Umbwilo 12:9 - Amazwi Yakwe Leza 2013

⁹ Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Umbwilo 12:9 ပူးပေါင်းရင်းမြစ်များ

Utandiko 3:1

Lyene inzoka yali icenjelesye pa viumbwa vyonsi vyamu mpanga vino Yawe Leza waumvile. Inzoka yuzya umwanaci iti, “Uzye icacumi Leza wamuinda ukulya iviseekwa vyaku miti yonsi yamu calo?”

Utandiko 3:13

Lyene Yawe Leza auzya umwanaci ati, “Uzye pacani cino wali wacita cii?” Umwanaci aasuka ati, “Inzoka yali yansomba, nga nani nalya viseekwa.”

1 Milandu 21:1

Apa nsita imwi Satana walondanga ukuletelela aina Izlaeli, caleka atunkola Davidi kuti apende antu.

2 Milandu 18:21

“Umupasi ulya nao wasuuka uti, ‘Namaya nkanene yakasema yakwe Aabu yonsi yakaseme ivyaufi.’ “Nga Yawe avwanga ati, ‘Pitanga sile wemo kamusombe nu kuomba cayaomba sile ningo.’”

Masamu 109:6

Sungala uleke umuntu umwi umwipisye awino apingwile umwanisi wane, leka nu mwanisi wakwe awino amusinile.

Ezaya 14:12

Musambazi mwene waku Babiloni, we namukokolo, watupona ukwiyulu uli? Uku mpiti awewe wacimvizye imitundu. Lelo ndakai yatiyakusumba pansi.

Ezaya 27:1

Mu wanda ulya, Yawe alatola ulupanga lwakwe ulukalipisye, nupya alakoma nu kupezya ali luno alapezezya icilyanyi cica ci Leviatani, cino cikanyunkuta apakupita, cino cikaivyonganya nupya cino cikaikala muli yemba.

Ezaya 65:25

Imimbulu nu mwana wa mfwele vilaalila pamwi, cisama nawe alaalya insaawa wa ng'ombe. Inzoka zitalakwata intazi uku muntu, zilaalya ulukungu. Apa mwamba wa Zioni, umwamba wane wamuzilo, patalacitika nanti cimwi iciipe, nanti caononyi.”

Ezekelo 28:16

Uculuzi wako uvulane wakulenzile kuya nu ukakasi ni mpulupulu. Caleka ninkuzinga pa mwamba wakwe Leza nu kukusumba pansi, kelubi wakukulinda watakulovya nu kukufumya mu munyeswa ungakusunga.

Mateo 13:39

Mwanisi wino watile kalolo akwimilila Ciwa. Uzombozi ukwimilila wanda wampelelekezyo ya nsi. Yakasinza nayo yakwimilila angeli.

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Mateo 4:1

Lyene Mupasi Wamuzilo atungulula Yesu ku lwanga kuti akatunkwe na Ciwa.

Mateo 4:10

Yesu amunena ati, “Senka pano Ciwa, pano calembwa mu malembelo cati, ‘Wapepa Mwene Leza wako, wene wenga sile awino uwatumikila.’ ”

Mateo 4:5

Lyene Ciwa amusenda ku Yelusalemu, Musumba Wamuzilo, amwika pa kansonsi ka Ng'anda ikulu yakwe Leza.

Mateo 4:8

Nupya Ciwa amusenda papela ya mwamba utali cuze, amulanga mawene amu nsi yonsi nu lulumbi lwakweyo.

Luka 10:18

Yesu ayanena ati, “Naweni Ciwa wapona wa nkuwa kufuma mwiyulu.

Luka 13:16

Ngu mwanaci wii uwamu luko lwakwe Abulaamu, wino Ciwa wanyepa mu uzya pa myaka ikumi na cinani, uzye wene atangapoziwe pa Sabata?”

Luka 22:3

Lyene Ciwa aingila muli Yuda, wino yamanga ukuti Iskalyoti, uwali uwamu alondezi ikumi na yaili.

Luka 22:31

“Simoni, Simoni! Lola Ciwa watazumiliziwa na Leza kuti amweele mwensi, wakwe vino antu yakaela ingano.

Luka 8:12

Imbezu izyaponile mu nzila, antu yano akauvwa mazwi yakwe Leza. Lelo Ciwa aiiza afumya mazwi yonsi mu myenzo yao, pakuti yatataila nu kutuulwa.

