Umbwilo 12:12 - Amazwi Yakwe Leza 2013

¹² Acino zangini mwe mayulu na mwe muno mwikalamo! Lelo kalanda ku amu nsi na yemba! Pano Ciwa watasumbwa pa nsi kunomuli, nupya ali nu ukali cuze pano amanyile ukuti watasyala sile ni nsita inono.”

Umbwilo 12:12 ပူးပေါင်းရင်းမြစ်များ

Ezaya 44:23

Mwe viumbwa vyamu mayulu, imbilini ni nsansa pano Yawe wataomba. Zangini mwe antu pano nsi, mwe myamba ni mitengo, kumwi ni miti inu yonsi, pundini ni nsansa, pano Yawe watakulula Yakobo. Watalanga ululumbi lwakwe umu mpanga ya Izlaeli.

Ezaya 49:13

Imbilini mwazanga, mwe viumbwa vyamu mayulu! Pongomoka nu luzango nawe we nsi. Mwe myamba saulini inyimbo, pano Yawe watamyalalika antu yakwe, nu kutezela alanda akwakwe.

Luka 15:10

Namunena vino mu musango uli onga, angeli yakwe Leza yakazanga pali kaifya wenga uwazenzuka.”

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

Ayebulai 10:37

Pano, cili ndi vino calembwa mu malembelo cati, “Kwasyala kasita kanono sile, na wino akwiza wasya aiize, wene atalalengela.

2 Petulo 3:8

Lelo mwe yacuza akundwe, mutailila cintu conga! Kuli Leza wanda onga waya wa myaka izimbi, nga ni myaka izimbi yaya wa wanda onga.

Umbwilo 10:6

nu kucita mulapo mwi zina lyakwe Leza wino uwaya umumi pe na pe. Leza kwene wii uwaumvile iyulu na vyonsi vyayamo, insi na vyonsi vyayamo yemba na vyonsi vyayamo. Mungeli avwanga nu mulapo ati, “Kutalaya kulengezya nupya!

Umbwilo 11:10

Antu yonsi amu nsi yalazanga pamulandu wa mfwa yakwe yakambone yaa yaili. Yene yalazevya nu kutumilana mawila, pano yakasema yaa yaili yalesile macuzi aingi pa antu.

Umbwilo 11:14

Kalanda kakwe cili kapita, lelo kalanda kakwe citatu kakwiza zuwa!

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Umbwilo 13:6

Citandika kutuka Leza, izina lyakwe ni ncende ino akaikalamo, nga na onsi akaikala mwiyulu.

Umbwilo 18:20

Zangini, mwe muno mwikala mwiyulu pamulandu wakononwa kwakwe! Zangini mwe antu yakwe Leza pamwi na atumwa na yakasema! Pano Leza watamuvunuka pali vino wamucitile!

Umbwilo 8:13

Lyene ndola, nga nuvwa lyang'anda, wino walelanga papela mu lwelele akuti, “Kalanda! Kalanda! Kalanda kuli yao yonsi akaikala mu nsi lino angeli yatatu asyala nayo yasya yalizye ntandala zyao.”

Umbwilo 9:12

Lyene kalanda kakwe conga ikasila. Pacisila cakwe cii kuliza kalanda kakwe ciili na kakwe citatu.