Umbwilo 11:18 - Amazwi Yakwe Leza 2013

¹⁸ Antu atakuzumila yali ni cipyu lelo insita ya ukali wako yatifika. Ii ili nsita yakuti afwe yapingulwe. Insita yatifika ya kupeela vilambu ku yaomvi yako, yakasema nu ku antu yako yonsi yano akucindika, akulu na anono kwene. Insita yatifika ya konona yao akaonona insi!”

Umbwilo 11:18 ပူးပေါင်းရင်းမြစ်များ

Masamu 103:11

Ndi vino iyulu lyavimbilikizya insi yonsi, avino nu luse lwakwe lwaya kuli yano yakamoopa.

Masamu 110:5

Umwene waya nawe ukwi kasa lilunji. Alavyengola yamwene uwanda uno alasoka.

Masamu 147:11

Lelo Yawe akasansamukila muli yayo akamucindika, muli yayo ataila mu kutemwa kwakwe ukwa pe.

Masamu 2:5

Alino ayanenola ukali ukali, nu kuyoofya sana umu cipyu cakwe ati,

Masamu 85:9

Cumi kwene, wene akalonda ukupususya yayo akamoopa, alino lyene nu lulumbi lwakwe luloleke umu mpanga itu.

Kasambilizya 12:13

Fwandi vyonsi vyativyuvwika. Izwi lyakumalilila umulandu aili: uwaoopa Leza nu kuyela amasunde yakwe, pano acino antunze yaumbilwe.

Kasambilizya 8:12

Umuntu muyi nanti angatala imilandu umwanda onga, lelo wene angikala sile ningo. Endi, nemo kwene cino namanya icakuti antu yano yakaoopa Leza yene yakaya nu longo.

Danieli 11:44

Lelo amazwi yaluvwika ukufuma ku ufumondaka nu ku katutu nga yalamuletela ingofyo, nupya alakatuka umu cipyu ku kuyalwisya nu kulovya antu avule.

Danieli 7:26

Lyene itengo lya mwiyulu lilapingula, limupoke na maka, nu kumonona pyu.

Danieli 8:25

Alalenga ukuti usomvi ucitike pamulandu wakuti wene incenjezi. Wene alaya ni cilumba nga alonona antu avule ukwaula kuyasoka. Nupya alakatukila Umwene wakwe yonsi, lelo alononwa ukwaula kuomvya amaka ya muntu.

Mateo 5:12

Mwazanga cuze. Pamulandu wakuti cilambu cinu mwiyulu icikulu. Pano vivyo kwene avino yazunyanga na yakasema yano amukolelile.

Luka 1:50

Kufuma ku nkulo yonga kufika ku yuze akalanga mizu kuli yano akamucindika.

Ayebulai 9:27

Muntu wensi alinzile ukufwa lyonga nga pacisila apingulwe na Leza.

Umbwilo 10:7

Lelo lino mungeli uwalenga cinimbali alalizya ntandala yakwe, lyene Leza alafikilizya kuteyanya kwakwe ukwa nkama, ndi vino walavile kuli yakasema aomvi yakwe.”

Umbwilo 11:2

Lelo utapima misolo ya kunzi, pano yene yapeelwa ku antu Akulukuwa, yene yalalyatola Musumba Wamuzilo kulingana ni myezi makumi yani na iili.

Umbwilo 13:10

Wino wensi ali nu kuya mu uzya, alasendwa mu uzya. Wino wensi akakoma ku lupanga, alinzile akomwe ku lupanga. Ku antu yakwe Leza paa yalinzile kuposya nu kukwata utailo.”

Umbwilo 13:16

Cilyanyi cipatikizya antu yonsi anono na akulu, akama na apina, azya na antungwa kuti ikilwe cimanyililo pa makasa yao ailunji nanti pa mausyu yao.

Umbwilo 14:10

wene alamwa waini wa ukali wakwe Leza. Waini wa cipyu cakwe wino wapongolwela mu lwako ulwa ukali wakwe ukwaula kucefiwa maka. Wene alasumbwa nu kupya mu moto na maluti pa manso ya angeli yakwe Leza nu Mwana wa Mfwele. Wene alasumbwa mu moto na maluti pa manso ya angeli amuzilo nu Mwana wa Mfwele.

Umbwilo 15:1

Nupya ndola cilangililo cikulu cakuzunguka nacuze mwiyulu. Angeli cinimbali yaloleka ala yakweti vilumbelo cinimbali. Vilumbelo vii ivyakusyalikizya, pano amuno ukali wakwe Leza wasilila.

Umbwilo 15:7

Lyene ciumbwa conga pa viumbwa vyaumi vini cipela angeli cinimbali ingeso cinimbali zyazilemo ukali wakwe Leza wino uwa umi manda pe.

Umbwilo 18:6

Mucitilini vivyo kwene vino wamucitile. Muwezezyini maila yaili pali vyonsi vino wacisile. Zuzyini lwako lwakwe ni vyakumwa vikali maila yaili kuluta vyakumwa vino wamuteyanyizizye.

Umbwilo 19:15

Lupanga lukali cuze lwafumile mu mulomo wakwe, luno wene alacimvizyako antu amu nko. Wene alayateeka ku nsonzo ya cela. Wene alafena matingi mu ciwina ca kufenelamo matingi a cipyu nu ukali wakwe Leza wa maka onsi.

Umbwilo 19:18

Izini mulye minyefu yakwe yakateeka, yamusika akulu, na asilika, minyefu yamfwalasi pamwi na yao akakwelapo, ni minyefu ya antu onsi, azya na antungwa akulu na anono!”

Umbwilo 19:5

Alino ku cilimba ca wene kufuma izwi liti, “Lumbanyini Leza mwe aomvi yakwe mwensi pamwi na antu yakwe onsi, anono na akulu kwene, mwe muno mukamucindika!”

Umbwilo 20:12

Nga ndola afwe akulu na anono kwene, ala yaimi nkolelo ya cilimba ca wene. Alino mpapulo zikupulwa, nga lyene lupapulo na luze lukupulwa. Luu luli lupapulo lwa antu aumi. Afwe yapingulwa kulingana ni vintu vino yacisile ndi vino vyalembwa mu mpapulo.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

Umbwilo 22:12

Yesu akuti, “Uvwini!” Nkwiza zuwa! “Ndiza ni vilambu vyakupeela cila muntu kulingana na vino waomba.