononwa.

Umbwilo 17:8

Cilyanyi cino ukulola, mpiti cali nu umi, lelo ndakai cafwa. Cili pipi nu kufuma mu ciwina caula impela nu kupita ku kononwa. Antu yonsi amu nsi yano mazina yao yatalemvilwe mu lupapulo lwa umi kufuma ku uumbo wa nsi yalazunguka cuze lino yalalola cilyanyi. Yalazunguka pa kulola ukuti cali nu umi nga ndakai cafwa. Lelo cilatutuluka nu kuloleka nupya.

Umbwilo 2:19

Namanya vino ukacita, nga nu kutemwa kwako, na vino waya uwakutailwa. Namanya kutumikila kwako, na vino ukateeka umwenzo. Namanya ukuti ndakai ukucita ivisuma kuluta vino wacisile pa kutandika.

Umbwilo 2:2

Namanya vino ukacita. Namanya kuomba kuno waombisye nga nu kuteeka umwenzo. Namanya ukuti wemo utangazumilizya yakaifya nga nupya wemo wezizye yao akati yene atumwa lino yasivyo. Lelo wayezya wazana ukuti yene antumpu.

Umbwilo 3:10

Pano wayela sunde lyane nu kuposya. Caleka ndakusunga ningo mu nsita yakweziwa lino iliza pa nsi yonsi, kuti yonsi aikalapo yeziwe.

Umbwilo 3:3

Acino iusya vintu vino wasambiliziwe na vino uvwile. Uwayela vintu vivyo nupya uzenzuke. Ndi utazyusile, ndiza panuli wa mwivi, nupya utalamanya insita ino ndizilapo.