Yoane 12:31

Ndakai, akasita ka kupingula antu amu nsi ii. Ndakai Ciwa kateeka wa nsi ii akucimviwa.

Yoane 14:30

Ndakai ntangalanda namwe pa nsita ntali pano kateeka wa nsi ii akwiza. Wene asi na maka munondi.

Yoane 16:11

Yene aponge pamulandu wa kuntamanya upinguzi wakwe Leza pano Ciwa, kateeka wa nsi ii watavunukwa mpiti.

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Milimo 26:18

Uli nu kuyayula amanso, kuti yafume mu kanda iize ku luswepo, na kuti yafume mu maka yakwe Ciwa iize kuli Leza, na kuti maifyo yao yelelwe kupitila mu utailo wao munondi, nga yapokelele cifulo pamwi na antu yano Leza wasola ukuti yaye akwakwe.’

Milimo 5:3

Lelo Petulo amuuzya ati, “We Ananiya, uzye pacani wazumilizya kuti Ciwa akutunke mu mwenzo kuti usombe Mupasi Wamuzilo apa kupaatula impiya zimwi pali zino wakweti lino wakazizye calo?

Loma 16:18

Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii.

Loma 16:20

Na Leza ali ntulo ya mutende, alavungola Ciwa apisika ya ngazo zinu. Cikuku ca Mwene witu Yesu Klistu ciye namwe.

2 Kolinto 11:14

Endi, tutangazunguka pali cii! Na Satana kwene akaezya kuomvya usomvi kuti aloleke wa mungeli wa luswepo.

2 Kolinto 11:3

Ndi ni ntete zyakuti mwemo mulasombwa, wakwe vino Eva wasomvilwe ni nzoka ya usomvi. Ndi ni ntete zya kuti limwi mwemo mulata kwelenganya pamulandu wakwe Klistu mu musango usuma uwa cumi.

2 Kolinto 12:7

Lelo pakuti ntaitutumula pamulandu wa vintu vingi vyakuzunguka vino vyaumbwilwe nu Mwene kunondi, Leza wampile ca kuntota ca munga mu mwili wane icili wa nkombe yakwe Satana ino wazumilizye kwiza nguma.

2 Kolinto 2:11

Nemo nacita cii kuti ntaleka Satana aye na maka pano tuli. Pano twamanya mapange yakwe vino yaya.

2 Kolinto 4:4

Yene yatataila, pano Satana wino ali leza uwa nsi ii, walesyanya kuti yatalola luswepo ululi Ilandwe Lisuma lya pali Klistu uwa lulumbi.

Efeso 4:14

Alino tutalaya wa ana anono mu micitile. Yene yakasombwa na masambilizyo ya antu asomvi. Masambilizyo yaa yakoline wa miza ino ikasunka maimbi kufuma pa cifulo conga kuya nu ku cuze,

2 Tesalonika 2:3

Mutaleka umwi amusombe. Pano Umwene atangiza suka antu yace yasangukile Leza, nga nu Mui wilya aloleke, wino uyo wakwe cifulo ca afwe.

1 Timoti 2:14

Nupya Adamu atasomvilwe. Umwanaci uwa somvilwe, nupya aliwe atayezile sunde lyakwe Leza.

2 Timoti 3:13

nga antu aipe, nupya asomvi yene yalipisya kuluta, yala yakusomba antu yauze nga na isikulu kwene.

Ayebulai 2:14

Twazana ukuti yano akwamwa ana, antu akwata munyefu nu wazi. Acino Yesu umwisikulu wizile akolana nayo ku mwili wa untu. Wene wacisile cii kuti mu mfwa yakwe amuno aonone Ciwa, wino uwakwata maka pa mfwa.

1 Petulo 5:8

Mwatekela nu kupempula! Ciwa, mwanisi winu akululumba nu kung'anza wakwe cisama wino akulunga umwi uwakuti alye.

1 Yoane 5:19

Twamanya ukuti sweswe yakwe Leza nanti angala insi yonsi ili pisika lya utesi wa Mwipe wilya.

Yuda 1:9

Nanti Mikaeli kwene mungeli mukulu atacisile cii lino walemanile na Ciwa pa kulola wino angatola cala cakwe Mose. Mikaeli atavwanzile izwi nanti lyonga lya miponto. Wene wavwanzile sile ati, “Mwene akukalipile!”

Umbwilo 12:12

Acino zangini mwe mayulu na mwe muno mwikalamo! Lelo kalanda ku amu nsi na yemba! Pano Ciwa watasumbwa pa nsi kunomuli, nupya ali nu ukali cuze pano amanyile ukuti watasyala sile ni nsita inono.”

