Umbwilo 12:15 - Amazwi Yakwe Leza 2013

¹⁵ Alino cizoka ciswila mwanaci manzi aingi kufuma mu mulomo wakweco kwati luzi, kuti mukuku umusende.

Umbwilo 12:15 ပူးပေါင်းရင်းမြစ်များ

Utandiko 3:1

Lyene inzoka yali icenjelesye pa viumbwa vyonsi vyamu mpanga vino Yawe Leza waumvile. Inzoka yuzya umwanaci iti, “Uzye icacumi Leza wamuinda ukulya iviseekwa vyaku miti yonsi yamu calo?”

Masamu 18:4

Uzanzo wa kufwa wanzingulwike monsi monsi, na maimbi akome yapisile apapela pali nene.

Masamu 65:7

Wewe ukamyalalika imiza pali yayemba kumwi na maimbi ni mpokoma zya antu.

Ezaya 28:2

Yawe alipo na umwi wiyo wamaka wino amatuma ku kuyazanza. Amaiza kunoyali wa mvula ya mawe, wa mvula ya cipunga nupya yakwe mulamba uwatauwa nu kwiza unzya impanga.

Ezaya 59:19

Alino lyene yamaoopa izina lyakwe uku uwondaka nu ucindami wakwe uku ufumondaka. Aliza wa luzi luno lwapongwela, luno umupu wakwe Yawe ukusuunka.

Ezaya 8:7

acino Mwene wasya ayaletele umwene waku Asilya ni vita vyakwe, yayo aliza wa mukuku wa manzi ya Luzi lwa Yufulate nu kwiza yapongwela.

2 Kolinto 11:3

Ndi ni ntete zyakuti mwemo mulasombwa, wakwe vino Eva wasomvilwe ni nzoka ya usomvi. Ndi ni ntete zya kuti limwi mwemo mulata kwelenganya pamulandu wakwe Klistu mu musango usuma uwa cumi.

Umbwilo 12:16

Lelo musili nao wazwilizya mwanaci. Musili wasama nu kumila manzi afumile mu mulomo wa cizoka.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Umbwilo 17:15

Mungeli nupya anena navyuze ati, “Manzi yano wali walola pano cizelele atenzi, ali antu amu nko, ni mitundu ya antu, ni misango ya antu, nga ni ndimi.

Umbwilo 20:2

Alino alema cizoka ca mpiti, kuli kuti Satana nanti Ciwa nu kumunyepa kulingana ni myaka izimbi lyonga.