Umbwilo 11:8 - Amazwi Yakwe Leza 2013

⁸ vyala vyao vilasyala vilambalile mu museo uwamu musumba ukulu, muno Mwene wao watanyilwe pa lupanda. Izina lya musumba uwa mwi syente ukaamwa ukuti Sodoma, nanti Eguputo.

Umbwilo 11:8 ပူးပေါင်းရင်းမြစ်များ

Utandiko 13:13

umusumba muno antu yali ankota, aifyanga Yawe wakwe cimwi.

Utandiko 19:24

Yawe aponya makala ya moto wakwe pali Sodoma na Gomola.

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Kufuma 3:7

Lyene Yawe avwanga ati, “Natindola kukalala kuno aina Eguputo yakucita pa antu yane. Natinuvwa inkuta ya antu yane kuti njatuule ukufuma mu makasa yakwe yakangalila yao akalale. Manyile kunyunguluka kwao konsi.

Ezaya 3:9

Imilolekele apa manso yao, ikuyasinila sile. Yasifisama foo apa kwifya, yakucitila sile ivintu uku mufulo ndi vino aina Sodoma yacitanga. Iye mwee! Icumi yailetelela sile.

Yelemiya 23:14

Lelo muli yakasema aku Yelusalemu mwene nindola mwenemo ulenzyo, intumpu, ukukomelezya antu ukucita iviipe, kuti kutaya uwakuzenzuka ku uyi wakwe. Yonsi pyu kunondi aipe wa ina Sodoma. Antu amu Yelusalemu yakoline wa ina Gomola.

Yelemiya 26:23

Yaya yawezya Uliya ku Eguputo, yamutwala nu ku mwene Yeoyakimu, awino wizile wamukoma ku lupanga nu kusumbila icala cakwe ku malindi ya antu yonsi.

Ezekelo 16:46

“Nyokolenzi wali a Samaliya, wino watenzi intunga yaku katutu kako pamwi na ana yakwe ya kaci. Umutowako umwanaci a Sodoma, pamwi na ato yakwe yakaci, yao yano ikalile lwaku ntunga ya kayeya kako.

Ezekelo 16:49

Sodoma na ana yakwe yayuvwanga pamulandu wakuti yene yakwatisye ivyakulya, nu kwikala ningo, nanti angala yatasakamalanga ukusunga alanda na apuzi.

Ezekelo 23:19

Awe lyene alino cilusyamo kunoli ukucita uzelele uno wene watandike mu Eguputo lino wene wali umukazyana.

Ezekelo 23:27

Nemo ndaputula umunyanya wa uzelele wako, nkamale ni mipitile yako iipisye, ino wakweti lino wali mu Eguputo. Utalatala nupya ukaluuke aina Eguputo nanti kwiusya impanga yao.

Ezekelo 23:3

Lelo, ukufuma ku ukazyana wao, yene yacita uzelele na Eguputo. Wene uwayatonyanga amayele nu kufikina insota zya ukazyana wao.

Ezekelo 23:8

Wene atatiile uzelele wakwe uno wacitanga na aina Eguputo, kuno aonsi yalongozyanga nawe ukufuma ku ukazyana wakwe. Yatonyanga mayele ya ukazyana wakwe nu kupuzoka nawe.

Ezekelo 37:11

Alino Yawe anena ati, “We mwana wa muntu, ala aina Izlaeli yaya wa mafupa yaa. Yene yakati, ‘Swemo tuuma solokoto wa mafupa kwene yayo, nu upaalilo kutacikweti, foo; Twala twalowelela sile.’

Amosi 4:11

“Nononyile yamwi amuno muli wakwe vino nononyile antu amu misumba ya Sodoma na Gomola. Mwemuno mwapuswike mwali wa visonsololwa vya moto. Lelo mutawezile kunondi. Avino Yawe wavwanga.

Mateo 10:15

Cumi namunena vino pa wanda wa upinguzi Leza alaya na mizu kuli Sodoma na Gomola kuluta musumba uwo.

Milimo 9:4

Lyene apona pansi auvwa izwi likuti, “Saulo, Saulo! Pacani ukunzunya?”

