Umbwilo 11:12 - Amazwi Yakwe Leza 2013

¹² Alino yakasema yaili yuvwa izwi likulu kufuma mwiyulu liti, “Izini kuno kupeela!” Lino anisi yao yacili yakulolekesya, yene yakatuka yaya mwiyulu mwi kumbi.

Umbwilo 11:12 ပူးပေါင်းရင်းမြစ်များ

2 Yamwene 2:1

Lyene insita ifika yakuti Yawe asende Eliya ukwiyulu muli nkungulupya. Uwanda kwene uo ali uno Eliya na Elisya yali pa ulendo wao wakuya ku Giligali.

2 Yamwene 2:11

Lino yakupita ala yafumile yakulanda, lilyo kwene iceleta lya moto iliiza lino imfwalasi zyamoto zyazusile zikutinta. Alino lisenda Eliya umwiyulu muli nkungulupya.

2 Yamwene 2:5

Iumba lyakwe yakasema aikalanga ku Yeliko yiza kuli Elisya nga yamuzya yati, “Uzye umanyile ukuti ilelo Yawe aizile senda umusambazi wako ukufuma kunuli?” Elisya nawe aasuka ati, “Mukwai, manyile. Lelo mutalanda pali cii.”

2 Yamwene 2:7

Antu amakumi yasano amwi umba lyakwe yakasema yaya yimilila katalamukila, yalozya amanso pa ncende ino Eliya na Elisya yaile yimilila pa cituntu ca luzi lwa Yodani.

Masamu 112:10

Antu aipe nga yalola vivyo, yene pasi pakusoka, iyataka nu kulumanya incecete, nu kusalangana ala yasalangana. Icacumi ivikataila aipe vilasililikila

Masamu 15:1

We Yawe, uzye aweni alingila umwi taalu lyako? Uzye aweni alikala apa mwamba wako uwamuzilo?

Masamu 24:3

Uzye aweni akweti insambu yakutumbela apa mwamba wakwe Yawe? Uzye aweni angazumiliziwa ukwingila mu Ng'anda yakwe ikulu?

Masamu 86:17

Ndangilile icakusininkizizya usuma wako we Yawe, Uleke insonyi zileme yao ampata. Yamanye nu kuti awewe sile ukangazwa nu kunsansamusya.

Kufuma 14:25

Yawe alenga kuti mipeto ya maceleta yao isokozoke, cakuti iyapita panono panono. Aina Eguputo yavwanzyanya yati, “Yawe akulwila aina Izlaeli yaa. Acino lekini tuutuke ukufuma kunoyali.”

Ezaya 14:13

We muno welenganyanga uti, “Ndakwela ukwiyulu nu kuteeka icilimba cane ca wene apapela ya ntanda zyakwe Leza. Nupya ndikala apa mwamba wa ukongano, api kasa limani, lwaku ufumondaka ukutali.

Ezaya 40:31

Lelo kuli yayo akataila muli Yawe awe cumi yene amaka yao yakaweluluka. Yakakatuka na maka wakwe lyang'anda, na lino yavulumuka ulwilo yasitonta. Na lino yakupita sile, nalyo kwene amaka yao yasisila.

Ezaya 60:8

Uzye ayaweni yaya yano yakuzyunda wa makumbi, yano yakwiza ungati ivipeele ivikupapukila ku cinsanzo?

Malaki 3:18

Nupya kwene antu yane yalalola upusano uwaya pakasi ka antu akacita vyaololoke na yakaifya, pakasi ka antu akatumikila Yawe na yayo asimutumikila.”

Luka 16:23

Lyene kuzimo kuno wali mukucula kukulu cuze, asanzula amanso alola Abulaamu patali, na Lazalo ala atenzi pipi nawe.

Milimo 1:9

Pacisila lino wavwanga vintu vii, asendwa kwiyulu ala yakulola. Alino ikumbi limuvimba nga nao yata kumulola.

1 Tesalonika 4:17

Lyene swemo, swe muno tulaya aumi pa nsita ilya, tulasendwa pamwi nao mwiyulu mupela mu makumbi ku kukomanya Mwene. Alino kufuma pa nsita ilya tulaya pamwi nu Mwene lyonsi pe.

Umbwilo 12:5

Lyene umwanaci avyala umwana monsi, wino walinga kuteeka inko zyonsi ku nsonzo ya cela. Lelo mwana yamusompola yamusenda kuli Leza nu kumwika pa cilimba cakwe ca wene.

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.

Umbwilo 4:1

Pacisila cakwe vii nakweti cilolwa na cuze nga ndola mulyango uyulike mwiyulu. Alino izwi lyuvwika wa ntandala, liti “Iza kuno kupeela nani namakulanga vintu ivilacitika pacisila cakwe cii.”