Umbwilo 11:4 - Amazwi Yakwe Leza 2013

⁴ Yakambone yaa yaili yene ili miti iili ya miolivi nga ni vyakutekapo inyali viili ivyaya ku nkolelo ya Mwene uwateeka insi yonsi.

Umbwilo 11:4 ပူးပေါင်းရင်းမြစ်များ

1 Yamwene 17:1

Kasema umwi uwi zina lyakwe Eliya umwina Tisyibe mu mpanga yaku Gileadi, anena Aabu ati, “Nemo nalapa mwi zina lyakwe Yawe, Leza wa umi wa ina Izlaeli, wino nkatumikila, ukuti apa myaka iili nanti itatu kutalatala kuye ulumi nanti imvula suka sile ince mvwange.”

Masamu 52:8

Lelo nemo nayasile wa muti umuolivi, ukakulila pipi ni ng'anda yakwe Leza. Nataila umu kutemwa kwakwe Leza ukwa pe.

Kufuma 8:22

Lelo lino vizembele viliza vitalacuzya antu yane yano akaikala mu mpanga ya Gosyeni. Ndacita cii kuti usininkizye ukuti, Nene, ne Yawe, nkuomba mu mpanga ya Eguputo.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Yelemiya 11:16

Apa mpiti nemo natazile njama ukuti umuolivi umwi uvunde amafwa nupya uno wakopoka ni viseekwa umwisika ivisuma. Lelo apilelo pene namalepuka sile wa nkuwa. Namaoca amafwa alembe nu kukontola ni nsala zyonsi zyakweo.

Mika 4:13

Yawe akuti, “Mwe antu amu Zioni, katukini muye mukalwisye anisi inu! Ndamucita ukuya antu amaka ungati a masaye uwa mpembe zya cela, ni nkamba zya mukuwa. Ulavungola antu amu mitundu ivule, “nu kutuula kuli ne Yawe ivintu vino yalonsile umu ukakasi. Ni cuma cao ulacipeela ku Mwene wa nsi yonsi.”

Luka 11:33

“Kusi umwi akakozya ilampi nu kuliika mu ncende ifisame, nanti kulitupika mu nyungu. Lelo akaliika pa sanzame, pakuti antu akwingila mu ng'anda yalole luswepo.

Luka 21:36

Acino pempulini nu kupepa nsita zyonsi pakuti muye na maka a kuutuka ku vintu vyonsi iviliza vicitike, nga nu kwimilila pa manso ya Mwana wa Muntu.”

Loma 11:17

Misambo imwi ya muolivi uno antu yalema yene yaputulwa, nga pa viposi vya misambo iyo palematikwa misambo ya muolivi uwamu mpanga. Mwe Akulukuwa mukoline wa misambo ya muolivi uwamu mpanga ino yalematikweko, nga ndakai mwati mukumako kukupolelelwa kwakuya vilundwa ku Ayuda.

Malango 10:8

Pa nsita kwene iya Yawe wapaatwile amu mutundu wakwe Levi kuti yangaya yakasenda ya Mbokosi ya Upangano yakwe Yawe. Nu kuti yaimilila inkolelo yakwe Yawe nu kumutumikila, yala yakutaka upolelelo umwi zina lyakwe, wakwe vino yakacita na pilelo kwene.

Umbwilo 1:20

Kuu kuli kulondolola kwa nkama ya ntanda cinimbali zino walola mwi kasa lyane lilunji, nga ni vyakutekapo inyali cinimbali vyakwe zaabu. Ntanda cinimbali ali ntunguluzi zya mauvi cinimbali, nga ni vyakutekapo inyali cinimbali amauvi cinimbali.”