Umbwilo 11:17 - Amazwi Yakwe Leza 2013

¹⁷ yati, “We Mwene Leza uwa maka onsi, we muno ulipo nupya uwalipo! Twakutaizya pano watupoka maka yako nu kutandika kuteeka!

Umbwilo 11:17 ပူးပေါင်းရင်းမြစ်များ

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Masamu 21:13

Twakulumbanya we Yawe, katuka na maka yako! Tulaimba nu kulumbanya amaka yako.

Masamu 57:11

We Leza, ilange kuko kuno waya ukwiyulu. Leka nu ucindami wako uloleke pano nsi ponsi.

Ezaya 52:10

Yawe watavimbula ikasa lyakwe lyamuzilo pa manso ya antu ya mitundu yonsi. Alino lyene impela zya nsi zyonsi zilalola ufyusi wakwe Yawe Leza witu.

Danieli 2:23

Nkukutaizya nu kukulumbanya, we Leza wa vikolwe vyane. Wemo wampeela amano na maka. Watuasuuka ni pepo lyane nu kutulanga vyakuti tukanene umwene.”

Danieli 6:10

Lyene lino Danieli wamanya ukuti icipope caticilembwa, aya ukwakwe, uku muputule wapapela, kuno amawindo yalozya ku Yelusalemu. Kuku kwene, ndi vino wacitanga lyonsi, Danieli afukama pansi apipi ni windo iliyulwe nga apepa kuli Leza wakwe, nu kumutaizya amaila yatatu umu wanda.

Mateo 11:25

Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

Luka 10:21

Pa kasita kaka Yesu azanga cuze kupitila mu maka ya Mupasi Wamuzilo, nga avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile. Endi Tata, cii acino walondanga kuti cicitike.

Yoane 11:41

Alino yasisya iwe. Lyene Yesu alingamila kwiyulu avwanga ati, “Tata, nakutaizya pano wanguvwa.

2 Kolinto 2:14

Tutaizye Leza pano muli Klistu akatutungulula nsita zyonsi uku ucimvyo. Leza akatuomvya kuti kumanya kwakwe Klistu kusalangane konsi wa mununko usuma.

2 Kolinto 9:15

Lekini tutaizye Leza pa wila wakwe uwakuzunguka uno mazwi yatangalondolola!

1 Timoti 1:12

Nkataizya Klistu Yesu Mwene witu, wino uwampile maka akuomba mulimo uu. Nkumutaizya apa kumpenda kuya uwa kutailwa nu kunsolola kuti namutumikila.

Umbwilo 1:4

Ne Yoane nalemba kalata ku mauvi cinimbali amu muputule wa mpanga ya Asiya. Cikuku nu mutende viye namwe kufuma kuli Leza, wino alipo, wino uwalipo, wino aliza. Cikuku nu mutende viye namwe kufuma ku mipasi cinimbali ili ku nkolelo ya cilimba cakwe Leza.

Umbwilo 1:8

“Nene Alufa na Omega, kuli kuti, uwakutandika nupya uwakusyalikizya,” vii avino Mwene Leza wa maka yonsi walanda. Wene alipo, wino uwaliko, nupya wino aliiza.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Umbwilo 16:14

Yene ili mipasi yankota ino ikacita vinjelengwe. Yene ikaya kuli yakateeka yonsi mu nsi, kuti iyakonganike ku ulwi ulacitika pa Wanda wakwe Leza wa maka onsi.

Umbwilo 16:5

Alino nuvwa mungeli uwali na maka pa manzi avwanga ati, “Upinguzi uno wacita usi walufyengo, We Wamuzilo, we muno ulipo nupya waliko!

Umbwilo 16:7

Lyene nuvwa izwi likuti, “We Mwene Leza wa maka onsi! Upinguzi wako uwa cumi nupya usi walufyengo!”

Umbwilo 18:8

Pamulandu wakwe cii, vilumbelo, ndwala, ndosya, ni cipowe vilamuponela pa wanda onga. Nga yalamoca ku moto, pano Mwene Leza akumupingula, Leza uwa maka.”

Umbwilo 19:11

Nupya ndola iyulu lyalekuka, ni mfwalasi itiswe iloleka. Izina lyakwe wino uwakwezilepo yakati, “Uwakutailwa” nu “Wacumi.” Wene ataya na lufyengo mu upinguzi wakwe nanti mu ulwi uno akalwisya.

Umbwilo 19:6

Lyene nuvwile izwi lino lyuvwikike kwati iumba likulu, nupya kwati kupooma kwa cipoma nu kupangalansya kukulu. Nuvwile yakuti, “Aleluya! Pano Mwene Leza witu uwa maka, ali Kateeka!