Umbwilo 12:3

Nupya mwiyulu muloleka cimanyililo nacuze. Ndola cizoka cikulu cuze nupya ciyenzu cakweti mitwe cinimbali ni mpembe ikumi, nga ni ngala ya wene yali pali cila mutwe.

Umbwilo 12:7

Nupya mwiyulu mukatuka ulwi. Mikaeli na angeli yakwe yalwisyanya ni cizoka nga cizoka pamwi na angeli yakweco yalwisyanya nao.

Umbwilo 12:8

Lelo cizoka na angeli yakweco yacimviwa cakuti yatakweti pa kwikala mwiyulu.

Umbwilo 13:14

Nupya cisomba antu yonsi akaikala pano pa nsi ku vinjelengwe vino cazumiliziwe kucita pa manso ya cilyanyi ca kutandika. Cilyanyi cinena antu kupanga unkolanya kuti yacindikilemo cilyanyi cino yacisa ku lupanga lelo cili nu umi.

Umbwilo 16:14

Yene ili mipasi yankota ino ikacita vinjelengwe. Yene ikaya kuli yakateeka yonsi mu nsi, kuti iyakonganike ku ulwi ulacitika pa Wanda wakwe Leza wa maka onsi.

Umbwilo 18:2

Wene apunda ni zwi likulu ati, “Watawa! Babiloni mukulu watawa! Ndakai wene wataya uwikalo wa mipasi yankota, nupya citotela cakupuzamo mipasi yonsi ikowele ni vyunyi vyonsi vikowele ni vyapatikwa.

Umbwilo 18:23

Munuli mutalatala muloleke luswepo lwi lampi. Munuli mutalatala muvwike izwi lyakwe siwinga na nawinga. Aculuzi yako ayano yali na maka cuze mu nsi yonsi, nu mu malele yako amuno wasombanga antu yonsi amu nsi!”

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Umbwilo 2:13

Namanya kuno ukaikala akuno Ciwa wika cilimba cakwe ca wene. Mwemo mwaya akutailwa kunondi, nupya mutatala mwata kutaila nu mu nsita kwene ino Antipa kambone wane uwakutailwa wakomilwe kumwinu kuko kuno Ciwa akaikala.

Umbwilo 2:24

“Lelo yamwi asyala munomuli amu Tiatila yatayela usambilizyo uu uwipe, mwemo mutasambilila vino yauze yakati, ‘Nkama zikulu zyakwe Ciwa.’ Nkumunena ukuti ntalika cisendo nacuze panomuli.

Umbwilo 2:9

Namanya intazi zyako. Namanya ukuti wewe mupina. Lelo mu cumi wewe mukama! Namanya vilandwa viipe vino yakutumpwila yao akailanda ukuti Ayuda nalino yasi Ayuda. Yene yali mwi umba lyakwe yao yakwe Ciwa.

Umbwilo 20:10

Lyene Ciwa wino uwayasomvile, wasumvilwe muli yemba wa moto na maluti, amuno alanga yati yasumbilamo cilyanyi pamwi na kasema waufi. Muu, amuno yalapya musanya nu usiku manda pe.

Umbwilo 20:8

Lyene alapita ku kusomba antu amu nko zyonsi, yano asalangana mu nsi yonsi, kuli kuti Gogi na Magogi. Wene alayakonganika pamwi ku ulwi, nu wingi wao ulaya wa musensenga uwamu nkumba yakwe yemba.

Umbwilo 3:9

Uvwa! Kuli antu yamwi amwi umba lyakwe Ciwa, yene yakatumpoka pa kuilanda yati Ayuda lino yasi Ayuda. Ndalenga kuti ize yafukame pa ngazo zyako. Lyene yalamanya vino nakutemwa.

Umbwilo 9:1

Lyene mungeli walenga yasano alizya ntandala yakwe. Nani ndola lutanda lwapona kufuma kwiyulu kuya pansi, yalupela mfungulo yakuyulila ciwina caula impela.

Umbwilo 9:20

Antu yonsi asyala yano atakomilwe ku vilumbelo vii, yatazenzwike ku milimo ya makasa yao. Yene yatatile kupepa mipasi yankota, nanti tuluwi twakwe zaabu, siluva, nanti mukuwa, nanti twa mawe, nanti twa vimuti tuno tutange tulole nanti kuvwa nanti kupita.