Ayebulai 13:12

Pamulandu kwene uu, Yesu nawe kwene wafwilile kunzi ya musumba ukulu, kuti aswefye antu nu wazi wakwekufuma ku maifyo yao.

Ayebulai 6:6

Alino yene yafutatile utailo wao! Cili citale ukuyawezya ku kuzenzuka nupya pano yene yakutana Mwana wakwe Leza pa lupanda nupya nu kumuzewanya paswe.

2 Petulo 2:6

Leza wavunwike antu amu misumba ii ku moto kuti ciye icilangililo ca cintu cino cilacitikila yakaifya.

Yuda 1:7

Iusyini Sodoma na Gomola, nga ni misumba iyazingulwike muno antu yaitumfile mu vyawinyi. Yene yaya icilangililo kuli yonsi ca uvunuko waku moto wape.

Umbwilo 11:13

Pa nsita kwene ilya kwali cilundumusi cikome cuze, nga ciputulwa conga mu viputulwa ikumi vya musumba ciwa conononeka, lyene na antu mazimbi cinimbali yafwile ku cilundumusi. Na antu yauze asile yuvwile intete cuze nu kulumbanya ukulu wakwe Leza wa mwiyulu.

Umbwilo 11:9

Antu kufuma mu nko zyonsi, mitundu, indimi, nga ni misango yonsi ya antu yalalola ivyala vyao pa manda yatatu na citika nupya yatalazumilizya kuti vizikwe.

Umbwilo 14:20

Alino matingi yafenwa mu ciwina cakufenelamo kunzi ya musumba. Alino uwazi ufuma mu ciwina cakufenelamo uno wizile uya kwati luzi luno mu utali lwali makilomita myanda itatu nu kuzika kwakwelo kwali manye mamita yaili.

Umbwilo 14:8

Mungeli wakwe ciili alondela pa wankolelo, ala akuti, “Watawa! Babiloni mukulu watawa! Wene wamwesya antu yonsi waini mulume uwa ulenzyo wakwe.”

Umbwilo 16:19

Musumba ukulu wankanikana mu viputulwa vitatu, nga misumba ya mpanga zyonsi yononeka. Leza aiusya Babiloni mukulu nga amumwesya waini uwamu lwako lwa cipyu ca ukali wakwe.

Umbwilo 17:1

Nupya mungeli wenga pa angeli cinimbali yano akweti ngeso cinimbali aiiza kunondi ati, “Iza kuno, nga nani namakulanga kuvunukwa kwakwe cizelele wino wamanyikwa cuze. Wene uli musumba uno uwakulwa pipi ni nguzi zingi.

Umbwilo 17:18

“Mwanaci wino wali walola ali musumba ukulu ukateeka yakateeka yonsi amu nsi.”

Umbwilo 17:5

Pa usyu wakwe palemvilwe izina lino lyakwata usenulo wa nkama likati, “Babiloni mukulu nyina wakwe yacizelele ni vya winyi vyonsi mu nsi.”

Umbwilo 18:10

Yene yalimilila patali, pamulandu wa kuya ni ntete zya kukumako ku kucula kwakweo. Yalavwanga yati, “Owee, we koofya we! Owee we kwipa we! We musumba ukulu cuze nupya uwamaka, Babiloni! Watuvunukwa muli aawa wenga sile!”

Umbwilo 18:18

yapunda lino yalola cunsi cikufuma mu vimbilimbili vino vyamocanga, nga yavwanga yati, “Kutatala kwaya musumba ukulu nauze wa musumba uu ukulu!”

Umbwilo 18:2

Wene apunda ni zwi likulu ati, “Watawa! Babiloni mukulu watawa! Ndakai wene wataya uwikalo wa mipasi yankota, nupya citotela cakupuzamo mipasi yonsi ikowele ni vyunyi vyonsi vikowele ni vyapatikwa.

Umbwilo 18:21

Alino mungeli wa maka anyemula ciliwe cakusilapo cikulu cuze acisumbila muli yemba, avwanga ati, “Vii avino Babiloni musumba ukulu ulasumbwa pansi na maka, nupya wene utalatala uloleke.

Umbwilo 18:24

Babiloni wavunwikwe pamulandu wa wazi wakwe yakasema nu wa antu yakwe Leza, nga nu wa antu yonsi akomilwe muno nsi.